Apocalipsis 16:9 - Dios Rimashca Shimicunami

⁹ Chaimi intica ashtahuan rupashpa gentecunataca rupachirca. Chashna rupachijpipish, chai tucuita llaquichi tucuj Diosta jatunyachingapajca paipajmanca mana cutirircacunachu. Ashtahuanpish paipaj shutitaca c'amircacunami.

Mushuj Testamento Diospaj Shimi

⁹ Chaimanta inti manchanayajta rupachijpimi gentecunaca, chai llaquicunata cachacuj Diospaj shutita cʼamircacuna. Manataj Paiman cutirishpa, Paita sumajyachircacunachu.

Apocalipsis 16:9 Iomraidhean Croise

2 REYES 6:33

Cunaj yuyajcunahuan Eliseo rimacujpirajmi huillaj runa paipajman chayamushpaca: –Cai llaquitaca, Mandaj Diosllatajmi cachashca. Chaimanta Mandaj Diostaca imapajtaj ashtahuan shuyanari– nirca.

2 CRÓNICAS 28:22

Jatun mandaj Acazca, chashna llaquipi cashpapish ashtahuan millaita rurashpami, Mandaj Diostaca ashtahuan p'iñachirca.

ISAÍAS 1:5

¿Ima nishpataj ashtahuan llaquichishca cashun ninguichij? ¿Ashtahuan c'ariyashpachu caticushunlla ninguichij? Umacamamari chugri canguichij. Shungupish nanaihuan chaupiricujmari canguichij.

ISAÍAS 8:21

Paicunaca cai allpapica shaicushcacuna, yaricaihuanmi caiman chaiman puringacuna. Yaricaihuan cashpami p'iñarishpa jahua pachata huichilla ricushpa paicunata jatun mandajtapish, paicunapaj Diostapish mana alli nishpa rimangacuna.

JEREMÍAS 13:6

Chaimanta ña uni cajpimi, Mandaj Diosca cutinllataj: “Éufrates yacuman ri, ñuca mandajpi chaipi pacashca chumbita apamugri” nirca.

JEREMÍAS 5:3

Mandaj Dioslla, canca mana llullaj cachunmari munangui. Paicunaca macajpipish, mana nanachincunaca. Imata jarcashpa llaquichichunpish, manataj munancunaca. Rumita yalli sinchi shungucunamari tucuncuna. Manataj cambajman tigrarishun nincunachu.

EZEQUIEL 24:13

Jerusalén pueblolla, canca huainayana munailla causashcamantaca llaquitaca apanami cangui. Cambaj mapata ñuca p'iñajpipish, chai millaita ruranataca manataj saquisha nircanguichu. Ñuca ashtahuan p'iñarishpa llaquichingacama manataj mapa illaj canguichu.

Lucas 13:3

Cancunataca cashnami nini: Millaita ruracushcata mana yuyashpa mana cutirishpaca paicuna shinallatajmi tucuicuna chingaringuichij.

Lucas 13:5

Cancunatapish cashnami nini: Millaita ruracushcata mana yuyashpa mana cutirishpaca paicuna shinallatajmi tucuicuna chingaringuichij” nircami.

2 Corintios 12:21

Ñuca cutin ricuj shamujpica, cancunapurapi Dios ñucata pingachinatami manchani. Cancunapuramanta achcacuna millaita sarunman rurashcata, huainayashcata, aicha munaita mana jarcari tucushcamanta Diospajman mana cutirishca cajpica, achcata huacanapish cangachari.

JOSUÉ 7:19

Chaipimi Josueca Acán runataca: –Ñuca huahualla, israelcunata Mandaj Diostaca sumajmari cangui, allimari cangui nishpa, can imallata mana allita rurashcataca ama pacashpa huillai– nirca.

Apocalipsis 11:13

Chai horasllatajmi allpa chujchushpa, pamba t'imburijpi chungapi chaupishca shuj parte puebloca tucui taparirca. Chaipica 7.000 gentecunami huañurcacuna. Chaipi mana huañujcunaca, jatunta mancharishpami jahua pacha Diostaca jatunyachircacuna.

Apocalipsis 14:7

Chai angelca: “¡Diosta manchaichij, paitaca jatunmari cangui nichij. Imalla rurashcata Dios ricuchishpa llaquichinaca, ñamari chayamushca. Chaimanta cielota, allpa pachata, mama cucha yacuta, llujshicuj yacucunatapish rurajta adoraichij!” nishpami, sinchita caparirca.

Apocalipsis 16:21

Chashnallatajmi cielomantaca jatun rundupish, gentecunapaj jahuapi urmarca. Chai runduca, quimsa arroba shina llashajmi carca. Runduhuan achcata llaquichijpica, gentecunaca Diosta p'iñashpami c'amircacuna. Chaipica yallitaj jatun llaquimi carca.

Apocalipsis 2:21

Ñucaca chai huarmitaca huainayanata saquishpa cutirichunmi shuyarcani. Ashtahuanpish mana cutirisha ninchu.

Apocalipsis 9:20

Cai tucui llaquicunata apacushpapish mana huañujcunaca, paicuna millaita ruracushcata saquishpa Diosman mana cutirircacunachu. Ashtahuanpish supaicunata, curimanta, cullquimanta, broncemanta, rumimanta, caspimanta rurashcalla dioscunata adoranatapish mana saquircacunachu. Chaicunaca mana ricui tucunchu, mana uyai tucunchu, mana puri tucunchu.