Apocalipsis 15:5 - Dios Rimashca Shimicunami

⁵ Chai tucuicunapaj q'uipaca, cielopica Diosta adorana huasi pascarijtami ricurcani. Chai ucupica, Dios mandashcata huaquichina Diospajlla ch'icanchishca ucumi carca.

Mushuj Testamento Diospaj Shimi

⁵ Chaicunata ricushca qʼuipaca, jahua pachapi Diospaj huasi pascarijtami ricurcani. Chaica Dios Mandashcata huaquichishca, Diospajlla Carpa huasillatajmi carca.

Apocalipsis 15:5 Iomraidhean Croise

ÉXODO 25:21

Chai propiciatoriotaca arcapaj jahuapi churangui. Arca ucupica ñucahuan ari ninacushcata ricuchij ñuca cushca mandashcata churangui.

ÉXODO 38:21

Diospaj carpa huasitapish, Dioshuan ari ninacushca quillcata huaquichina carpa huasitapish imallahuan rurashcata yupashcami. Chaitaca Aarón curapaj churi Itamarta Moisés mandajpimi, Itamarca levitacunata mandajpi paicunaca imalla yaicushcata yuparcacuna.

NÚMEROS 1:50

Ashtahuanpish levitacunataca Dioshuan ari ninacushca quillcata huaquichina carpa huasita, chaipi Diospajta ruranapaj imalla charinacunata, chai carpa huasipi tucui imalla tiyajcunatapish ricuchun churangui. Diospaj carpa huasita, chaipi tucui imalla tiyajcunatapish paicunami apajcuna canga. Tucui chaicunata rurashpami Diospajta rurangacuna. Paicunaca Diospaj carpa huasi muyundijpi paicunapaj carpa huasicunata shayachishpa causachuncuna.

NÚMEROS 1:53

Levitacunaca Dioshuan ari ninacushca quillcata huaquichina carpa huasi muyundijpi, paicunapaj carpa huasicunata shayachishpa tiyarichun. Tandanacushca israelcunapaj jahuaman Mandaj Dios p'iñarishca ama shamuchunmi paicunaca chaipi cuidangacuna”.

Mateo 27:51

Chaipica, Diospaj huasi ucupi jarcachishca linsoca, jahuamanta urimanmi chaupita lliquirirca. Allpapish chujchurcami, jatun rumicunapish chaupirircami.

Hebreos 8:5

Diospaj carpa huasita Moisés ruranapajca Diosmari Moisestaca: “Riqui, chai urcupi ima shinalla ruranata ricuchishca shinataj tucuita rurangui” nishca. Chaimantami chai curacunaca jahua pachapi tiyajmanta ricuchij llandu shinalla Diospaj carpa huasipica Diospajta rurancuna.

Apocalipsis 11:19

Chai q'uipaca, cielopica Diospaj huasimi pascarirca. Diospaj huasipica, ari ninacushca quillcata huaquichina cajonmi ricurirca. Shinallataj relampacuna, rimashcacuna, c'ulun nichijcuna, allpata chujchuchijcuna, jatun rundupishmi ricurirca.

Apocalipsis 13:6

Chaimantami Diostapish, paipaj shutitapish, paipaj carpa huasitapish, cielopi causajcunatapish p'iñashpa c'amirca.