Apocalipsis 17:18 - Dios Rimashca Shimicunami

¹⁸ Can ricushca huarmica, allpa pachapi jatun mandajcunata, mandacuj jatun pueblomi” nircami.

Mushuj Testamento Diospaj Shimi

¹⁸ Can ricushca huarmica, cai pacha jatun mandajcunata mandacuj jatun pueblomi» nircami.

Apocalipsis 17:18 Iomraidhean Croise

DANIEL 7:23

Tucui chaita tapujpica cashnami nirca: “Quimsapaj q'uipa ricurishca animalca, cai pachapi quimsa jatun mandanacunapaj q'uipa, shujtaj mandana tiyana cashcatami ricuchin. Chai mandanaca shujtaj mandanacunamanta shujtaj shinami canga. Tucui cai pachapi ima tiyajtami trillashpa, mirga mirgata rurashpa, chingachinga.

Lucas 2:1

Chai punllacunapimi Augusto shuti Cesarca pai mandacun tucui llajtacunapi causajcuna, shuticunata quillcachichun nishpa huillachirca.

Apocalipsis 11:8

Chai huillajcunata huañuchijpica, jatun pueblo plazapimi paicunapaj huañushca aichacunaca siricunga. Ñucanchijta Mandajtapish chai pueblollapitajmi chacatarcacuna. Chai jatun pueblopimi nishpaca Sodoma shina, Egipto shina cashcatami ricuchin.

Apocalipsis 12:4

Chai dragonca, quimsapi chaupishca shuj parte luzerocunatami, cielomanta allpa pachaman paipaj chupahuan aisashpa shitarca. Chai dragonca huachanachicuj huarmipaj ñaupajpimi, huahua huacharinca huahuata millpungapaj shayarirca.

Apocalipsis 16:19

Chashna t'imburijpica, jatun puebloca quimsapimi chaupirirca. Tucui llajtacunapi tiyaj pueblocunapish urmarcami. Chashna tucujpica jatun Babiloniamanca pai p'iñarishcahuan caj copamanta vinota ubyachinatami Diosca yuyarirca.

Apocalipsis 18:2

Paica sinchita caparishpami, cashna nirca: “¡Babilonia jatun puebloca urmashcamari, urmashcamari! Supaicuna causanamari tucushca. Mapayachij tucui espiritucuna causana jutcumari tucushca. Millanayaj pajarocuna causana tazinmari tucushca.