Apocalipsis 15:3 - Dios Rimashca Shimicunami

³ Paicunaca, Diospajta ruraj Moisespaj cantota, Ovejapaj cantotapishmi, cashna nishpa cantacurcacuna: “Tucuita Rurai Tucuj Mandaj Taita Dios, cambaj rurashcacunaca jatun sumajmari. Jucha illajcunapaj jatun mandaj. Canca imatapish cashcata ruraj, mana llullami cangui.

Mushuj Testamento Diospaj Shimi

³ Paicunaca, Mandaj Diosta servij Moisés rurashca cantotapish, Malta Ovejapaj cantotapishmi, cashna nishpa cantarcacuna: «Tucuita Rurai Tucuj Mandaj Dioslla, Quiquin rurashcacunaca jatunmari, mancharinamari. Quiquin yachachishcacunaca, cashcata ricuchij, cashcatataj huillaj Shimicunami. Quiquinpajlla cajcunata Jatun Mandajmi cangui.

Apocalipsis 15:3 Iomraidhean Croise

GÉNESIS 17:1

Abram ña iscun chunga iscun huatayuj cajpimi, Mandaj Diosca paiman ricurishpaca: –Ñucaca tucuita rurai tucuj Diosmi cani. Ñuca ñaupajpi puri. Ima pandata ama rurai.

1 CRÓNICAS 6:49

Aarón, paipaj churicunandijca Diosman cushpa tucui rupachina altar jahuapimi sacrificiocunata cujcuna carca. Shinallataj mishquijllata ashnajcunata rupachina altar jahuapipish inciensotami rupachijcuna carca. Diospajlla ch'icanchishca ucupipish tucui imallata rurana cashca shinallatajmi ruraj carca. Taita Diospajta ruraj Moisés mandashca shinallatajmi israelcunapaj juchamantaca Taita Diosman cujcuna carca.

2 CRÓNICAS 24:6

Chaimantami jatun mandajca, curacunata mandaj Joiada curata cayashpa cashna nirca: –Mandaj Diospajta ruraj Moisesca tucui israelcunatami, Dioshuan ima shinalla causanata yachachishca quillca tiyana carpa huasipajca, cullquita cuchun mandashcata churashca carca. Chashna cuna cashca cullquitaca ¿imamantataj Judá llajtapi causajcunatapish, Jerusalenpi causajcunatapish mañashpa apamuchun levitacunataca mana cachangui?

NEHEMÍAS 9:14

Samana punllatapish cambajlla ch'icanchishca cachunmi mandashcangui. Cambajta ruraj Moisesman quillcachishpami mandashcacunatapish, chaitataj pajtachichun nishcacunatapish, mandashcacunatapish cushcangui.

JOB 36:24

Tucuicunami pai imalla rurashcacunataca ricuncuna. Canpish paita jatunyachinata yuyariyari.

JOB 5:9

Paica achca allicunatapish, pipish mana rurai tucuipajcunatapish, mana yupai tucuipaj sumaj allicunatapish rurajmi.

SALMOS 100:5

Mandaj Diosca allimi, paipaj llaquij canaca huiñai huiñaipajmi. Pai imata nishcata pajtachinataca huahua huahuacunapaj ruracungallami.

SALMOS 105:5

Mancharinacunata pai rurashcata yuyarichigari. Pi mana rurai tucuipajta rurashcatapish yuyarichigari. Pai mandashca shimicunatapish yuyarichigari.

SALMOS 111:2

Mandaj Diospaj rurashcacunata mashcajcunapajca, Mandaj Dios imalla rurashcacunaca jatunmari.

SALMOS 111:7

Paipaj maquihuan rurashcacunaca ima mana yangallachu. Imapish chashnataj allitaj rurashcacunami. Tucui pai mandashcacunaca shunguta churanami.

SALMOS 139:14

Quiquintami alabasha. Ñucaca yallitaj mancharinata rurashcami cashcani. Chaimantami alabasha. Tucui chaicunata quiquin rurashcacunaca mancharinamari. Chaitaca ñucaca tucuitami alli yachani.

SALMOS 145:17

Mandaj Diospaj ñanca tucui imapipish cashcata rurajmi. Imata rurashpapish llaquij cashcahuanmi ruran.

SALMOS 145:6

Quiquinpaj jatun allicunata rurashcacunatami runacunaca huillangacuna. Ñucaca quiquin jatun cashcatami, tucuicunaman huillasha.

SALMOS 18:30

Mandaj Diospaj ñanpica, ima panda mana tiyanchu. Mandaj Diospaj shimica rupachishpa tucui mapata anchuchishca cullqui shinami. Paipi shunguta churashpa shuyajcunapajca escudo shina pacajmi.

SALMOS 78:12

Taita Diosca Egiptopi caj Zoán pambapimi mancharinacunata rurarca. Paicunapaj ñaupa yayacunapaj ñaupajpimi chashna rurarca.

SALMOS 92:5

¡Mandaj Dioslla, quiquin rurashcacunaca tucuita yalli jatunmari! Quiquinpaj yuyaica yallitaj mana jahuallamari.

SALMOS 99:4

Jatun mandajpaj mandacuipica cashcata ruranahuan jundami. Quiquinca cashcata ruranatami chashnataj cachun churangui. Jacobpaj huahua huahuacunapurapimi, cashcata rurashpa mandanata, mandana shinataj mandanata churashcangui.

ISAÍAS 33:22

Mandaj Diosmi ñucanchij juezca. Paimari ñucanchijta mandanacunata rurajca. Mandaj Diosca ñucanchij Jatun Mandajmari. Paillatajmari ñucanchijtaca quishpichinga.

ISAÍAS 45:21

Paicuna caimi tucunga chaimi tucunga nishpa huillashca pajtashcata mana pajtashcata tapunacuichij. Imalla tucuna cashcata callarimantapacha huillajca ¿pitaj tiyanri? Mandaj Dios ñucami chashna huillajca cani. Ñucallami chashna Dios cani, pi shujtajca mana tiyanchu. Cashcata ruraj, Quishpichijca ñucallami cani, pi shujtajca mana tiyanchu.

DANIEL 6:20

Jutcuman c'uchuyashpaca, llaquijllata rimashpami Danieltaca cashna nishpa cayarca: –Causaj Taita Diospajta ruraj Daniel, can punllata paipajta rurana cambaj Taita Diosca ¿leoncunamantaca quishpichircachu imatagari?– nirca.

DANIEL 9:11

Tucui israelcunami quiquin mandashcata p'aquishpa, quiquin rimashcata mana cazungapaj quiquinmanta anchurishcacuna. Chashna rurashpaca Taita Diosta p'iñachishpamari juchallishcanchij. Chaimantami Taita Diospajta ruraj Moisesta quillcachishca mandashcapi mana cazujpica llaqui tucushca canman nishcaca ñucanchij jahuapi urmashca.

OSEAS 14:9

Caita entendingapajca ¿pitaj yachaisapari? Caicunata yachangapajca ¿pitaj alli yuyaiyugri? Mandaj Diospaj ñancunaca mana huishtuchu. Chai ñancunataca cashcata rurajcunallami puringa. Ashtahuanpish paita c'ariyajcunaca chai ñanllapitajmi ñitcarishpa urmangacuna.

MIQUEAS 7:20

Mandaj Dioslla, ñucanchij ñaupa yaya Abrahammanpish, yaya Jacobmanpish c'uyashcamanta allicunata rurashami nishcataca amataj cungarishpa pajtachipangui.

SOFONÍAS 3:5

Mandaj Diosca, paicunapaj chaupipica cashcata rurajmi. Paica, ima millaitaca mana rurangachu. Paica cashcata ruranataca, achijman llujshichishpami ricuchinga. Cashcata ruranataca manataj cungaringachu. Ashtahuanpish millai runaca, pingai tucushcataca mana rijsirinchu.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

Juan 1:17

Mandashcataca Moisesmanmi huillachirca. Ashtahuanpish mana c'uyaipajta c'uyaica, mana llullaca, Jesucristomantami shamurca.

DEUTERONOMIO 31:30

Moisesca, tucui tandanacushca israelcunamanmi cai cantotaca callarimanta tucurincama tucuita uyachirca:

DEUTERONOMIO 32:3

Mandaj Diospaj shutitami ñucaca cantasha. ¡Ñucanchij Taita Diostaca jatunyachichigari!

DEUTERONOMIO 34:5

Chai Moab llajtapimi Mandaj Diospajta ruraj Moisesca, Mandaj Dios nishca shinallataj huañurca.

1 Timoteo 1:17

Chaimantami huiñaita Jatun mandaj, mana huañuj, mana ricuipaj, shujlla yachaj Diostaca, alli nishpa, huiñai huiñaita sumajyachishca cachun nini. Chashna cachun.

Hebreos 3:5

Moisesca Diospajta ruraj cashpami, Diospaj huasi ucupi imalla rurana cashcataca tucuita alli pajtachijtaj carca. Paica q'uipata Dios imallata rimana cashcata ricuchingapajmi chashna rurarca.

JOSUÉ 22:5

Cunanca tucuimanta yallica Mandaj Diospajta ruraj Moisés cancunaman cushca cai mandashcacunata tucuita pajtachinguichij. Chaipica: “Cancunata Mandaj Diosta c'uyanguichij. Paipaj ñanpi puringuichij. Tucui pai mandashcacunata cazushpa, paita catiranguichij. Tucui cancunapaj shunguhuan, tucui cancunapaj almahuan paipajllata ruranguichij” ninmi” nircami.

Apocalipsis 1:8

“Ñucami callari A, tucuri Z shina, callarichijpish, tucurichijpish cani” ninmi Jatun Diosca. Paica cunanpish, sarunpish, shamuna cajpish Tucuita Rurai Tucujpish paillatajmi.

Apocalipsis 11:17

cashnami nircacuna: “Tucuita Rurai Tucuj Mandaj Taita Dios, cantami pagui ninchij. Canllatajmi cunanpish, sarunpish, shamuna cajpish cangui. Cambaj tucuita rurai tucuj cashcahuanmi ña mandai callarishcangui.

Apocalipsis 14:3

Paicunaca, jatun tiyarina ñaupajpi, causaiyuj chuscupaj ñaupajpi, ancianocunapaj ñaupajpipishmi, shuj mushuj cantota cantarcacuna. Chai cantotaca, pi mana yachai tucurcacunachu. Ashtahuanpish allpa pachamanta Dios quishpichishca 144milcunallami, chai cantotaca yachai tucurcacuna.

Apocalipsis 14:8

Shujtaj angelpish: “Babilonia jatun puebloca, tucui llajtacunapi causajcunaman machana vinota ubyachij shina huainayachishcamantaca, paica urmashcamari, urmashcamari” nishpami caparishpa caticurca.

Apocalipsis 17:14

Paicunaca Ovejahuanmi macanacunga. Ovejaca Mandajcunapajpish Mandaj, Jatun Mandajcunapajpish Jatun Mandaj cashcamantaca paimi mishanga. Paihuan cajcunapish Dios agllashpa cayashcacunami, paillapi shunguta churajcunami” nircami.

Apocalipsis 19:16

Paipaj churanapipish changapipish: “Jatun Mandajcunatapish, Jatun Mandajmi, Mandajcunapajpish Mandajmi” nishca shutita quillcashcami carca.

Apocalipsis 19:2

Paica, imatapish ima shina cashcatataj ricuchishpa llaquichijmi. Chashna cashpami huainayashpalla causaj huarmi paipaj huainayanahuan allpa pachapi causajcunata yallitaj millaita rurachishcamantaca ña llaquichishca. Diospajta rurajcunata paipaj maquihuan huañuchishcamantami paitapish tigra llaquichirca” nircacunami.

Apocalipsis 4:8

Chai causaiyuj chuscucunaca, tucuicunami sujta alascunata charircacuna. Chai alas jahuapipish, ucupipish ñahui luluncunahuan jundami carca. Paicunaca punllapish, tutapish mana samashpami: “¡Jucha illaj, jucha illaj, jucha illajca Jatun Diosmi. Tucuita Rurai Tucuj Taita Diosmi. Paica sarunpish, cunanpish paillatajmi. Paillatajmi shamunga!” nicurcallacuna.