Apocalipsis 18:10 - Dios Rimashca Shimicunami

¹⁰ Chai llaquita manchashcamantaca caruman shayarishpami: “¡Aij, aij, tucuita mandaj jatun Babilonia pueblolla! Canta jatunta llaquichinaca cungaillapimari japishca” ningacunami.

Mushuj Testamento Diospaj Shimi

¹⁰ Chai llaquita manchashcamanta, paicunaca carullamanta ricushpami: «¡Ai, ai, jatun sinchi Babilonia pueblolla! ¡Shuj horasllapimari, canta llaquichinaca chayamushca!» ningacunami.

Apocalipsis 18:10 Iomraidhean Croise

ISAÍAS 21:9

Chashna chapacushpami ishqui ishqui caballocuna carrocunata aisashca shamucujta ricurcani”. Paicunamanta shujca: “¡Babiloniaca urmanca, urmanca! Paicunapaj rurashcalla dioscunaca ñuturishpami pambapi siricun” nircami.

ISAÍAS 47:9

Viuda canapish, huahua illaj canapish ishquindijmi chai punllaca cambaj jahuaman ñapish shamunga. Chai llaquicuna ama japichun brujocunahuan pajtachiricujpipish chai llaquica tucui fuerzahuanmi cambaj jahuaman shamunga.

JEREMÍAS 30:7

¡Aij, Jacobpaj huahuacunalla! Paicunapajca manataj chashna tiyashca jatun punllamari chayamugrin. Jatun llaqui punllami canga. Shina cajpipish ñucami paicunataca quishpichisha nircami.

EZEQUIEL 32:9

Can mana rijsishca llajtacunaman cambajcunata prezu apashpaca, achca llajtacunatami llaquilla shunguhuan saquisha.

JOEL 1:15

¡Aij, Mandaj Dios shamuna punllaca ñamari pajtamucun! Tucuita Rurai Tucuj Mandaj Dios jatunta llaquichina punllaca ñamari chayamucun.

AMÓS 5:16

Tucuita Mandaj Taita Diosca cashnapishmi nin: “Tucui plazacunapimi huacai tiyanga, tucui ñancunapimi aij, aij nishpa huacana tiyanga. Tarpuj runatapish, huacaj shamui nishpami cayangacuna. Yupashpa yupashpa huacanata alli yachajcunatapish huacachunmi cayangacuna.

NÚMEROS 16:34

Chai runacuna caparirishpa huashicujta uyashpami, chai muyundijpi shayacuj tucui israelcunaca: “Ñucanchijtapish ñataj allpa millpunman” nishpa callparcacuna.

Apocalipsis 11:8

Chai huillajcunata huañuchijpica, jatun pueblo plazapimi paicunapaj huañushca aichacunaca siricunga. Ñucanchijta Mandajtapish chai pueblollapitajmi chacatarcacuna. Chai jatun pueblopimi nishpaca Sodoma shina, Egipto shina cashcatami ricuchin.

Apocalipsis 14:8

Shujtaj angelpish: “Babilonia jatun puebloca, tucui llajtacunapi causajcunaman machana vinota ubyachij shina huainayachishcamantaca, paica urmashcamari, urmashcamari” nishpami caparishpa caticurca.

Apocalipsis 16:19

Chashna t'imburijpica, jatun puebloca quimsapimi chaupirirca. Tucui llajtacunapi tiyaj pueblocunapish urmarcami. Chashna tucujpica jatun Babiloniamanca pai p'iñarishcahuan caj copamanta vinota ubyachinatami Diosca yuyarirca.

Apocalipsis 17:12

Can ricushca chunga gachucunaca, mandanata manaraj chasquij chunga jatun mandajcunami. Chashna cashpapish paicunaca jatun animaldijmi jatun mandajcuna shina mandaj canataca shuj horaspajlla chasquinga.

Apocalipsis 18:18

chai jatun pueblo rupacuj cushnita ricushpaca: “Ima shujtaj pueblotaj chai jatun pueblo shinaca tiyarcari” nishpami caparircacuna.

Apocalipsis 18:19

Chashna nishpaca, paicunapaj uma jahuata allpata shitarishpa, jatunta llaquirishpa huacashpami: “¡Aij, aij, jatun pueblolla, paimantamari mama cuchapi barcocunata tucui charijcunaca achcata charijyarcacuna! ¡Cungaillapimari ñapish tucui chingachishca saquirishca! nircacunami.

Apocalipsis 18:21

Chai q'uipaca, imatapish rurai tucuj shuj angelmi, molino rumitajlla jatun rumita marcashpa mama cuchapi cashna nishpa shitarca: “Babilonia jatun pueblo, cashnami ucuman shitashca cangui. Chaimantaca cutinca manataj ricuringuichu.

Apocalipsis 18:8

Chashna niricujpipish shuj punllallapimi paitaca huañuipish, huacaipish, yaricaipish chashna jatun llaquicunaca japinga. Tucuita Rurai Tucuj Mandaj Taita Diosca, pai ima shinalla rurashcata ricuchishpami ninapi rupachinga.