Apocalipsis 17:4 - Dios Rimashca Shimicunami

⁴ Chai huarmica moradota, pucanicuj churanata churashcami carca. Shinallataj sumaj rumicunahuan, perlacunahuan curihuanpish sumajta allichirishcami carca. Maquipica, millananahuan, huainayashca mapahuan junda curi caliztami charicurca.

Mushuj Testamento Diospaj Shimi

⁴ Chai huarmica, moradota, amsa pucata churashcami carca. Shinallataj sumaj rumicunahuanpish, perlas-huanpish, curihuanpish sumajta allichirishcami carca. Maquipica, curi copatami achcacunahuan huainayashca millanayaj mapacunahuan jundata charicurca.

Apocalipsis 17:4 Iomraidhean Croise

1 REYES 14:24

Mandaj Diosca sodomitacuna shinallataj millaita ruraj llajtacunataca israelcunapaj ñaupajmantami llujshichishpa cacharca. Israelcunapish paicuna shinallataj c'aricunapurallataj siririshpa millaita rurajcunami tucurca.

2 REYES 21:2

Manasesca Mandaj Diospaj ñaupajpica, yallitaj millaitami rurarca. Mandaj Dios israelcunapaj ñaupajmanta llujshichishpa cachashca runacuna rurashca millanana ruranacunatami rurarca.

ESDRAS 9:11

Chai mandashcacunataca, cambajta ruraj profetacunamanmi cashna huillachircangui: Cancuna yaicushpa quiquinpajtaj cachun japina allpaca millaita rurajcuna millaita rurajpimi chai llajtaca millaihuan junda tucurca. Chaimantami chai llajtaca caishuj ladomanta chaishuj ladocama millaihuan junda.

ISAÍAS 66:3

Huagrata huañuchishpa cujca, shuj runata huañuchishpa cuj shinami. Ovejata huañuchishpa cujca, allcuta huañuchishpa cuj shinami. Vinota ñucaman cushpa tallijca, cuchi yahuarta cushpa tallij shinami. Inciensota cushpa rupachijca, rurashcalla diosta alli nicujmi tucunga. Paicunapaj quiquin ñanta agllashcamantami chashna tucurcacuna. Paicunallataj millanana ruranacunata c'uyashcamantami chashna tucungacuna.

JEREMÍAS 51:7

Babilonia llajtataca, vinohuan junda curi copata shinami Mandaj Diosca, paipaj maquipi charicurca. Chai copamantami tucui llajtacunapi causajcunaman vinota ubyachirca. Chaita ubyashpaca, tucuicunami machashpa urmarcacuna.

LAMENTACIONES 1:9

Millaita rurashpami paipaj churanatapish mapayachirca. Cai jatun llaqui japinataca mana yuyarcallapishchu. Chaimantamari cashna jatun mancharina tucushca. Cunanca pi mana cushichinaman shamunchu. Mandaj Dioslla, jatun llaquipimari cani, ricuhuayari. P'iñajcunaca jatun tucuncunamari.

EZEQUIEL 20:30

Chashna cashcamantaca israelcunamanca cashna ningui: Mandaj Jatun Diosca cashnami nin: Cancunapish, cancunapaj yayacuna shinallatajmi millaita rurashpa mapayarcanguichij. Rurashcalla millanana dioscunahuanca huainayarcanguichijmari.

EZEQUIEL 24:11

Chai chushajlla mangataca, rupacuj nina jahuapimi tiyachisha. Chaipimi chai mangapi tiyaj mapapish fierro ishpashcapish tucui rupashpa chingaringa.

EZEQUIEL 24:13

Jerusalén pueblolla, canca huainayana munailla causashcamantaca llaquitaca apanami cangui. Cambaj mapata ñuca p'iñajpipish, chai millaita ruranataca manataj saquisha nircanguichu. Ñuca ashtahuan p'iñarishpa llaquichingacama manataj mapa illaj canguichu.

EZEQUIEL 28:13

Canca Taita Diospaj Edén huertapimi carcangui. Canca tucui laya sumaj achij nicuj rumicunahuan, cornerinacunahuan, topaciohuan, jaspehuan, crisolitohuan, berilohuan, onicehuan, zafirohuan, carbunclohuan, esmeraldahuan, curihuan rurashca sumaj churanata churarishcami carcangui. Canta rurai punllapica tamborcunapi, flautacunapi alli tocanata yachajcunapish allichirishcacunami carcacuna.

EZEQUIEL 36:25

Chaipimi cancunapaj jahuapica, chuyajlla yacuta tsirapasha. Chashna rurajpimi tucui mapamantapish, rurashcalla dioscunata adoranamantapish maillashca canguichij.

DANIEL 11:38

Taita Diosta adoranapaj randica, macanacuipi ayudaj nishca diostami adoranga. Chaica paipaj yayacuna mana rijsishca diosmi canga. Paica curita, cullquita, sumaj rumicunata, achca valij sumaj charinacunata chai diosman cushpami adoranga.

OSEAS 9:10

Shitashca pambapi uvata japij shinami israelcunataca japircani. Callaripica cancunapaj ñaupa yayacunaca ñucapajca punta p'ucushca higo shina ricunanquimi carca. Chashna cashpapish Baal-peor diospajmanmi rircacuna. Pingaichishca cangapajmi ñucamantaca anchurircacuna. Chashna tucushpaca, paicunapaj c'uyashca diosta ñuca millanachishca shinallatajmi, paicunapish ñucapajca millanana tucurcacuna.

DEUTERONOMIO 29:17

Paicunaca caspimanta, rumimanta, cullquimanta, curimanta rurashca dioscunata adorashpa, millananacunata ruraj cashcatapish ricurcanguichijmi.

Apocalipsis 14:8

Shujtaj angelpish: “Babilonia jatun puebloca, tucui llajtacunapi causajcunaman machana vinota ubyachij shina huainayachishcamantaca, paica urmashcamari, urmashcamari” nishpami caparishpa caticurca.

Apocalipsis 18:12

Chai c'atunacunaca: Curi, cullqui, sumaj rumicuna, perlacuna, linomanta rurashca sumaj linsocuna, morado, seda linsocuna, pucanicuj linsocuna, mishquiman ashnacuj tucui laya caspicuna, marfilmanta rurashca tucui laya charinacuna, sumaj caspimanta rurashca tucui laya charinacuna, cobremanta, fierromanta, marmolmanta rurashcacunapishmi carca.

Apocalipsis 18:16

cashna ningacuna: “¡Aij, aij, jatun pueblolla, linomanta rurashca morado churanata, pucanicuj churanata churashcami carcangui. Curihuan, sumaj rumicunahuan, perlacunahuanpish sumajta allichirishcami carcangui!

Apocalipsis 19:2

Paica, imatapish ima shina cashcatataj ricuchishpa llaquichijmi. Chashna cashpami huainayashpalla causaj huarmi paipaj huainayanahuan allpa pachapi causajcunata yallitaj millaita rurachishcamantaca ña llaquichishca. Diospajta rurajcunata paipaj maquihuan huañuchishcamantami paitapish tigra llaquichirca” nircacunami.

Apocalipsis 21:21

Chunga ishqui pungucunapish chunga ishqui perlacunami carca. Cada pungumi shuj perla carca. Shinallataj chai pueblopaj ñanpish imahuan mana chagrushca curihuan rurashcami carca. Vidrio shina caishuj ladoman ricunallami carca.

Apocalipsis 9:21

Chaicunaca, huañuchij canata, brujiaj canata, huainayaj canata, shuhuaj canatapish mana saquircacunachu. Diosmanca manataj cutirircacunachu.