Apocalipsis 18:21 - Dios Rimashca Shimicunami

²¹ Chai q'uipaca, imatapish rurai tucuj shuj angelmi, molino rumitajlla jatun rumita marcashpa mama cuchapi cashna nishpa shitarca: “Babilonia jatun pueblo, cashnami ucuman shitashca cangui. Chaimantaca cutinca manataj ricuringuichu.

Mushuj Testamento Diospaj Shimi

²¹ Chai qʼuipaca, imatapish rurai tucuj angelmi, molino rumi shina jatun rumita marcashpa, cashna nishpa mama cuchapi shitarca: «Babilonia jatun pueblolla, canpish cai rumita shinallatajmi shitashca cangui. Chaimantaca, cutinca manataj ricuringuichu.

Apocalipsis 18:21 Iomraidhean Croise

NEHEMÍAS 9:11

Paicunapaj ñaupajpimi mama cuchatapish chaupircangui. Chaimi chaquishca pambata ch'imbarcacuna. Llaquichingapaj caticujcunataca chai yacuhuanmi tapachircangui. Paicunaca rumi shinami mama cucha ucujman saquirircacuna.

JOB 20:8

Muscui shina chingarijpica, manataj japi tucungachu. Tuta muscuipi imata ricushca shina chingarinallami.

SALMOS 37:36

Chashna cashpapish chingarircallami. Pai maipi cashcapica mana carcachu. Pai maipi cashcata mashcashpapish mana japircanichu.

ÉXODO 15:5

Yacuca ucujmanmi millpurca. Rumi shinamari cucha ucujman huashicurcacuna.

EZEQUIEL 26:21

Cantaca jatun mancharinatami rurasha, ña mana canllatajchu saquiringui. Cantaca mashcangacunami, mashcashpapish manataj cutinca japingacunachu” nircami Mandaj Jatun Diosca.

DANIEL 11:19

Chaimi janaj lado llajtata jatun mandajca paipaj quiquin pueblopi caj torreman tigranga. Chaipica paica ñitcarij shinami urmashpa chingaringa. Paimantaca pi mana yuyaringachu.

Apocalipsis 10:1

Chai q'uipaca, p'uyuhuan pillurishca imatapish rurai tucuj shujtaj ángel cielomanta uriyacujtami ricurcani. Paipaj uma jahuapipish shuj cuichitami charirca. Ñahuipish inti shina achij nicujmi carca. Changacunapish lunyacuj nina shinami carca.

Apocalipsis 12:8

Macanacushpapish dragonca mana mishai tucurcachu. Chaimanta paicunaca cielopica, ña mana ashtahuan chayai tucurcachu.

Apocalipsis 16:20

Chaimantami yacu chaupipi tiyaj tucui llajtacunapish, jatun urcucunapish tucui chingarirca.

Apocalipsis 18:10

Chai llaquita manchashcamantaca caruman shayarishpami: “¡Aij, aij, tucuita mandaj jatun Babilonia pueblolla! Canta jatunta llaquichinaca cungaillapimari japishca” ningacunami.

Apocalipsis 18:22

Canpica arpapi tocashcacuna, flautapi tocashcacuna, trompetapi tocashcacunapish ña manataj ashtahuanca uyaringachu. Shinallataj tucui ima charinacunata rurajcunapish ña mana ashtahuan tiyangachu. Molinopi cutashcapish ña manataj uyaringachu.

Apocalipsis 20:11

Chaimantaca yurajlla jatun tiyarinatapish chai jahuapi tiyacujtapishmi ricurcani. Paipaj ñaupajmantaca allpa pachapish cielopish tucuimi chingarirca. Cutinca ña manataj ricurircachu.

Apocalipsis 5:2

Imatapish rurai tucuj shuj angeltami ricurcani. Paica: “¿Pitaj chai librota pascaipaj sellashcacunatapish anchuchi tucuipajtajca cangari?” nishpami caparishpa tapurca.