Apocalipsis 17:9 - Dios Rimashca Shimicunami

⁹ “Caica alli entendij yachaisapallami entendi tucunapajmi: Chai canchis umacunaca, canchis urcucunami. Chai urcu jahuapimi, huarmica tiyacun.

Mushuj Testamento Diospaj Shimi

⁹ ¡Caitaca, alli yachaillahuanmi ima cashcatapish yachai tucun! Chai canchis umacunaca, canchis urcucunami. Chai urcucuna jahuapimi, chai huarmica tiyacun.

Apocalipsis 17:9 Iomraidhean Croise

DANIEL 12:4

Ashtahuanpish Daniel canca, cai shimicunata quillcashca librotaca, tucuri punllacunacama huichcashpa sellailla. Achcacunami caiman chaiman callpangacuna. Ima jatun yachaipish ashtahuanmi miranga nircami.

OSEAS 14:9

Caita entendingapajca ¿pitaj yachaisapari? Caicunata yachangapajca ¿pitaj alli yuyaiyugri? Mandaj Diospaj ñancunaca mana huishtuchu. Chai ñancunataca cashcata rurajcunallami puringa. Ashtahuanpish paita c'ariyajcunaca chai ñanllapitajmi ñitcarishpa urmangacuna.

Mateo 13:11

Shina nijpi Jesusca: –Taita Dios mandagrin, pi mana yachashca pacalla cajtaca, cancunamanmi ricuchishca. Ashtahuanpish paicunamanca, chaitaca mana ricuchishcachu.

Mateo 24:15

Chingachij millai runa Diospaj jucha illaj huasipi cajta ricushpaca, profeta Daniel chashna canata huillashcami pajtacunga. (Maijanpish rezajca entendichun).

Apocalipsis 13:1

Mama cucha c'uchu t'iyu allpapica dragón shayacujtami ricurcani. Chai q'uipaca mama cucha chaupimantaca canchis umacunayuj, chunga gachucunayuj animal llujshicujtami ricurcani: Chai gachucunapica, chunga coronacunatami churashca carca. Chai canchis umacunapica Diosta c'amishpa rimashca shutitami quillcashca carca.

Apocalipsis 13:18

Cancuna yachaj cashpaca, caita yachai tucunguichijmi. Maijanpish alli entendij cashpaca, animalpaj numerota yupachun. Chai numeroca, 666mi. Chai numeroca shuj runapaj shutimi.

Apocalipsis 17:18

Can ricushca huarmica, allpa pachapi jatun mandajcunata, mandacuj jatun pueblomi” nircami.

Apocalipsis 17:3

Chai q'uipaca ñucaca tucuipimi Diospaj Espiritulla pushashca carcani. Paimi shitashca pambaman pusharca. Chaipica canchis umayuj, chunga gachuyuj, pucanicuj jatun animalpi tiyarishca shuj huarmitami ricurcani. Chai animalca Diosta c'amishpa rimashca shuticunahuan jundami carca.

Apocalipsis 17:7

Chaipimi ñucataca angelca: “¿Ima nishpataj mancharingui? Can ricushca huarmimantapish paita aparishca canchis umayuj, chunga gachuyuj jatun animalmantapish pi mana entendi tucushcataca cunanmi huillasha.