Apocalipsis 16:8 - Dios Rimashca Shimicunami

⁸ Quimsapaj q'uipa angelca, copapi tiyacuj llaquitaca intipimi tallirca. Inti ashtahuan rupashpa gentecunata rupachichunmi chashna tallirca.

Mushuj Testamento Diospaj Shimi

⁸ Quimsapaj cati angelca, pai charicun copapi tiyacuj llaquitaca, intipimi tallirca. Inti ashtahuan rupashpa gentecunata rupachi tucuchunmi, chaipi tallirca.

Apocalipsis 16:8 Iomraidhean Croise

ISAÍAS 24:23

Tucuita Mandaj Diosca Sión urcupi caj Jerusalenpimi mandacunga. Pai agllashca cunaj yuyajcunapaj ñaupajpimi achij nicuj mandacunga. Chaipica lunaca pingai tucungami. Intica musparingami.

JONÁS 4:8

Shinallataj inti llujshijpica, Taita Diosllatajmi achca rupaj huairata cacharca. Intipish Jonaspaj umataca rupachircami. Chaimantami yuyai illaj shina tucushpaca, huañunata munarca. Paica: “Ñucapajca causanapaj randica, huañunami alli canman” nircami.

Mateo 13:6

Ashtahuanpish inti llujshishpa rupachijpica, jahualla sapi cashcamanta chaquirircallami.

Lucas 21:25

Chai q'uipami intipipish, lunapipish, luzerocunapipish pi mana ricushcacuna ricuringa. Cai pachapica mama cucha yacucuna jahuata jatarishpa manchanayajta huajiajta uyashpami gentecunaca upayajta mancharingacuna.

Hechos 2:20

Intica amsayangami, lunapish yahuarmi tucunga. Jatun Dios shamuna punllapajmi chashna tucunga.

Apocalipsis 14:18

Shinallataj ninata mandanapaj poderta charij, shujtaj angelmi altarmanta llujshirca. Paica, quirusapa hocesta charicujtaca: “¡Allpa pachapica uvacunaca ñami p'ucushca. Cambaj quirusapa hoceshuan cuchui!” nishpami sinchita caparishpa cayarca.

Apocalipsis 6:12

Pichcapaj q'uipa sellashcata Oveja pascajpi ñuca ricujpica, cai pachapica jatunta allpa chujchushpami t'imburirca. Intipish llaquihuan cashpa churarina yanajlla churanata churarishca shinami tucurca. Shinallataj lunapish tucuimi, yahuar shina tucurca.

Apocalipsis 7:16

“Paicunaca ña mana yaricachingachu, ña mana yacunachingachu. Intipish paicunataca mana rupachingachu, t'itaipish mana tiyangachu.

Apocalipsis 8:12

Quimsapaj q'uipa ángel trompetapi tocajpica, quimsapi chaupishca shuj parte inti, quimsapi chaupishca shuj parte luna, quimsapi chaupishca shuj parte luzerocunatapishmi p'aquirca. Chaimantami tucui chaicunaca quimsapi chaupishca shuj parteca achijyachij illaj saquirirca. Chaimantami quimsapi chaupishca shuj parte punllapish, tutapish achijyachij illaj carca.

Apocalipsis 9:2

Chai ucujta jutcupaj punguta pascajpica, jatun hornomanta cushni llujshicuj shinami cushni llujshirca. Chai jutcumanta cushni llujshishpaca, intitapish huairatapishmi amsayachirca.