Apocalipsis 17:17 - Dios Rimashca Shimicunami

¹⁷ Diosca pai rurasha nicushcata pajtachingapajmi paicunataca: Tucuicuna shuj yuyailla tucushpa, jatun animalman mandanata cuna yuyai tucuchunpish saquirca. Diospaj shimipi huillashca shina pajtangacamallami chai animalca mandanga.

Mushuj Testamento Diospaj Shimi

¹⁷ Taita Diosllatajmi paicunapaj shungupica, tucuicuna shuj yuyailla tucushpa, chai manchanana animalman mandanata cuna yuyaita churarca. Taita Diosca, Pai huillashca Shimicuna pajtangacamami, mandanata paiman cuchun saquirca.

Apocalipsis 17:17 Iomraidhean Croise

ESDRAS 7:27

Jerusalenpi caj Mandaj Diospaj huasita sumajta shayachichun jatun mandajman yuyaita cuj ñucanchij ñaupa yayacunapaj Mandaj Diosca alli nishca cachun.

SALMOS 105:25

Chai llajtapi causajcunapaj shungupica pai agllashcacunata p'iñana yuyaitami churarca. Paipajta rurajcunata llaquichinata yuyarichunmi chashna yuyaita churarca.

PROVERBIOS 19:21

Runacunaca imatapish yuyanllami. Ashtahuanpish Mandaj Diospaj munaillami pajtan.

PROVERBIOS 21:1

Jatun mandajpaj shungutaca, Mandaj Diosmi paipaj maquipi charicun. Uchilla larcacunapi yacuta chaupij shina, pai munashcatami rurachin.

ISAÍAS 45:17

Ashtahuanpish israelcunaca Mandaj Diospimi huiñaipaj quishpiringacuna. Cancunaca nunca mana pingachishca canguichijchu. Nunca mana cumurichishca canguichijchu.

JEREMÍAS 32:40

Shinallataj paicunahuanca huiñaita paicunapaj allita ruranata manataj saquinatami ari ninacushun. Paicuna ñucamanta amataj anchurichunca, ñucata manchana yuyaitami paicunapaj shungupi churasha.

DANIEL 12:7

Shina nijpica lino churanata churashca jatun yacu jahuapi shayacujca alli maquitapish, lluqui maquitapish jahua pachaman chutashpami, huiñaita causaj Taita Diospaj shutipi cashna nirca: “Quimsa huata chaupitami chashna llaqui tiyanga. Diospajlla cajcunata urata janajta cachashcacuna tucui tigrajpimi, chaicunaca pajtanga” nijtami uyarcani.

Lucas 22:22

Runa Aichayujca, Taita Dios ima shina munashca shinallatajmi tucunga. Runa Aichayujta huañuchichun entregaj runalla ¡Aij, imachari tucunga!– nircami.

Lucas 22:3

Paicuna chashna yuyacujpica Judas Iscariotepaj shungupimi, Satanasca yaicurca. Paica Jesuspaj chunga ishqui yachacujcunapuramantami carca.

Lucas 22:37

Cancunaman huillanimi: Quillcachishcapica ñuca imalla tucunamantaca cashnami nicun: “Millaita rurajta shinallatajmi millaita rurajcunahuan chagrushca canga” nishcaca ñami pajtagrin. Chashna nishpa ñucamanta quillcashcaca pajtanatajmi– nircami.

Juan 10:35

Maijancunapajman Taita Diospaj Shimi shamushca cajpica, chaicunataca dioscunami canguichij nishpaca, pai Quillcachishcataca maita mana p'aquipajmari.

Juan 13:18

Mana tucui cancunatachu chashna nini. Maijanlla ñuca agllashcataj cajtaca yachanimi. Ashtahuanpish: “Ñucahuan micujllatajmi, ñucataca jaitanga” nishpa Quillcachishca pajtachunmi chashna tucun.

Juan 13:2

Jesusca paipaj yachacujcunandijmi micucurca. Simonpaj churi Judas Iscariotepaj shungupica, ñaupamanmi diabloca Jesusta huañuchichun japichina yuyaita churashca carca.

Juan 19:24

Chaimantami caishuj chaishuj cashna nircacuna: –Caitaca ama lliquishpa chaupishunchijchu, maijanpaj urmachunpish chai churana jahuallapitaj sorteashunchij– nircacunami. Chashna rurajpica: “Ñuca churanacunataca, paicunapurami chaupircacuna. Ñuca churana jahuallapitajmi sortearcacuna” nishpa Quillcachishcami pajtarca. Soldadocunaca chashnatajmi rurarcacuna.

Juan 19:28

Chai q'uipaca, Jesusca ña tucuita tucuchishcata yachashpa, Quillcachishcapi nishca pajtachunmi: –¡Yacunanca!– nijpi,

2 Corintios 8:16

Cancuna yuyailla ñuca cashca shinallataj, Titomanpish yuyaita cushcamantami, Diostaca pagui nini.

Apocalipsis 10:7

Sujtapaj q'uipa ángel trompetapi tocana punllacunapi tocai callarijpimi, Diosca pi mana entendi tucuipaj pai rurasha nishcataca pajtachinga. Chaitaca paipajta ruraj profetacunaman pai huillachishca shinallatajmi pajtanga nircami.

Apocalipsis 15:1

Cielopica mana ricushca shujtaj jatun mancharinatami ricurcani: Chaipica, tucuri canchis llaquicunatami canchis angelcuna charicurcacuna. Chaicunahuanmi, Dios jatunta p'iñarishpa llaquichinaca tucurirca.

Apocalipsis 17:13

Chai jatun mandajcunaca tucuicuna shuj yuyailla cashcamantami paicuna imata rurai tucushcatapish mandacushcatapish jatun animalman cungacuna.

Apocalipsis 19:9

Chai q'uipami angelca ñucataca: “Ovejapaj jatun micui bodaman cayashcacunaca, alli nishcacunami” chaita quillcai nirca. Cashnapishmi nirca: “Caicunaca, Dios rimashca mana llulla shimicunami” nircami.

Apocalipsis 6:11

Chaipica paicunamanca yurajlla churanatami curca. Chaita cushpaca: –Ashacama samacuichijraj. Cristopajta cancuna shinallataj ruraj crijcunatapish cancunata huañuchishca shinallataj mashnacunata huañuchina cashca pajtangacama shuyaichijraj– nircami.