Apocalipsis 17:3 - Dios Rimashca Shimicunami

³ Chai q'uipaca ñucaca tucuipimi Diospaj Espiritulla pushashca carcani. Paimi shitashca pambaman pusharca. Chaipica canchis umayuj, chunga gachuyuj, pucanicuj jatun animalpi tiyarishca shuj huarmitami ricurcani. Chai animalca Diosta c'amishpa rimashca shuticunahuan jundami carca.

Mushuj Testamento Diospaj Shimi

³ Chai qʼuipaca ñucataca, Diospaj Espiritumi shitashca pambaman pusharca. Chaipica, canchis umayuj, chunga gachuyuj amsa puca manchanana animalpi tiyarishca huarmitami ricurcani. Chai animalca, tucui paipaj aichapimi, Taita Diosta cʼamij shuticunata charirca.

Apocalipsis 17:3 Iomraidhean Croise

1 REYES 18:12

Ashtahuanpish ñuca caimanta rishpa Acabman huillashpa tigranapajca, Mandaj Diospaj Espiritumi cantaca ñuca mana yachai tucuipaj mai shujtajman apanga. Chaipica canta mana japishpaca ñucatamari huañuchinga. Cambajta ruraj ñucaca, huambramantapachamari Mandaj Diosta tucui shunguhuan manchashpa causani.

2 REYES 2:16

Chaipimi paicunaca: –Mandaj Diospaj Espíritu, canta yachachijta aparishpa ñataj mai urcupi, mai pugru pambapi shitagrishca canman. Cambajta rurajcunapurapica pichca chunga c'ari c'ari runacunami tiyanchij. Paicunata mashcanaman cachai– nijpi Eliseoca: –Pita ama cachaichijchu– nirca.

CANTARES 8:5

¿Paipaj c'uyashcapaj rigra jahuapi sirishpa, shitashca pambamanta huichiyacujca pi huarmitagari? Manzana yura ucupimari rijchachircani. Chaipimari cambaj mamataca, huachana nanai japirca. Chaipimari cambaj mamaca cantaca huacharca.

EZEQUIEL 11:24

Chai q'uipami Diospaj Espirituca, ñucata jatarichishpa pusharca. Chaimantaca Diospaj Espiritumi, ñucataca muscuipi shina caldeocuna causana llajtapi caj prezu apashcacunapajman cutinllataj pusharca. Chaimantaca muscuipi shina ricucushcaca, chingarircallami.

EZEQUIEL 3:12

Chaimantaca Diospaj Espiritumi ñucata jatarichirca. Ñapish huashamantaca sinchita caparishpa cashna nishcami uyarirca: “Mandaj Dios sumaj cashcataca, pai causacunmantataj alli nishca cachun” nishpa rimashcami uyarirca.

EZEQUIEL 8:3

Chai runaman rijchajca maquita chutashpami, ñucataca uma ajchamanta japirca. Chaimantami Dios cushca muscuipica, Diospaj Espirituca jahuata alzashpa ñucataca Jerusalenman pusharca. Chaiman pushashpaca janaj ladoman caj ucu punguman yaicunllapimi shayachirca. Chaipica Mandaj Dios mana ricunachishca rurashcalla diosmi tiyacushca carca.

DANIEL 11:36

Chai jatun mandajca, pai munashcata rurashpa, tucui dioscunapaj jahuapi cashcatami yuyanga. Tucui dioscunapaj Taita Diostapish millai shimicunahuan rimashpami uyajcunapajca catinajlla uyaringa. Paica Dios p'iñarishpa llaquichingacamami tucui imapipish alli llujshinga. Paita ima shina llaquichina cashcapish pajtangatajmi.

DANIEL 7:20

Paipaj umapi tiyaj chunga gachucunapish, gachucunapaj chaupimanta shuj uchilla gachu huiñashcapish, chai gachupaj ñaupajmanta quimsa gachucunata anchuchishcapish imata nisha nishcatapishmi tapurcani. Chai gachuca gentepaj ñahui shinatami charirca. Yallitaj millaita rimaj shimiyujmi carca. Chai gachuca tucui caishuj gachucunata yalli jatunmi ricurirca.

DANIEL 7:25

Jahua pacha Taita Diostapish p'iñashpami millai shimicunata rimanga. Jahua pacha Taita Diospaj jucha illajcunatapish llaquichingami. Huatacunatapish, mandashcacunatapish shujtajyachinatami yuyanga. Diospajlla cajcunaca quimsa huata chaupicamami paipaj maquipi churashca canga.

DANIEL 7:8

Chai animalpaj gachucunata ñuca ricucujpica, gachucuna chaupimantaca shuj uchilla gachumi huiñarca. Chai gachupaj ñaupajmantaca ñaupaman tiyashca quimsa gachucunatami anchuchirca. Chai gachuca gentepaj ñahui shinatami charirca. Yallitaj millaita rimaj shimiyujmi carca.

Mateo 27:28

Chaipimi soldadocunaca Jesuspaj churanacunata tucui llujshichishpa, amsa puca capata p'achallichircacuna.

Hechos 8:39

Yacumanta ña llujshijpica, Jatun Diospaj Espíritu Felipeta apajpimi, eunuco runaca paitaca mana ashtahuan ricurca. Chashna cajpipish cushicushpa ñanta rircallami.

2 Tesalonicenses 2:4

Chai runami tucuicunapaj jahuapi caj Taita Diostapish paita adorajcunatapish p'iñashpa jataringa. Chaimantaca Taita Diosmi cani nishpami, Taita Dios tucushpa Taita Diosta adorana huasipi tiyaringa.

Apocalipsis 1:10

Mandaj Jesuspaj punllapimi ñucataca tucuipi Diospaj Espiritulla pushacurca. Chaipimi, ñuca huashanijpica trompetapi tocaj shina sinchita rimashca,

Apocalipsis 12:14

Chaimantami chai huarmimanca, shitashca pambaman culebrapaj ñaupajmanta jatarishpa richun, jatun aguilapaj ishqui alasta curca. Chaipimi quimsa huata chaupicama Dios cuidashca carashca causarca.

Apocalipsis 12:3

Shinallataj cielopica mana ricushca shujtaj jatun mancharinami ricurirca: Puca nicuj jatun dragonmi canchis umacunayuj, chunga gachucunayuj ricurirca. Umacunapica, canchis coronacunata churashcami carca.

Apocalipsis 12:6

Chai huarmica, shitashca pambapi Dios allichishcapi miticugrijpimi chaipica 1.260 punllacunacama Dios cuidashca carca.

Apocalipsis 17:18

Can ricushca huarmica, allpa pachapi jatun mandajcunata, mandacuj jatun pueblomi” nircami.

Apocalipsis 17:4

Chai huarmica moradota, pucanicuj churanata churashcami carca. Shinallataj sumaj rumicunahuan, perlacunahuan curihuanpish sumajta allichirishcami carca. Maquipica, millananahuan, huainayashca mapahuan junda curi caliztami charicurca.

Apocalipsis 18:12

Chai c'atunacunaca: Curi, cullqui, sumaj rumicuna, perlacuna, linomanta rurashca sumaj linsocuna, morado, seda linsocuna, pucanicuj linsocuna, mishquiman ashnacuj tucui laya caspicuna, marfilmanta rurashca tucui laya charinacuna, sumaj caspimanta rurashca tucui laya charinacuna, cobremanta, fierromanta, marmolmanta rurashcacunapishmi carca.

Apocalipsis 18:16

cashna ningacuna: “¡Aij, aij, jatun pueblolla, linomanta rurashca morado churanata, pucanicuj churanata churashcami carcangui. Curihuan, sumaj rumicunahuan, perlacunahuanpish sumajta allichirishcami carcangui!

Apocalipsis 21:10

Chashna nicujpi Diospaj Espiritumi ñucataca shuj jatun urcu jahuaman pusharca. Chaipimi Diospajlla caj Jerusalén jatun pueblota Diospaj cielomanta uriyacujta ricuchirca.

Apocalipsis 4:2

Chashna nincami ñucaca tucuipi Diospaj Espiritulla pushashca cashpa, jahua pachapica shuj jatun tiyarinata churashcata, chai jatun tiyarinapica shuj tiyacujtapish ricurcani.