Apocalipsis 16:11 - Dios Rimashca Shimicunami

¹¹ Chashna jatun nanaihuan cashpapish, chupu ungüihuan cashpapish cielopi caj Diostaca c'amircacunami. Paicunapaj millaita ruracushcamantapish Diospajmanca mana cutirircacunachu.

Mushuj Testamento Diospaj Shimi

¹¹ Chupucunamanta manchanayaj nanaihuan cashpami, jahua pacha Taita Diosta pʼiñashpa cʼamircacuna. Paicuna millaita ruracushcatapish manataj saquircacunachu, manataj Diospajman cutirircacunachu.

Apocalipsis 16:11 Iomraidhean Croise

2 CRÓNICAS 28:22

Jatun mandaj Acazca, chashna llaquipi cashpapish ashtahuan millaita rurashpami, Mandaj Diostaca ashtahuan p'iñachirca.

2 CRÓNICAS 36:23

“Persia llajtata jatun mandaj Ciroca cashnami nin: Jahua pacha Mandaj Diosmi tucui cai pachata mandanacunataca ñucaman cun. Judapi caj Jerusalenpipish shuj huasita shayachichunmi mandan. Chaimanta cancunapurapi Dios agllashcacuna maijan tiyajpica Mandaj cambaj Diosca paihuan cachun. Paica Judapi caj Jerusalenman huichiyachunlla”.

ESDRAS 1:2

“Persia llajtata jatun mandaj Ciroca cashnami nin nichij: Jahua pacha Mandaj Diosmi tucui cai pachata mandanacunataca ñucaman cun. Judapi caj Jerusalenpipish shuj huasita shayachichunmi mandan.

ESDRAS 6:10

Jahua pacha Dios munashca shina chai sacrificiocunata cuchuncuna. Ñucamantapish ñuca churicunamantapish Diosta mañachuncuna.

ESDRAS 7:12

“Jatun mandajcunata jatun mandaj Artajerjesmi, jahua pacha Dios mandashcacunata alli yachachij, quillcaj can Esdras curahuanca sumaj causai cashca cachun nini.

ESDRAS 7:21

Jatun mandaj Artajerjestajmi, jatun yacumanta ch'imba ladoman caj cullquita huaquichijcunataca cashna mandani: Jahua pacha Diospaj mandashcacunata quillcaj Esdras cura imalla mañashcataca mañanca cunguichij.

ESDRAS 7:23

Jahua pacha Diospaj huasipajca jahua pacha Dios tucui imallata mandashca shinallataj utca cuichij. Chashna cujpica ñuca mandacun llajtapajpish, ñuca churicunapajpish ima llaqui mana shamungachu.

NEHEMÍAS 1:4

Chashna nishcata uyashpaca, achcata llaquirishpa huacashpami, tauca punllacunata yallitaj llaquilla carcani. Jahua pacha Diospaj ñaupajpi ayunashpa mañashpaca,

NEHEMÍAS 2:4

Shina nijpi jatun mandajca: ¿Imatataj rurachun ningui?– nijpi, ñucaca jahua pacha Diosta mañashpami,

SALMOS 136:26

Jahua pachapi causaj Taita Diosta alabaichigari. Pai llaquij canaca huiñaipajmari.

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

JONÁS 1:9

Chashna tapujpimi Jonasca: –Ñucaca hebreocunapurami cani. Jahua pachapi causaj Mandaj Diosta cazushpa causajmi cani. Taita Diosca cai pachatapish, mama cuchatapish ruraj Diosmi– nirca.

2 Timoteo 3:13

Ashtahuanpish millaicuna, umajcunaca, ashtahuan ashtahuan millai tucushpami, umajcuna umashcacunapish tucushpa catingacuna.

Apocalipsis 11:13

Chai horasllatajmi allpa chujchushpa, pamba t'imburijpi chungapi chaupishca shuj parte puebloca tucui taparirca. Chaipica 7.000 gentecunami huañurcacuna. Chaipi mana huañujcunaca, jatunta mancharishpami jahua pacha Diostaca jatunyachircacuna.

Apocalipsis 16:2

Shina nijpi punta ángel rishpaca allpa pachamanmi copapi tiyacuj llaquitaca tallirca. Chashna tallijpica animalpaj sellota charijcunapaj, chai animalman rijchajta rurashca animalta adorajcunapajca jatunta nanachij ashnacuj chupucunami llujshirca.

Apocalipsis 16:21

Chashnallatajmi cielomantaca jatun rundupish, gentecunapaj jahuapi urmarca. Chai runduca, quimsa arroba shina llashajmi carca. Runduhuan achcata llaquichijpica, gentecunaca Diosta p'iñashpami c'amircacuna. Chaipica yallitaj jatun llaquimi carca.

Apocalipsis 16:9

Chaimi intica ashtahuan rupashpa gentecunataca rupachirca. Chashna rupachijpipish, chai tucuita llaquichi tucuj Diosta jatunyachingapajca paipajmanca mana cutirircacunachu. Ashtahuanpish paipaj shutitaca c'amircacunami.

Apocalipsis 2:21

Ñucaca chai huarmitaca huainayanata saquishpa cutirichunmi shuyarcani. Ashtahuanpish mana cutirisha ninchu.