Apocalipsis 18:23 - Dios Rimashca Shimicunami

²³ Canpica achijyachij lamparacunapish ña manataj tiyangachu. Novio, novia cushicushpa cantashcapish canpica ña manataj uyaringachu. Randishpa c'atushpa canpi causajcunaca, ñaupaca tucui llajtacunamanta yalli jatun tucushcacunami carca. Tucui llajtacunatami cambaj brujianahuan umarcangui.

Mushuj Testamento Diospaj Shimi

²³ Caipica, achijyachij lamparacunapish, ña mana ashtahuanca tiyangachu. Novio, novia caźarashpa cushicushcapish, ña manataj ashtahuan uyaringachu. Ñaupaca, caipi randishpa, cʼatushpa causajcunami, tucui llajtacunata yalli charijcuna carca. Canca brujiashpami, tucui llajtacunapi causajcunata umashpa causarcangui.

Apocalipsis 18:23 Iomraidhean Croise

2 REYES 9:22

Joramca Jehuta ricushpaca: –¿Jehú sumaj causai tiyachunchu shamungui?– nijpi Jehuca: –Cambaj mama Jezabel rurashcalla dioscunahuan huainayashpa, brujianacunata rurashpa causacujpica, ima sumaj causaitaj tiyangari– nircami.

JOB 21:17

Mashna cutinpishchari Diosta mana manchajcunapaj lamparaca huañun. Paicunataca llaquicuna japinllami. Taita Dios p'iñarishpaca nanaicunata cachanllami.

PROVERBIOS 24:20

Chai millaicunapajca q'uipataca, mana cushicui tiyangachu. Mana manchajcunapaj lamparataca huañuchingatajmi.

ISAÍAS 23:8

Tiro llajta chashna tucunataca ¿pitaj mandarcari? Paica coronacunata chaupijmi carca. Caipi causaj c'atushpa randishpa purijcunapish mandajcunami carca. Llajtacunapi c'atunaman randinaman rijcunaca maipipish paicunata ashtahuan alli nishcacunami carca.

ISAÍAS 47:9

Viuda canapish, huahua illaj canapish ishquindijmi chai punllaca cambaj jahuaman ñapish shamunga. Chai llaquicuna ama japichun brujocunahuan pajtachiricujpipish chai llaquica tucui fuerzahuanmi cambaj jahuaman shamunga.

JEREMÍAS 16:9

Tucuita Mandaj, israelcunapaj Diostajmi cashnapish nin: “Cunan cancuna causacui punllacunapimi cai llajtamantaca cancuna cushicushpa cantanatapish, caparirinatapish, cusayuj, huarmiyuj tucushca punlla cushicushpa cantanatapish anchuchisha.

JEREMÍAS 25:10

Tucui cai llajta runacunamantaca jatunta cushicushpa cantanatapish, cushicuihuan caparirinatapish, cusayuj huarmiyuj tucushca punlla cantanatapish chingachishami. Shinallataj cutana rumipish mana uyaringachu, tutacunapish lámpara achijyachishca mana ricuringachu.

JEREMÍAS 7:34

Chashna rurashpami, Judá llajtamantapish, Jerusalén pueblo callecunamantapish asishpa cushicuihuan cantanataca chingachisha. Shinallataj cusayuj, huarmiyuj tucushca punlla cantanatapishmi chingachisha. Tucui llajtatami shitashcata saquisha” ninmi.

NAHUM 3:4

Huainayaj huarmi shina sumaj ricurishpami, shujtajcunahuan yallitaj huainayarcangui, brujianata alli yachachijmi carcangui. Llajtacunapi causajcunatapish huainayachishpa, brujiashpami urmachircangui. Chashna mana allita rurashcamantami, chai llaquicunaca japinga.

Hechos 8:11

Alli yumbomi cani nishpa pai imalla rurashcacunahuan ña unita umashpa manchachishca cashpami, tucuicuna paita alli uyajcuna carca.

Apocalipsis 12:9

Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo, Satanás shutipishmi. Paica, allpa pachapi causajcunata umajmi. Paitami tucui paipaj millai angelcunandij allpa pachaman shitarca.

Apocalipsis 17:2

Allpa pachapi jatun mandajcunaca chai huarmihuanmi huainayarcacuna. Tucui llajtapi causajcunapish chai huarmita catishpami vinota ubyashpa machaj shina huainayashpa causarcacuna” nircami.

Apocalipsis 17:5

Chai huarmica paipaj frentepica pi mana entendi tucuipaj shutita quillcashcami carca. Chaipica: “Babilonia, jatun pueblo, canca huainayashpa causajcunapaj, allpa pachapi tucui imalla millanayajta rurajcunapajpish mamami cangui” nishpa, quillcashcami carca.

Apocalipsis 18:22

Canpica arpapi tocashcacuna, flautapi tocashcacuna, trompetapi tocashcacunapish ña manataj ashtahuanca uyaringachu. Shinallataj tucui ima charinacunata rurajcunapish ña mana ashtahuan tiyangachu. Molinopi cutashcapish ña manataj uyaringachu.

Apocalipsis 18:3

Tucui llajtacunapi causajcunaca, machana vinota ubyaj shinami chai huarmihuan huainayashcacuna. Tucui jatun mandajcunapish chai huarmihuanmi huainayashpa causashcacuna. Chai huarmica chashna achcata charij cashcamantami allpa pachapi randishpa c'atushpa causajcunaca ima shinapish millaita rurashcahuan achcata charijyashcacuna” nircami.

Apocalipsis 18:9

Chai huarmihuan huainayashpa achcata cushicushpa causaj allpa pachapi jatun mandajcunapish, paita rupachishca cushni llujshicujta ricushpaca, jatunta llaquirishpami huacangacuna.

Apocalipsis 21:8

Shina cajpipish manchajcunaca, mana crijcunaca, millashcacunaca, huañuchijcunaca, apanacushpalla causajcunaca, brujocunaca, rurashcalla dioscunata adorajcunaca, tucui llullajcunapish paicuna japina cashcataca azufrehuan rupacuj nina cuchatami japingacuna. Chaica q'uipa huañuimi” nircami.

Apocalipsis 22:15

Ashtahuanpish allcucunaca, brujocunaca, huainayajcunaca, huañuchijcunaca, rurashcalla dioscunata adorajcunaca, llullaj canata c'uyashpa llullajcunaca, tucuicunami canllapi saquiringacuna.

Apocalipsis 22:5

Chaipica, tutaca mana tiyangachu. Mandaj Taita Dios paicunata achijyachishcamanta achijyachij lamparatapish, intitapish ña mana minishtingacunachu. Paihuanmi huiñai huiñaita mandangacuna.

Apocalipsis 6:15

Cai pachata jatun mandajcunapish, jatuncunapish, achcata charijcunapish, soldadocunata mandajcunapish, poderyujcunapish, randishcacunapish, mana randishcacunapish, tucuicunami urcucunapi caj jutcucunapi, rumi chaupicunapi pacatucurcacuna.

Apocalipsis 9:21

Chaicunaca, huañuchij canata, brujiaj canata, huainayaj canata, shuhuaj canatapish mana saquircacunachu. Diosmanca manataj cutirircacunachu.