Apocalipsis 18:14 - Dios Rimashca Shimicunami

¹⁴ Paicunaca chai pueblotaca: –Can munashpa mishquichishpa micunaca ñamari tucurishca. Sumaj charinacunahuan achcata charij canapish tucurishcamari. Cutinca manataj charijyanguichu– ningacunami.

Mushuj Testamento Diospaj Shimi

¹⁴ Paicunaca, chai pueblotaca: «Can tucuita yalli munashca sumaj micunataca, ña mana micunguichu. Achcata charishcatapish, sumajta cushicunatapish canca tucuimari chingachishcangui, cunanca ña manataj cutinca japinguichu» ningacunami.

Apocalipsis 18:14 Iomraidhean Croise

SALMOS 106:14

Shitashca pambapica, quiquin munaillata rurasha nij cacharishcacunami tucurcacuna. Shitashca pambapica Dios imata rurajta ricungapajmi, caita chaita rurachun nircacuna.

SALMOS 78:18

Diostaca paicuna munashcata rurachun nishpami p'iñachircacuna. Paicuna munashca micunatami mañarcacuna.

NÚMEROS 11:34

Micushpapish mana amijcunata chaipi pambashcamantami, chai pambataca Kibrot-hataava shutita shutichirca.

NÚMEROS 11:4

Israelcunahuanca mana israelcunapishmi chagru carca. Paicunaca micunallatami yuyarcacuna. Chaimantami israelcunapish micunallata yuyashpa cashna nishpa huacarcacuna: “Caipica ¿pitaj aichata micuchun cungari?

Mateo 11:8

Mana cashpaca ¿Shuj runa sumaj churanacunata churarishcatachu ricugrircanguichij? Sumajta churarishcacunaca, jatun mandajcunapaj huasicunallapimi tiyan.

Lucas 12:20

Ashtahuanpish Taita Diosca chai runataca: “Yuyai illaj, cunan tutallatajmari cambaj causaita quichugrin. Tucui can huaquichishcacunaca ¿pipajshi canga?” nirca.

Lucas 16:25

Ashtahuanpish Abrahamca: “Huahua, yuyariyari, canca causaipirajmi cambaj charishcacunahuan sumajta cushicurcangui. Lazaroca causaipica llaquitami aparca. Paica cunanca caipimi cushicucun. Ashtahuanpish canca llaquitami apacungui.

1 Corintios 10:6

Tucui caicunaca ñucanchij ricushpa, paicuna ima mana allicunata munashca shina, ñucanchijpish ama munachunmi chashna tucurca.

Santiago 4:2

Charinata munashpapish mana charinguichijchu. Shujtajcunapaj charishcacunata cambaj cachun yuyashpa huañuchishpapish, imayuj mana tucunguichijchu. Imata charinata munashpa macanacushpapish, p'iñanacushpapish Diosta mana mañashcamantaca imata mana japinguichijchu.

Apocalipsis 18:13

Shinallataj canelapish, tucui laya mishquiman ashnacujcunapish, inciensopish, mirrapish, olibanopish, vinopish, aceitepish, trigo cutapish, trigopishmi carca. Shinallataj jatun animalcunapish, ovejacunapish, caballocunapish, carretacunapish, c'atungapaj randishpa apashca gentecunapishmi carca.

Apocalipsis 18:15

Tucui chaicunata chai pueblopi c'atushpa randishpa achcata charijyajcunaca chai llaquita manchashcamantaca jatunta llaquirishpa huacashpa, caruman shayarishpami,