Apocalipsis 14:7 - Dios Rimashca Shimicunami

⁷ Chai angelca: “¡Diosta manchaichij, paitaca jatunmari cangui nichij. Imalla rurashcata Dios ricuchishpa llaquichinaca, ñamari chayamushca. Chaimanta cielota, allpa pachata, mama cucha yacuta, llujshicuj yacucunatapish rurajta adoraichij!” nishpami, sinchita caparirca.

Mushuj Testamento Diospaj Shimi

⁷ Chai angelca: «Taita Diosta manchaichij, Paita sumajyachichij. Dios llaquichina punllaca, ñamari chayamushca. Chaimanta jahua pachatapish, cai pachatapish, mama cucha yacutapish, puricuj yacucunatapish Rurajta adoraichij» nishpami, sinchita caparishpa huillarca.

Apocalipsis 14:7 Iomraidhean Croise

GÉNESIS 22:12

Chaimi angelca: –Cambaj churita llaquichingapajca ama maquita chutaichu. Imata ama ruraichu. Mandaj Diosta manchajtaj cashcataca ñami yachani. Chashna cashpami cambaj churica shujlla cajpipish mana mitsashpa chaitataj ñucaman cushcangui– nirca.

NEHEMÍAS 9:6

Chaipimi cashna nirca: “Quiquinllami Mandaj Dios cangui. Jahua pachatapish, quiquinmi rurashcangui. Jahua pachamanta jahuaman caj pachacunatapish quiquinmi rurashcangui. Chaipi tucui imalla tiyajcunatapish quiquinmi rurashcangui. Cai pachatapish quiquinmi rurashcangui. Chaipi tucui imalla tiyajcunatapish quiquinmi rurashcangui. Mama cuchatapish quiquinmi rurashcangui. Chaipi tucui imalla tiyajcunatapish quiquinmi rurashcangui. Tucui chaicunamanca quiquinmi causaita cungui. Jahua pacha angelcunapish quiquintami adorancuna.

SALMOS 115:15

Mandaj Diospaj cajcuna alli nishca caichij. Jahua pachata, cai pachata ruraj Dios alli nishca caichij.

SALMOS 124:8

Ñucanchijta ayudanaca Mandaj Diospaj shutipimi tiyan. Paica jahua pachata, cai pachata rurajmi.

SALMOS 33:6

Mandaj Diosca rimashcallahuanmi jahua pachacunataca rurarca. Chaipi imalla tiyajcunatapish p'ucushpallami rurarca.

SALMOS 36:1

Diosta mana rijsij millaita rurajta ricushpami ñuca shungupica: “Paipica Diosta manchanaca mana tiyanchu” nini.

SALMOS 89:7

Jucha illajcuna achca tandanacushcapica manchana Taita Diosmari cangui. Tucui cambaj muyundijpi tiyacujcuna chujchuna Taita Diosmari cangui.

SALMOS 95:5

Mama cuchapish paipajllatajmari, paimari rurarca. Chaquishca allpatapish paipaj maquihuanmari rurarca.

ÉXODO 20:11

Mandaj Diosca jahua pachatapish, cai pachatapish, mama cuchatapish, tucui chaicunapi imalla tiyajcunatapish sujta punllacunapimi tucuita rurarca. Canchis punllapica samarircami. Chaimantami Mandaj Diosca chai punllataca paipajlla cachun ch'icanchirca.

ISAÍAS 40:3

Shitashca pambapi caparijca: “¡Mandaj Diospaj ñanta allichichij. Shitashca pambacunataca ñucanchij Taita Diospaj llambujlla ñanta ruraichij!

ISAÍAS 40:6

“Caparijca capariyari” nijpimi ñucaca: “¿Imatataj caparishpa huillana caniyari?” nijpica: “Tucui gentecunami q'uihua shinalla. Pai sumaj cashcaca chagrapi tiyaj sisa shinallami.

ISAÍAS 40:9

Sionmanta huillaj, shuj jatun urcuman huichiyai. Jerusalenmanta huillaj, tucui fuerzahuan caparishpa huillayari. Mana manchashpa jatariyari. Judá llajtapi caj pueblocunamanca: “¡Caipimi cancunapaj Taita Diosca!” nichigari.

ISAÍAS 42:12

Mandaj Diostaca sumajyachichigari. Mandaj Diosta alabanataca cucha c'uchupi causajcunaman huillaichigari.

ISAÍAS 44:23

Jahua pacha cushicushpa cantayari. Mandaj Diosmari cantaca rurarca. Cai pacha allpa ucujman cajcunapish cushicushpa caparichigari. Urcucunapish, sachacunapish tucui chaipi tiyaj imalla yuracunandij sinchita caparishpa alabaichigari. Mandaj Dios Jacobpaj huahuacunata quishpichishcamantaca, Mandaj Diosca Israelpimi jatunyachishca canga.

ISAÍAS 58:1

¡Jacobpaj huahua huahuacuna juchallishcamanta, ñuca agllashcacuna ñucata c'ariyashcamantaca ama pararishpa cunga pajtashcata capariyari! ¡Trompetapi tocaj shina sinchita caparishpa huillayari!

JEREMÍAS 10:10

Ashtahuanpish Mandaj Diosca Diostajmari. Paica huiñaita Jatun Mandajmi, causaj Diosmari. Pai p'iñarijpica, allpapish chujchunmi, llajtacunapi causajcunapish mana causai tucunchu.

EZEQUIEL 7:2

“Huañujlla aichayuj runalla, Mandaj Jatun Diosca Israel llajtataca cashnami nini: Israel llajtaca tucuimari tucurigrin.

EZEQUIEL 7:6

Tucuchigrinimari, tucuchigrinimari. Cancunata llaquichijca ñamari rijcharishca. Riquichij, ñamari shamucun.

DANIEL 8:19

Paica cashnami nirca: “Dios p'iñarishpa llaquichicuica ima shina tucurinatami huillagrini. Can ricushcaca, tucuri punllacunapajmi.

OSEAS 8:1

Ñucahuan ari ninacushcata p'aquishcamanta, ñuca mandashcacunata mana cazushpa c'ariyashcamantami Mandaj Diospaj huasi jahuamanca shuj águila shamucun. Chaitaca trompetapi tocashpa huillayari.

MALAQUÍAS 2:2

Tucuita Mandaj Diosca cashnami nin: “Ñuca mandashcata mana uyajpi, tucui shunguhuan ñucata jatunyachinguichij nishcata mana cazujpica, cancunataca llaquichishatajmi. Ñucata mana cazushcamantaca, cancunaman cushca ima allicunatapish quichushami. Cancunallataj imatapish mana tucui shunguhuan ñucapajta rurashcamantami, saruncunamanpish llaquichircani.

Mateo 25:13

Ima punlla, ima hora Runa Aichayuj shamunata mana yachashcamanta, chaparacuichij.

Lucas 17:18

Taita Diosta sumajyachingapajca caishujcunaca mana tigramurcacunachu. Ashtahuanpish mana judío caj runarajmari tigramushca– nircami.

Hechos 14:15

cashna nircacuna: –Riquichij, ¿ima nishpataj chashnaca ruracunguichij? Ñucanchijpish cancuna shinallataj runacunallami canchij. Ñucanchijca cancuna cashna llaqui causacushcata saquishpa causaj Taita Diospajman cutirichun, alli huillaita huillajcunami canchij. Paica jahua pachata, cai pachata, mama cuchata, tucui ima tiyajcunatapish ruraj Taita Diosmi.

JOSUÉ 7:19

Chaipimi Josueca Acán runataca: –Ñuca huahualla, israelcunata Mandaj Diostaca sumajmari cangui, allimari cangui nishpa, can imallata mana allita rurashcataca ama pacashpa huillai– nirca.

1 Pedro 4:7

Tucui imalla tiyajcuna tucurinaca chayamucunmi. Chaimanta alli yuyaiyujcuna caichij. Diosta mañashpa chaparaichij.

Apocalipsis 11:13

Chai horasllatajmi allpa chujchushpa, pamba t'imburijpi chungapi chaupishca shuj parte puebloca tucui taparirca. Chaipica 7.000 gentecunami huañurcacuna. Chaipi mana huañujcunaca, jatunta mancharishpami jahua pacha Diostaca jatunyachircacuna.

Apocalipsis 11:18

Tucui llajtapi causajcunaca p'iñarishcami, can p'iñarishpa llaquichinapish ñamari chayamushca. Huañushcacuna imallata rurashcata ricuchinapish ñamari chayamushca. Chaipimi canca, cambajta ruraj profetacunamanpish, jucha illajcunamanpish, cambaj Shutita manchajcunamanpish, uchillacunamanpish, jatuncunamanpish paicuna japina cashcataca cungui. Cai pachata chingachijcunata chingachinapish ñamari chayamushca” nircacunami.

Apocalipsis 15:4

Jatun Dioslla ¿pitaj cantaca mana manchangari? ¿Pitaj Cambaj shutitaca mana jatunyachingari? Canllamari jucha illaj cangui. Cantaca ima shina rurashca shinataj ricuchij cajtami ricushcacuna. Chaimantami tucui llajtacunamanta shamushpa adorangacuna” nircami.

Apocalipsis 16:9

Chaimi intica ashtahuan rupashpa gentecunataca rupachirca. Chashna rupachijpipish, chai tucuita llaquichi tucuj Diosta jatunyachingapajca paipajmanca mana cutirircacunachu. Ashtahuanpish paipaj shutitaca c'amircacunami.

Apocalipsis 18:10

Chai llaquita manchashcamantaca caruman shayarishpami: “¡Aij, aij, tucuita mandaj jatun Babilonia pueblolla! Canta jatunta llaquichinaca cungaillapimari japishca” ningacunami.

Apocalipsis 18:17

Pai achcata charishcacunaca cungaillapimari ñapish tucui chingarishca” ningacunami. Shinallataj barcocunapi mandajcunapish, barcocunapi rijcunapish, barcocunata purichijcunapish, mama cucha yacupi trabajajcunapish tucuicuna carullaman shayarishpami,

Apocalipsis 18:19

Chashna nishpaca, paicunapaj uma jahuata allpata shitarishpa, jatunta llaquirishpa huacashpami: “¡Aij, aij, jatun pueblolla, paimantamari mama cuchapi barcocunata tucui charijcunaca achcata charijyarcacuna! ¡Cungaillapimari ñapish tucui chingachishca saquirishca! nircacunami.

Apocalipsis 19:5

Jatun tiyarina chaimanta shuj rimashca uyarishpaca: “Ñucanchij Diospajta ruraj, paita manchajcunaca, uchilla cashpapish, jatun cashpapish allimari cangui nichij” nircami.

Apocalipsis 4:11

“Jatun Dios, canca jatunmari cangui, allimari cangui, Tucuita rurai tucujmari cangui nishcataca chasquipaj allimari cangui. Canmari tucui ima tiyajtapish rurashcangui. Can munashpa rurashcamantami tucui imapish tiyan” nicurcacunami.

Apocalipsis 4:9

Jatun tiyarinapi tiyacuj huiñaita causacujta chai causaiyujcuna jatunmari cangui, allimari cangui nishpa, pagui nijpica, cada chashna nishcatami,

Apocalipsis 8:10

Ishquipaj q'uipa ángel trompetapi tocajpica, shuj jatun luzeromi nina sindi lunyacuj shina cielomanta urmarca. Chaica, quimsapi chaupishca shuj parte jatun yacucunapi, yacu pugyucunapipishmi urmarca.

1 SAMUEL 6:5

Cancunata llaquichicuj chupucunaman rijchajta, cancunapaj llajtacunapi llaquichicuj ucuchacunaman rijchajta rurashpa israelcunapaj Taita Diosta alli nichij. Cancunatapish, cancunapaj dioscunatapish, cancunapaj allpacunatapish llaquichinata ashallatapish saquingapishchari.