Apocalipsis 18:4 - Dios Rimashca Shimicunami

⁴ Chai q'uipaca cielopica shujtaj cashna nishpa rimashcatami uyarcani: “¡Ñucapaj cajcunaca, paicunapaj juchacunapi ama chagruringapaj, paicuna shina ama llaquita apangapajca chai pueblomanta llujshichij!,

Mushuj Testamento Diospaj Shimi

⁴ Chai qʼuipaca, jahua pachamantaca shujtajmi cashna nirca: «Ñuca agllashcacuna, chai pueblomanta llujshimuichij. Chaimanta llujshishpami, paicuna rurashca juchacunatapish mana ruranguichij, paicunata japij llaquicunatapish mana apana tucunguichij.

Apocalipsis 18:4 Iomraidhean Croise

GÉNESIS 19:14

Chaimi Lot rishpaca, paipaj ushushicunahuan cazaranacunataca: –¡Cai pueblopi causajcunataca, Mandaj Diosca chingachigrinmi. Chaimanta jatarichij caimanta llujshishpa jacuchij!– nirca. Ashtahuanpish Lotpaj yernocunaca pugllacunllami yuyarcami.

SALMOS 50:18

Shuhuata ricushpapish paihuanmi callparcangui. Huainayajcunahuanmi shuj yuyailla tucushpa purircangui.

ISAÍAS 48:20

Babiloniamanta llujshichij. Caldeocunapaj chaupimanta miticushpa richij. Cushicushpa huillaichigari. Tucuicunaman huillaichij. Paicunamanca: Mandaj Diosca paipajta ruraj Jacobtaca quishpichinmari nishpa, tucui cai pachata rishpa huillaichij.

ISAÍAS 52:11

¡Anchurichij, anchurichij, chaimanta llujshichij. Imapish mapapica ama tuparichijchu. Paicunapaj chaupimanta llujshichij! ¡Mandaj Diospaj ch'icanchishca charinacunata apajcunapish ima mapa illajlla tucuichij!

JEREMÍAS 50:8

Babiloniamanta miticuichigari, caldeocunapaj llajtamantaca llujshichigari. Oveja canlla ñaupajpi jatun c'ari chivo ñaupaj shina, pushashpa llujshichigari.

JEREMÍAS 51:45

Ñuca agllashcacuna chaimanta llujshichigari. Tucuicuna cancunapaj causaita quishpichichigari. Ñuca, Mandaj Diosmari jatunta p'iñarishpa chai pueblotaca llaquichigrini.

JEREMÍAS 51:50

Espadapi huañunamanta quishpirishcacunaca ama uniyashpa, utca callpaichigari. Mandaj Diostaca cancunapaj tucui causaipi yuyarishpa causanguichij. Jerusalentapish pajta cungaringuichijman.

JEREMÍAS 51:6

Babiloniamanta llujshishpa callpaichigari. Cancunapaj causaillatapish quishpichichigari. Chai llajta runacuna millaita rurashcamantami, Mandaj Diosca llaquichigrin. Paicunata llaquichina punllamari chayamushca. Paicunaman cuna cashcatamari cugrin.

JEREMÍAS 51:9

Babilonia llajtataca ñami jambinchij. Shina cajpipish, manataj alliyanchu. Tucuicuna shitashpa ñucanchij quiquin llajtacunaman jacuchijlla. Jahua pachaman chayajtami millaita rurashcacuna. Paicunapaj juchaca p'uyucamami chayashca.

Mateo 23:30

Chashna rurashpaca: “Ñucanchij yayacuna causai punllacuna causashca cashpaca, chai profetacunata huañuchichunca mana saquinchijmanchu carca” ninguichijmi.

2 Corintios 6:17

Chaimanta: “Paicunapaj chaupimanta llujshimuichij, ch'icanyarichij” ninmi Jatun Diosca. Shinallataj: “Ima mapata ama japirichijchu. Chashna rurajpica, cancunataca chasquishami.

1 Timoteo 5:22

Manaraj alli ricushpaca, maijanpaj jahuapipish maquicunata ama utca churangui. Ñataj shujtajcunapaj juchacunapi chagruringuiman. Ashtahuanpish chuya catingui.

2 Juan 1:11

Maijanpish: “¡Allimi shamushcangui!” nijca, chai mana alli yachachijpurami tucun.