Apocalipsis 18:2 - Dios Rimashca Shimicunami

² Paica sinchita caparishpami, cashna nirca: “¡Babilonia jatun puebloca urmashcamari, urmashcamari! Supaicuna causanamari tucushca. Mapayachij tucui espiritucuna causana jutcumari tucushca. Millanayaj pajarocuna causana tazinmari tucushca.

Mushuj Testamento Diospaj Shimi

² Paica, sinchita caparishpami, cashna nirca: «Babilonia jatun puebloca urmashcamari, urmashcamari. Supaicuna causana huasi, mapayachij espiritucuna paca tucushpa tiyana, pʼiñana, millanana pajarocuna tʼaźinashpa causanapajllamari saquirishca.

Apocalipsis 18:2 Iomraidhean Croise

ISAÍAS 14:23

Erizo animalcuna causana tucuchunmi saquisha. Guzu tucuchunmi saquisha. Tucuita tucuchij p'ichanahuanmi p'ichasha” ninmi. Tucuita Mandaj Diosca.

JEREMÍAS 25:30

Tucui paicunapaj llaqui shamunata cashna huillangui: Mandaj Diosca jahuamantami c'ulun nishpa uyaringa. Jucha illaj Diosca, pai causana huasimantami sinchita rimanga. Paipaj cashcamantami cai llajtataca p'iñarishpa caparinga. Tucui cai pachapi causajcunatami uvata sarujcuna cantanata cantaihuan llaquichinga.

JEREMÍAS 51:37

Babilonia pueblopish, rumi montonllami saquiringa. Chaipica chacal animalcunallami causanga. Chashna shitashca saquirishcamantaca tucuicuna mancharinapish, chanzata rurashpa asinapishmi canga.

JEREMÍAS 51:8

Shina cashpapish Babilonia llajtaca, paipaj maquimanta ñapish urmashpa ñuturishcallamari. Paimanta huacaichigari, bálsamo aceiteta mashcaichigari. Chaihuan jambijpica, paipaj chugricuna alliyangapishchari.

JOEL 3:16

Mandaj Diosca Sionmantami caparinga, Jerusalenmantaca pai rimashcami uyaringa. Chaimantaca jahua pachapish, cai pachapish chujchungami. Ashtahuanpish Mandaj Diostami, pai agllashcacunaca shuyangacuna. Pai agllashca israelcunapajca, paca tucuna jatun pata shinami tucuimanta huaquichinga.

SOFONÍAS 2:14

Chaipica charina animalcunapish, sacha animalcunapish causanami tucunga. Pelicanopish, erizopishmi huasi pilar jahuacunapi dormingacuna, huasi ventanacunapimi huacangacuna. Cedro caspicunapish, p'aquirishpa llujshishcamanta pungucunapish llaquinayajmi tucunga.

Apocalipsis 1:15

Paipaj chaquicunapish, hornopi bronceta rupachishpa llambujllata rurashca shina achij nicujmi carca. Pai rimashcapish, achca yacu huajiacuj shinami carca.

Apocalipsis 10:3

Paica león huacarij shinami sinchita caparirca. Chashna caparijpi pai caparishca shinallataj tigra uyarishpaca, canchis c'ulun nishcacunahuanmi sinchita uyarirca.

Apocalipsis 11:8

Chai huillajcunata huañuchijpica, jatun pueblo plazapimi paicunapaj huañushca aichacunaca siricunga. Ñucanchijta Mandajtapish chai pueblollapitajmi chacatarcacuna. Chai jatun pueblopimi nishpaca Sodoma shina, Egipto shina cashcatami ricuchin.

Apocalipsis 14:15

Diospaj huasimanta shujtaj ángel llujshishpaca, p'uyu jahuapi tiyacujtaca: “¡Cozichanaca ñamari chayamushca, allpa pachapica granocunaca ñami cozichanalla, cambaj hoceshuan cuchui!” nishpami sinchita caparirca.

Apocalipsis 14:8

Shujtaj angelpish: “Babilonia jatun puebloca, tucui llajtacunapi causajcunaman machana vinota ubyachij shina huainayachishcamantaca, paica urmashcamari, urmashcamari” nishpami caparishpa caticurca.

Apocalipsis 16:13

Chai q'uipaca, dragonpaj shimimanta, jatun animalpaj shimimanta, llullashpa huillajpaj shimimantapish, sapocunaman rijchaj quimsa millai espiritucuna llujshijtami ricurcani.

Apocalipsis 16:19

Chashna t'imburijpica, jatun puebloca quimsapimi chaupirirca. Tucui llajtacunapi tiyaj pueblocunapish urmarcami. Chashna tucujpica jatun Babiloniamanca pai p'iñarishcahuan caj copamanta vinota ubyachinatami Diosca yuyarirca.

Apocalipsis 17:18

Can ricushca huarmica, allpa pachapi jatun mandajcunata, mandacuj jatun pueblomi” nircami.

Apocalipsis 17:5

Chai huarmica paipaj frentepica pi mana entendi tucuipaj shutita quillcashcami carca. Chaipica: “Babilonia, jatun pueblo, canca huainayashpa causajcunapaj, allpa pachapi tucui imalla millanayajta rurajcunapajpish mamami cangui” nishpa, quillcashcami carca.

Apocalipsis 18:10

Chai llaquita manchashcamantaca caruman shayarishpami: “¡Aij, aij, tucuita mandaj jatun Babilonia pueblolla! Canta jatunta llaquichinaca cungaillapimari japishca” ningacunami.

Apocalipsis 18:21

Chai q'uipaca, imatapish rurai tucuj shuj angelmi, molino rumitajlla jatun rumita marcashpa mama cuchapi cashna nishpa shitarca: “Babilonia jatun pueblo, cashnami ucuman shitashca cangui. Chaimantaca cutinca manataj ricuringuichu.

Apocalipsis 5:2

Imatapish rurai tucuj shuj angeltami ricurcani. Paica: “¿Pitaj chai librota pascaipaj sellashcacunatapish anchuchi tucuipajtajca cangari?” nishpami caparishpa tapurca.