Apocalipsis 16:10 - Dios Rimashca Shimicunami

¹⁰ Chuscupaj q'uipa ángel, copapi tiyacuj llaquita jatun animalpaj jatun tiyarina jahuapimi tallijpica, jatun animal maipi mandacunmi tucui amsayarca. Chaipica tucuicunami nanaihuan, c'alluta canirircacuna.

Mushuj Testamento Diospaj Shimi

¹⁰ Chuscupaj cati angelca, pai charicun copapi tiyacuj llaquitaca, manchanana animalpaj jatun tiyarinapimi tallirca. Chaipi tallijpica, manchanana animal mandacunmi tucui amsayarca. Gentecunapish nanaihuanca, cʼalluta canirircacunami.

Apocalipsis 16:10 Iomraidhean Croise

SALMOS 78:49

Egipciocunapaj jahuamanca nina sindirij shina pai p'iñarishcatami cacharca. Yallitaj p'iñarishca llaquitami cacharca. Tucuchij huaranga huaranga angelcunatami cacharca.

Mateo 13:42

nina rupacun hornopi shitanga. Chaipica jatunta huacana, quirucuna canirinami canga.

Mateo 13:50

Millaicunataca nina rupacun hornopimi shitanga. Chaipica jatunta huacana, quirucuna canirinami canga– nircami.

Mateo 22:13

Jatun mandajca, paipajta rurajcunataca cai runataca: “Chaquita, maquita huatashpa, canlla amsaman shitaichij. Chaipica jatunta huacana, quirucuna canirinapishmi canga”.

Mateo 24:51

Chaipimi paipajta rurajtaca jatunta llaquichishca cachun, mishqui shimi jayaj shungucunahuan churanga. Chaipica jatunta huacana, quirucuna canirinami canga.

Mateo 8:12

Ashtahuanpish Taita Dios mandacujpi chaipi cana cashcacunarajmi, amsapi canllaman shitashca cangacuna. Chaipica huacangacunami, nanaihuanpish quirucunata caniringacunami– nircami.

Lucas 13:28

Taita Dios mandacujpi Abrahamta, Isaacta, Jacobta, tucui profetacunatapish chaipi cajta ricushpaca, cancunaca canllaman shitashca cashcamanta quirucuna canirinacushpami huacanguichij.

1 Pedro 2:17

Tucuicunahuan alli caichij. Huauquicunata c'uyaichij. Diosta manchaichij. Jatun mandajtapish cazuichij.

Apocalipsis 11:10

Paicunata huañuchishcata cai pachapi causajcuna ricushpaca achcatami cushicungacuna. Chai ishqui profetacunaca, cai pachapi causajcunapajca jatunta llaquichijcunami carca. Chaimanta cushicushpami caishuj chaishujman convidanacunata cachanacungacuna.

Apocalipsis 11:2

Diospaj huasi canllataca saquilla, ama midingui. Chaitaca, mana judiocunaman cushcami. Paicunami jucha illaj pueblotaca, chuscu chunga ishqui quillacunata llaquichishpa sarungacuna.

Apocalipsis 11:8

Chai huillajcunata huañuchijpica, jatun pueblo plazapimi paicunapaj huañushca aichacunaca siricunga. Ñucanchijta Mandajtapish chai pueblollapitajmi chacatarcacuna. Chai jatun pueblopimi nishpaca Sodoma shina, Egipto shina cashcatami ricuchin.

Apocalipsis 17:17

Diosca pai rurasha nicushcata pajtachingapajmi paicunataca: Tucuicuna shuj yuyailla tucushpa, jatun animalman mandanata cuna yuyai tucuchunpish saquirca. Diospaj shimipi huillashca shina pajtangacamallami chai animalca mandanga.

Apocalipsis 17:9

“Caica alli entendij yachaisapallami entendi tucunapajmi: Chai canchis umacunaca, canchis urcucunami. Chai urcu jahuapimi, huarmica tiyacun.

Apocalipsis 18:2

Paica sinchita caparishpami, cashna nirca: “¡Babilonia jatun puebloca urmashcamari, urmashcamari! Supaicuna causanamari tucushca. Mapayachij tucui espiritucuna causana jutcumari tucushca. Millanayaj pajarocuna causana tazinmari tucushca.

Apocalipsis 18:21

Chai q'uipaca, imatapish rurai tucuj shuj angelmi, molino rumitajlla jatun rumita marcashpa mama cuchapi cashna nishpa shitarca: “Babilonia jatun pueblo, cashnami ucuman shitashca cangui. Chaimantaca cutinca manataj ricuringuichu.

Apocalipsis 18:23

Canpica achijyachij lamparacunapish ña manataj tiyangachu. Novio, novia cushicushpa cantashcapish canpica ña manataj uyaringachu. Randishpa c'atushpa canpi causajcunaca, ñaupaca tucui llajtacunamanta yalli jatun tucushcacunami carca. Tucui llajtacunatami cambaj brujianahuan umarcangui.

Apocalipsis 8:12

Quimsapaj q'uipa ángel trompetapi tocajpica, quimsapi chaupishca shuj parte inti, quimsapi chaupishca shuj parte luna, quimsapi chaupishca shuj parte luzerocunatapishmi p'aquirca. Chaimantami tucui chaicunaca quimsapi chaupishca shuj parteca achijyachij illaj saquirirca. Chaimantami quimsapi chaupishca shuj parte punllapish, tutapish achijyachij illaj carca.

Apocalipsis 9:2

Chai ucujta jutcupaj punguta pascajpica, jatun hornomanta cushni llujshicuj shinami cushni llujshirca. Chai jutcumanta cushni llujshishpaca, intitapish huairatapishmi amsayachirca.