Apocalipsis 18:12 - Dios Rimashca Shimicunami

¹² Chai c'atunacunaca: Curi, cullqui, sumaj rumicuna, perlacuna, linomanta rurashca sumaj linsocuna, morado, seda linsocuna, pucanicuj linsocuna, mishquiman ashnacuj tucui laya caspicuna, marfilmanta rurashca tucui laya charinacuna, sumaj caspimanta rurashca tucui laya charinacuna, cobremanta, fierromanta, marmolmanta rurashcacunapishmi carca.

Mushuj Testamento Diospaj Shimi

¹² Paicunaca: Curita, cullquita, sumaj rumicunata, sumaj perlasta, alli lino linsocunata, sedata, morado, puca linsocunatapish, mishquita ashnaj chʼican chʼican caspicunatapish, marfilmanta rurashca tucui laya sumajcunata, alli caspicunamanta rurashca tucui laya sumajcunata, cobreta, fierrota, marmolta,

Apocalipsis 18:12 Iomraidhean Croise

2 CRÓNICAS 2:8

Shinallataj Líbano urcumantapish, cedro caspicunata, ciprés caspicunata, sándalo caspicunata cachai. Cambajta rurajcunaca, Líbano urcupi caspicunata p'itinata allimi yachancuna. Cambajta rurajcunataca, ñucapajta rurajcuna ayudagringallami.

NAHUM 2:9

Cullquitapish, curitapish quichuichijlla. Chai tucui laya sumaj, munanajlla charinacunaca mashnata apajpipish mana tucuripajchu.

Apocalipsis 17:3

Chai q'uipaca ñucaca tucuipimi Diospaj Espiritulla pushashca carcani. Paimi shitashca pambaman pusharca. Chaipica canchis umayuj, chunga gachuyuj, pucanicuj jatun animalpi tiyarishca shuj huarmitami ricurcani. Chai animalca Diosta c'amishpa rimashca shuticunahuan jundami carca.

Apocalipsis 17:4

Chai huarmica moradota, pucanicuj churanata churashcami carca. Shinallataj sumaj rumicunahuan, perlacunahuan curihuanpish sumajta allichirishcami carca. Maquipica, millananahuan, huainayashca mapahuan junda curi caliztami charicurca.

Apocalipsis 18:15

Tucui chaicunata chai pueblopi c'atushpa randishpa achcata charijyajcunaca chai llaquita manchashcamantaca jatunta llaquirishpa huacashpa, caruman shayarishpami,