Apocalipsis 17:6 - Dios Rimashca Shimicunami

⁶ Chai huarmitaca, Diospajlla cajcunata huañuchishca yahuarhuan, Jesusmanta huillacushcamanta huañuchishcacunapaj yahuarhuanpish machashcatami ricurcani. Chaita ricushpaca, ñucaca achcatami mancharircani.

Mushuj Testamento Diospaj Shimi

⁶ Chai huarmitaca, Diospajlla cajcunapaj yahuarhuanpish, Jesusmanta huillajcunapaj yahuarhuanpish machashcatami ricurcani. Chaita ricushpaca, achcatami mancharircani.

Apocalipsis 17:6 Iomraidhean Croise

DANIEL 7:21

Chai gachuca, Diospajlla cajcunahuan macanacushpa, pai mishacujlla cajtami ricurcani.

DANIEL 7:25

Jahua pacha Taita Diostapish p'iñashpami millai shimicunata rimanga. Jahua pacha Taita Diospaj jucha illajcunatapish llaquichingami. Huatacunatapish, mandashcacunatapish shujtajyachinatami yuyanga. Diospajlla cajcunaca quimsa huata chaupicamami paipaj maquipi churashca canga.

HABACUC 1:13

Canca ima jucha illaj cashpami, millaitaca manataj ricunachingui. Ima millaita manataj ricui tucunguichu. ¿Ima nishpataj llaquichicujtaca ricucunguillari? Canta mana manchaj runaca, paita yalli cashcata ruraj runata juchachishpa llaquichicunmari. ¿Ima nishpataj chaitaca ricucunguillari?

Juan 2:10

cashna nirca: –Tucuicunamari alli vinotaraj cuncuna. Ña achcata ubyashca q'uipamari chagrushca vinotaca cuncuna. Ashtahuanpish canca alli vinotarajmari q'uipapaj charicushcangui– nirca.

Hechos 22:20

Shinallataj canmanta huillaj Estebanta yahuarsapata rurashpa huañuchicujpipish allimi nishpa, huañuchijcunapaj churanacunatapish cuidashpami ñucaca shayacurcani” nircanimi.

Apocalipsis 12:11

Chai huauquicunaca, Ovejapaj yahuarhuan, paipaj shimita huillashcahuanmi diablotaca misharcacuna. Quiquin causaita mana llaquishpami huañuchingacama huillarcacuna.

Apocalipsis 13:15

Q'uipata ricurij animalmanca punta ricuj animalman rijchajta rurashcalla animalman causaita cuchunmi Diosca saquirca. Chai rurashcalla animalca ña rimashpaca paita tucui mana adorajcunataca huañuchichunmi mandarca.

Apocalipsis 13:7

Paitaca Diospajlla cajcunahuan jatun macanacuita rurashpa, pai mishachunpishmi saquirca. Shinallataj ch'ican ch'ican aillucunata, tucui pueblocunata, tucui laya rimajcunata, tucui llajtacunatapish tucuita mandanatami curca.

Apocalipsis 16:6

Chai llaquita apajcunaca jucha illajcunatapish, cambaj profetacunatapish yahuarta jichashpami huañuchircacuna. Chaimantami canpish paicuna chasquina cashca shinallataj yahuarta ubyachishcangui” nircami.

Apocalipsis 2:13

Ñucaca cambaj rurashcacunata, maipi causacujtapish yachanimi: Satanás maipi mandacunpi causacushpapish, ñuca shutitaca allimari huillacungui. Satanás maipi causacunpi ñucamanta huillaj, alli caticuj Antipasta huañuchi punllacunapipish ñucata crishcataca ña mana catishun mana nircanguichijchu.