Apocalipsis 17:1 - Dios Rimashca Shimicunami

¹ Chai q'uipaca canchis copacunata charicuj, canchis angelcunamanta shuj shamushpami, ñucahuan rimashpaca cashna nirca: “Achca yacucuna jahuapi tiyacuj huainayashpalla causaj huarmita ima shina jatunta llaquichina cashcata shamui ricuchisha nircami.

Mushuj Testamento Diospaj Shimi

¹ Chai qʼuipaca, canchis copacunata charicuj canchis angelcunamanta shuj shamushpami, ñucataca cashna nirca: «Chai achca yacucuna jahuapi tiyacuj, huainayaj huarmita ima shina llaquichina tucushcata shamui ricuchisha.

Apocalipsis 17:1 Iomraidhean Croise

ISAÍAS 1:21

Imatapish chaitataj pajtachij pueblolla, cunanca huainayaj huarmi canamanmari tigrarishcangui. Canpica cashcata rurajcunami junda carca. Canpica allita rurajcunallami causarca. Ashtahuanpish cunanca huañuchijcunallami causacuncuna.

ISAÍAS 57:3

¡Bruja huarmipaj churicuna caiman c'uchuyamuichij. Huainayaj runapaj, huainayaj huarmipaj huahua huahuacuna caiman c'uchuyamuichij!

JEREMÍAS 2:20

Cancunaca ñaupamantapachami ñuca churashca yugotaca p'aquircanguichij, cinta angucunatapish p'itircanguichij. Chashna rurashpami: Cantaca ña manataj servishachu nircanguichij. Chashna rurashca jahuapish tucui maipi tiyaj lomacunapi, tucui p'angasapa yura ucucunapimi huainayaj huarmi shina siririshpa huainayarcanguichij.

JEREMÍAS 51:13

Jatun yacucuna chaupipi causajcunalla, cancunaca achcata charijcunami canguichij. Cancunapajca huañuimi chayamushca, cancuna jahuanpi jahuanpi charijyashca tucurinamari chayamushca.

EZEQUIEL 31:4

Paitaca tamyapish, allpa ucupi tiyaj yacupishmi huiñachirca. Jatun yacucunapish, chai yura muyundijtami callparca. Chai yacucunataca, urcupi tiyaj tucui shujtaj yuracunamanpishmi cacharca.

Lucas 24:32

Chaimi paicunaca: –Quillcachishcacunata yuyachishpa, ñanpi ñucanchijman huillacushpaca ¿manachu ñucanchij shungutaca rupachij shina yuyachishpa rimarca?– nishpami, caishuj chaishuj ninacurcacuna.

Lucas 9:30

Chaipica, ishqui runacuna Jesushuan parlanacucujmi ricurirca. Chai runacunaca Moisesmi, Eliasmi carca.

Apocalipsis 1:1

Diosca ñalla imalla tucunata paipajta rurajcunaman ricuchingapajmi, chai ricuchinataca Jesucristoman curca. Chaitaca Jesucristoca paipaj angelta cachashpami paipajta ruraj Juanman huillachirca.

Apocalipsis 15:1

Cielopica mana ricushca shujtaj jatun mancharinatami ricurcani: Chaipica, tucuri canchis llaquicunatami canchis angelcuna charicurcacuna. Chaicunahuanmi, Dios jatunta p'iñarishpa llaquichinaca tucurirca.

Apocalipsis 16:19

Chashna t'imburijpica, jatun puebloca quimsapimi chaupirirca. Tucui llajtacunapi tiyaj pueblocunapish urmarcami. Chashna tucujpica jatun Babiloniamanca pai p'iñarishcahuan caj copamanta vinota ubyachinatami Diosca yuyarirca.

Apocalipsis 18:1

Chai q'uipaca, cielomanta shujtaj ángel imatapish rurai tucunahuan uriyacujtami ricurcani. Chai angelca lamyacuj cashpami, allpa pachataca achijyachirca.

Apocalipsis 19:2

Paica, imatapish ima shina cashcatataj ricuchishpa llaquichijmi. Chashna cashpami huainayashpalla causaj huarmi paipaj huainayanahuan allpa pachapi causajcunata yallitaj millaita rurachishcamantaca ña llaquichishca. Diospajta rurajcunata paipaj maquihuan huañuchishcamantami paitapish tigra llaquichirca” nircacunami.

Apocalipsis 19:9

Chai q'uipami angelca ñucataca: “Ovejapaj jatun micui bodaman cayashcacunaca, alli nishcacunami” chaita quillcai nirca. Cashnapishmi nirca: “Caicunaca, Dios rimashca mana llulla shimicunami” nircami.

Apocalipsis 21:15

Ñucahuan parlanacuj angelca pueblotapish pueblo muyundijta pircashcatapish pungucunatapish mashna cashcata midingapajmi curi varata charicurca.

Apocalipsis 21:9

Chaimantaca canchis angelcuna canchis copacuna junda, tucuri canchis llaquicunata charijcunapuramanta shuj angel shamushpaca: “Caiman shamui, Ovejahuan cazarana noviata ricuchisha” nircami.

Apocalipsis 4:1

Chai q'uipaca jahua pachapica shuj pungu pascashcatami ricurcani. Trompetapi tocashca shina uyarij rimaihuan ñaupaman rimajllatajmi ñucataca: “¡Caiman huichiyamui, cunan can ricushcacuna ña pajtashca q'uipaca, imalla tucuna cashcata canman ricuchisha!” nirca.