Apocalipsis 17:16 - Dios Rimashca Shimicunami

¹⁶ Can ricushca jatun animalpish, chunga gachucunapish, huainayashpa causaj huarmitaca shitashca lluchullatami saquingacuna. Paipaj aichataca micungacunami, ninapi rupachingacunapishmi.

Mushuj Testamento Diospaj Shimi

¹⁶ Can ricushca chai manchanana animalpaj chunga gachucunaca, huainayaj huarmitaca pʼiñashpami sapalla lluchullata, shitashpa saquingacuna. Paipaj aichataca micushpami, ninapi rupachingacuna.

Apocalipsis 17:16 Iomraidhean Croise

JOB 31:31

Ñucata servijcunapuraca: ¿Maijantaj aichataca manaraj amijta micunguichij? nishpaca, mana nircacunachu.

SALMOS 27:2

Millaicuna, ñucata llaquichijcuna, ñucata p'iñajcuna, ñucata llaquichingapaj tandanacushpapish, ñuca aichata micungapaj tandanacushpapish paicunarajmari tsagnarishpa urmarcacuna.

DANIEL 7:5

Chaipaj q'uipa llujshij animaltaca osoman rijchajtami ricurcani. Paipaj shuj lado costillasca, caishuj ladota yalli alzashcami carca. Paipaj shimipica, quimsa costillatami quirucunahuan canishpa charicurca. Paitaca: Jatari, achca aichata millpugri nircami.

LEVÍTICO 21:9

Curapaj ushushi huainayashpa callarishpaca, paipaj yayatami pingachin. Chaimanta paica rupachishcami canga.

Apocalipsis 12:3

Shinallataj cielopica mana ricushca shujtaj jatun mancharinami ricurirca: Puca nicuj jatun dragonmi canchis umacunayuj, chunga gachucunayuj ricurirca. Umacunapica, canchis coronacunata churashcami carca.

Apocalipsis 16:12

Pichcapaj q'uipa ángel, copapi tiyacuj llaquita, Éufrates jatun yacupimi tallijpimi, chai yacuca tucui chaquirirca. Inti llujshin ladomanta jatun mandajcuna shamunapaj, ñan allichishca cachunmi chashna tucurca.

Apocalipsis 17:10

Shinallataj chai canchis umacunaca canchis jatun mandajcunami. Chai canchis mandajcunamanta pichcaca, ñami urmarca. Shujca cunanmi mandacun, caishujca manaraj shamushcachu. Pai shamushpaca, mana unicamachu mandanga.

Apocalipsis 18:19

Chashna nishpaca, paicunapaj uma jahuata allpata shitarishpa, jatunta llaquirishpa huacashpami: “¡Aij, aij, jatun pueblolla, paimantamari mama cuchapi barcocunata tucui charijcunaca achcata charijyarcacuna! ¡Cungaillapimari ñapish tucui chingachishca saquirishca! nircacunami.

Apocalipsis 18:8

Chashna niricujpipish shuj punllallapimi paitaca huañuipish, huacaipish, yaricaipish chashna jatun llaquicunaca japinga. Tucuita Rurai Tucuj Mandaj Taita Diosca, pai ima shinalla rurashcata ricuchishpami ninapi rupachinga.

Apocalipsis 19:18

Jatun mandajcunapaj, soldadocunata mandajcunapaj, c'ari c'ari cajcunapaj, caballocunapaj, caballopi tiyarijcunapaj, amopajta rurajcunapaj, amopajta mana rurajcunapaj, uchillacunapaj, jatuncunapaj tucuicunapaj aichacunata micuj shamuichij” nircami.