Apocalipsis 16:3 - Dios Rimashca Shimicunami

³ Puntapaj q'uipa ángel jatun cucha yacucunapi, pai charicun copapi tiyacuj llaquita ña tallijpica, huañuchijpi yahuar llujshicuj shinami mama cucha yacuca yahuar tucurca. Chashna tucujpica mama cucha yacupi imalla causajcunapish tucuimi huañurcacuna.

Mushuj Testamento Diospaj Shimi

³ Chaipaj cati angelca, mama cucha yacupimi, pai charicun copapi tiyacuj llaquitaca tallirca. Chaipi tallijpica, huañuchijpi yahuar llujshicuj shinami, chai cucha yacuca yahuar tucurca. Chaimantami, chai cucha yacupi imalla causajcunaca, tucui huañurca.

Apocalipsis 16:3 Iomraidhean Croise

GÉNESIS 7:22

Samaita aisashpa allpapi causajcunaca tucuicunami huañurca.

SALMOS 105:29

Yacucunatapish yahuarman tigrachishpami, chalhuacunatapish huañuchirca.

SALMOS 78:44

Chaipica ama ubyai tucuchunmi callpacuj yacucunataca yahuarman tigrachirca.

EZEQUIEL 16:38

Chashnami cantaca huainayaj huarmicunata, huañuchij huarmicunata imata ruranata mandashcapi nishca shina llaquichisha. Cantaca ñucapajlla causana cashcamantaca, jatunta p'iñarishpami huañuchisha.

Hechos 2:41

Chai huillashcata cazujcunaca bautizarircacunami. Chai punllaca, quimsa huaranga shinami mirarishpa caishuj crijcunahuan tandanacurcacuna.

Apocalipsis 10:2

Paipaj maquipica, shuj uchilla libro pascashcatami charicurca. Alli lado chaquihuanca mama cucha jahuapi, lluqui chaquihuanca allpa jahuapi sarushpami shayacurca.

Apocalipsis 11:6

Dios huillachishcata paicuna huillacui punllacunapi ama tamyachun, jahua pachata huichcai tucujcunami. Yacutapish yahuarta rurai tucujcunami. Cai pachatapish paicuna mashna cutin munashcata shujtaj shujtaj llaquicunahuan llaquichi tucujcunami.

Apocalipsis 13:1

Mama cucha c'uchu t'iyu allpapica dragón shayacujtami ricurcani. Chai q'uipaca mama cucha chaupimantaca canchis umacunayuj, chunga gachucunayuj animal llujshicujtami ricurcani: Chai gachucunapica, chunga coronacunatami churashca carca. Chai canchis umacunapica Diosta c'amishpa rimashca shutitami quillcashca carca.