Apocalipsis 17:15 - Dios Rimashca Shimicunami

¹⁵ Cha angelca caitapish nircarajmi: “Chai huainayashpa causaj huarmi tiyacuj achca yacucunaca pueblocunami, achca gentecunami, tucui llajtacunami, ch'ican ch'ican rimaita rimajcunami.

Mushuj Testamento Diospaj Shimi

¹⁵ Chai angelca, cashnapish nircarajmi: «Chai juchallishpa causaj huarmi tiyacun jatun cucha yacuca pueblocunami, achca gentecunami, llajtacunami, chʼican chʼican rimaita rimajcunami.

Apocalipsis 17:15 Iomraidhean Croise

SALMOS 18:4

Huañuica huascahuan sipicuj shinami pillurca. Millaicunaca yacu jundai shamuj shina shamushpami ñucataca manchachirca.

SALMOS 65:7

Mama cucha huajiacujtapish parachijmi cangui. Mama cucha yacu jatarishpa huajiacujtapish, casijllata rurajmi cangui. Llajtacuna bullanacucujtapish upallachijmi cangui.

JEREMÍAS 47:2

Mandaj Diosca cashnami nin: “Janaj llajtamantami jatun yacu jundashpa jicharimunga. Chai yacumari chai llajtapi jundanga, pueblotapish tucui chaipi causajcunandijmi millpunga. Chai tucui llajtapi causaj runacunami caparirishpa huacangacuna.

JEREMÍAS 51:13

Jatun yacucuna chaupipi causajcunalla, cancunaca achcata charijcunami canguichij. Cancunapajca huañuimi chayamushca, cancuna jahuanpi jahuanpi charijyashca tucurinamari chayamushca.

JEREMÍAS 51:42

Mama cucha yacumari Babilonia jahuata shamushca. Manchanayajta jahuata jatarishpamari, tucuita millpushca.

JEREMÍAS 51:55

Mandaj Diosmari chai llajtataca llaquichicun. Chaipi causajcuna yallitaj jatun tucushca cashcataca tucuchicunmari. Paicunata p'iñajcunaca mama cucha yacu jatarishca shinami uyaringa. Yacu manchanayajta huajiacuj shinami capariringacuna.

EZEQUIEL 31:4

Paitaca tamyapish, allpa ucupi tiyaj yacupishmi huiñachirca. Jatun yacucunapish, chai yura muyundijtami callparca. Chai yacucunataca, urcupi tiyaj tucui shujtaj yuracunamanpishmi cacharca.

Apocalipsis 10:11

Chaipimi paica: “Cunanca achca pueblocunapish, achca llajtacunapish, achca ch'ican ch'icanta rimajcunapish, jatun mandajcunapish imalla tucuna cashcata Dios canman huillashcataca cutinmi huillana cangui” nirca.

Apocalipsis 11:9

Tucui pueblopi causaj gentecuna, tucuimanta aillucuna, ch'ican ch'ican rimaita rimajcuna, tucui llajtacunapi causajcunapishmi, paicuna huañushca aichataca quimsa punlla chaupicama ricungacuna. Pambachunpish manataj saquingacunachu.

Apocalipsis 17:1

Chai q'uipaca canchis copacunata charicuj, canchis angelcunamanta shuj shamushpami, ñucahuan rimashpaca cashna nirca: “Achca yacucuna jahuapi tiyacuj huainayashpalla causaj huarmita ima shina jatunta llaquichina cashcata shamui ricuchisha nircami.

Apocalipsis 5:9

Chai ancianocunaca shuj mushuj cantotami cashna cantarcacuna: “Canllamari librota japingapaj, sellashcacunata anchuchingapajtaj cangui. Canca huañurcanguimi. Tucui aillucunata, ch'ican ch'ican rimaicunata, pueblocunata, tucui llajtacunatapishmi cambaj yahuarhuan cutinllataj Diospajlla cachun randircangui.