Apocalipsis 16:12 - Dios Rimashca Shimicunami

¹² Pichcapaj q'uipa ángel, copapi tiyacuj llaquita, Éufrates jatun yacupimi tallijpimi, chai yacuca tucui chaquirirca. Inti llujshin ladomanta jatun mandajcuna shamunapaj, ñan allichishca cachunmi chashna tucurca.

Mushuj Testamento Diospaj Shimi

¹² Pichcapaj cati ángel pai charicun copapi tiyacuj llaquita Éufrates shuti jatun yacupi tallijpica, chai jatun yacuca tucuimi chaquirirca. Jatun mandajcuna inti llujshin ladomanta shamuchun, ñan allichishca cachunmi chashna tucurca.

Apocalipsis 16:12 Iomraidhean Croise

ISAÍAS 11:15

Mandaj Diosca, Egiptopi caj mama cucha asha llujshirishca yacutapish chaquichingami. Paipaj maquita chutashpa paipaj tucuita rurai tucuj cashcahuan p'ucushpami, Egiptopi caj yacutaca canchispi chaupirishpa ricujta ruranga. Chaitami israelcunataca, pargatecunata churashcallatataj ch'imbachinga.

ISAÍAS 41:25

Janaj ladoman cajtami cayarcani. Inti llujshin ladomanta shamushpami, ñuca shutipi mañanga. Paica mandajcunataca lodota shinami sarunga. Mangata ruraj runa, lodota saruj shinami sarunga.

ISAÍAS 42:15

Urcucunatapish, lomacunatapish shitashcatami saquigrini. Chaipi tiyaj q'uihuacunatapish tucuitami chaquichigrini. Jatun yacucunatapish chaquishca allpatami ruragrini. Yacu tandanapi tiyaj yacucunatapish chaquichishami.

ISAÍAS 44:27

Allpa ucupi caj yacucunata chaquirichij nijca ñucami cani. Cancunapaj jatun yacucunatapish ñucami chaquichisha.

ISAÍAS 46:11

Inti llujshin llajtamantami shuj angata cayarcani. Paica ñuca imalla nishcata ruraj runami. Ñucami pushamusha nircani, pushamushatajmi. Ñuca imalla yuyarishcataca chaitatajmi rurasha.

ISAÍAS 8:7

Chaimantami Jatun Diosca, paicunapaj llajtamanca manchanana chai Éufrates jatun yacuta cachagrin. Asiria llajtata jatun mandajmi, chai jatun yacu jundashpa, tucui lado uri pambacunata tallirij shina cai tucui llajtacunata pai imallata rurai tucuj cashcahuan llaquichinga.

JEREMÍAS 51:36

Chaimantami Mandaj Diosca cashna nin: “Ñucami canmanta shayarigrini. Canta llaquichishcamantaca, paicunatapish llaquichigrinimi. Paicunapaj jatun yacutapish, uchilla huaicu yacucunatapish tucuimi chaquichigrini.

Apocalipsis 11:14

Puntapaj q'uipa aij nicushca llaquica ñami tucurin. Chashna cajpipish, ishquipaj q'uipa aij nina llaquica ñami shamugrin.

Apocalipsis 17:15

Cha angelca caitapish nircarajmi: “Chai huainayashpa causaj huarmi tiyacuj achca yacucunaca pueblocunami, achca gentecunami, tucui llajtacunami, ch'ican ch'ican rimaita rimajcunami.

Apocalipsis 7:2

Shinallataj causaj Diospaj sellota apashca shujtaj angelpish, inti llujshin ladomanta huichiyacujtami ricurcani. Paica, cai pachata, mama cuchata llaquichi tucunata charij caishuj chuscu angelcunatami sinchita caparishpa,

Apocalipsis 9:14

pichcapaj q'uipa ángel trompetata charicujtaca cashna nirca: “¡Éufrates jatun yacu c'uchupi huatashca caj chuscu angelcunata cachari!” nircami.