Apocalipsis 17:14 - Dios Rimashca Shimicunami

¹⁴ Paicunaca Ovejahuanmi macanacunga. Ovejaca Mandajcunapajpish Mandaj, Jatun Mandajcunapajpish Jatun Mandaj cashcamantaca paimi mishanga. Paihuan cajcunapish Dios agllashpa cayashcacunami, paillapi shunguta churajcunami” nircami.

Mushuj Testamento Diospaj Shimi

¹⁴ Chai jatun mandajcunaca, Malta Ovejahuanmi macanacunga. Chai macanacuipica Malta Ovejami, jatun amocunapajpish Jatun Amo, jatun mandajcunatapish Jatun Mandaj cashcamanta, paicunataca mishanga. Paihuan cajcunapish, Dios agllashpa cayashcacunami, Paita alli caźujcunami» nircami.

Apocalipsis 17:14 Iomraidhean Croise

SALMOS 110:5

Jatun Diosca quiquinpaj alli ladopimari. Pai p'iñari punllapica jatun mandajcunataca ñutungamari.

JEREMÍAS 1:15

Ñuca, Mandaj Diostajmi janaj lado llajtacunapi causaj ch'ican ch'ican runacunataca, tandanacushpa shamuchun mandani. Chai llajtacunata jatun mandajcuna shamushpami, tucuicuna cai Jerusalén pueblo pungu ñaupaj pambapi macanacungapaj tiyaringacuna. Cai jatun pirca huashanij tucui muyundijtami chapangacuna. Cai Judá llajta tucui pueblocunapimi, chashna macanacungapaj shayaringacuna.

JEREMÍAS 1:19

Quiquinhuan macanacungapaj shayarishpapish, quiquintaca manataj mishangacunachu. Ñucami quiquinhuan casha, ñucami quiquintaca imamantapish quishpichisha” nircami Mandaj Diosca.

JEREMÍAS 50:44

Jordán yacu uri sachamanta león llujshij shinamari chai jatun pircayuj pueblota llaquichigrini. Ñallami manchachishpa chaimanta callpachigrini. Ñuca agllashca runatami chashna rurachun mingasha. ¿Pitaj ñuca shina cangari? Ñucahuanca ¿pitaj ch'imbapurai tucungari? Ñuca llaquichicujpica ¿pi michijtaj mitsangapaj shayari tucungari?” ninmi.

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

DANIEL 2:47

Jatun mandajca, Danieltaca: –Cancunapaj Taita Diosca, tucui dioscunapaj Taita Diostajmi, jatun mandajcunapajpish Jatun Mandajmi. Pi mana yachaipaj pacalla cajtapish ricuchijmi. Chaimi pi mana yachaipaj pacalla cajtaca ñucaman huillangui– nircami.

DANIEL 7:21

Chai gachuca, Diospajlla cajcunahuan macanacushpa, pai mishacujlla cajtami ricurcani.

ZACARÍAS 2:8

Tucuita Mandaj Diosca cashnami nin: “Ñucataca jatunyachishca q'uipami, cancuna imalla charishcacunata quichujcunapaj llajtacunamanca cachanga. Maijanpish cancunata llaquichishpaca, paipaj ñahuita ricucujta tujsicuj shinami llaquichicun.

Mateo 22:14

Cayashcacunaca achcacunami ashtahuanpish agllashcacunaca ashallami” nircami.

Mateo 25:40

Chaipica jatun Mandajpish: “Tucuimanta yalli uchilla ñuca huauquicunapaj ima allita rurashpaca, ñucapajmari rurarcanguichij” ningami. Chashnatajmi canga.

Mateo 28:18

Chaipi Jesús paicunapajman c'uchuyashpaca: “Jahua pachapi, cai pachapipish tucuita mandanataca ñucamanmi curca.

Juan 15:16

Mana cancunachu ñucataca agllarcanguichij, ñucami cancunata agllarcani. Cancuna rishpa granota p'ucuchun, chai granoca cancunapi p'ucushpa caticuchunllami agllarcani. Chashna cashpa ñucamanta imatapish Yayata mañajpica, paica cungallami.

Romanos 1:6

Cancunapish Jesucristopi crijcunaca pai agllashcacunapura cachun cayashcacunami canguichij.

Romanos 8:30

Chai ch'icanchishcacunatami cayarca. Chai cayashcacunataca justificarcami, justificashcacunataca jatunyachircapishmi.

Romanos 8:37

Chashna cajpica cai tucui llaquicunataca, ñucanchijta c'uyaj Cristohuanca mishajcunatapish yalli jahualla mishajcunami canchij.

1 Corintios 15:24

Cristoca tucui paita p'iñaj mandajcunata, tucui poderyujcunata chingachishpami, pai mandacushcataca Dios Yayaman cunga. Chai q'uipaca tucurimi canga.

DEUTERONOMIO 10:17

Mandaj Dios cancunapaj Taita Diosca tucui dioscunapaj Diosmi, mandajcunapajpish Mandajmi. Manchana tucuita rurai tucuj Jatun Diosmi. Paica ñahuita ricushpalla mana imatapish rurajchu, camaricunata japishpalla mana maijanpura tucujchu.

1 Timoteo 6:15

Alli nishca caj, pailla tucuicunapaj Jahuapi caj, jatun mandajcunapajpish jatun mandaj, mandajcunapajpish mandajmi pai cachana punlla pajtajpica, Jesucristota cachanga.

2 Timoteo 2:4

Maijanpish soldado tucushpaca, paita mandajpaj munashcata rurana yuyaillami. Paipaj munaita ruranataca mana yuyanchu.

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.

Apocalipsis 11:7

Paicuna huillanata tucuchijpica, manchanana jatun animalmi ucujta jutcumanta llujshishpa paicunahuan jatunta macanacushpa, mishashpa huañuchinga.

Apocalipsis 16:14

Chaicunaca pi mana ruraipajta rurashpa ricuchij supaicunapaj millai espiritucunami. Paicunaca Tucuita Rurai Tucuj Diospaj jatun punllapaj tucui allpa pachapi mandajcuna macanacunaman richun tandachingapajmi chashnaca llujshircacuna.

Apocalipsis 2:10

Llaquita apanataca ama manchaichu. Diabloca maijacunataca, crijtaj cashcata yachachun, carcelpimi churachinga. Chaipica chunga punllacunatami llaquita apanguichij. ¡Chashna cashpapish huañungacama catijmanca ñucaca causaita ricuchij coronatami cusha!

Apocalipsis 2:13

Ñucaca cambaj rurashcacunata, maipi causacujtapish yachanimi: Satanás maipi mandacunpi causacushpapish, ñuca shutitaca allimari huillacungui. Satanás maipi causacunpi ñucamanta huillaj, alli caticuj Antipasta huañuchi punllacunapipish ñucata crishcataca ña mana catishun mana nircanguichijchu.

Apocalipsis 3:21

Llaquicunata mishajtaca ñuca jatun tiyarinapimi, ñucahuan tiyachisha. Ñucapish mishashcamantami, ñuca Yayahuan paipaj jatun tiyarinapi tiyarircani.