Apocalipsis 14:6 - Dios Rimashca Shimicunami

⁶ Chai q'uipaca, chaupi cielota shujtaj ángel volacujtami ricurcani. Paica allpapi causajcunamanca, tucui llajtacunaman, ch'ican ch'ican aillucunaman, ch'ican ch'ican rimaicunaman, tucui pueblocunamanpish huiñaipaj alli huillaita huillanapaj charicujtami ricurcani.

Mushuj Testamento Diospaj Shimi

⁶ Chai qʼuipaca, chaupi jahua pachata shujtaj ángel volacujtami ricurcani. Chai angelca, cai pachapi tucui causacujcunaman, tucui llajtacunaman, shujtaj shujtaj gentecunaman, chʼican chʼican rimaita rimajcunamanpish, pueblocunamanpish huiñaipaj quishpirina alli huillaitami huillangapaj charicurca.

Apocalipsis 14:6 Iomraidhean Croise

GÉNESIS 1:6

Chai q'uipaca Taita Diosca: “Yacucunata ucuman, jahuaman ch'icanchij huaira tiyachun” nircami.

2 SAMUEL 23:5

Ñuca huasi familiaca Dioshuanca manamari chashnachu. Chashna cajpipish Mandaj Diosca ñucapajca huiñaipajmari ari nirca. Ñuca quishpirinata ñuca yuyashca shinaca manaraj sisachinchu. Chashna cashpapish tucui imapish ima shinalla canataca chashnataj tucuchun huaquichishcami.

SALMOS 119:142

Quiquinpaj cashcata ruranaca huiñaita mana shujtajyangachu. Quiquin mandashcaca mana llullami.

SALMOS 139:24

Ñuca ñanta ricupayari, ñataj mana alli canman. Huiñaita mana tucurij ñanpi pushahuayari.

SALMOS 145:13

Quiquin mandanaca huiñaita mandacunallami. Quiquin mandanaca huahua huahuata mandacunallami.

ISAÍAS 40:8

Q'uihuaca chaquirinllami. Sisaca urmanllami. Ashtahuanpish ñucanchij Taita Diospaj shimi nishcaca pajtacungallami” nircami.

ISAÍAS 45:17

Ashtahuanpish israelcunaca Mandaj Diospimi huiñaipaj quishpiringacuna. Cancunaca nunca mana pingachishca canguichijchu. Nunca mana cumurichishca canguichijchu.

ISAÍAS 51:6

Cancunapaj ñahuihuan jahua pachata huichilla ricuichigari. Allpatapish urilla ricuichigari. Jahua pachaca cushni shinami chingaringa. Allpapish churana maucayaj shinami tucuringa. Allpapi causajcunapish chashnallatajmi chingaringacuna. Ashtahuanpish ñuca quishpichinaca huiñaipajmi. Ñuca cashcata ruranaca mana chingaringachu.

ISAÍAS 51:8

Paicunaca churanata polilla micushca shinami tucuringacuna. Millmata c'uru micushca shinami chingaringacuna. Ñuca cashcata ruranaca huiñaita caticungallami. Ñuca quishpichinaca huahua huahuata quishpichicungallami ninmi.

ISAÍAS 6:2

Paipaj jahuanijpica serafín nishca angelcunami carca. Chai angelcunaca cada shujmi sujta alascunata charirca. Ishqui alascunahuanca paicunapaj ñahuitami taparishca carca, caishuj ishqui alascunahuanca paicunapaj chaquitami taparishca carca. Cutin caishuj ishqui alascunahuanca jahuata volacujmi carca.

EZEQUIEL 1:14

Chai causajcunaca callpashpapish, relampacuna shinami cutin tigrarcacuna.

DANIEL 4:1

Jatun mandaj Nabucodonosormi cai pacha tucui gentecunata, llajtacunata, ch'ican ch'ican rimaita rimajcunataca: “Sumaj causai cancunapi mirarishca cachun” nini.

DANIEL 9:21

Ñuca chashna mañacujpirajmi, muscuipi shina ñaupaman ricushca Gabriel shuti angelca, huairapi callpashpa ñucapajman shamurca. Chaica animalcunata huañuchishpa Diosman cuna shina chishi horasmi carca.

Mateo 10:27

Cancunaman tuta yachachishcataca punlla huillanguichij. Rinrinllapi huillashcataca, huasi jahuamanta caparishpa huillanguichij.

Marcos 16:15

Cashnapishmi nirca: –Alli huillaita tucuicunaman huillangapaj tucui cai pachata richij.

Romanos 16:25

Jesucristomanta alli huillaita ñuca huillashca shinallataj, cancunata sinchiyachij Diostaca allimari cangui ninimi. Huiñaimantami pi mana yachaipaj pacallataca ricuchimushca.

Colosenses 1:23

Chaimanta cancunaca crishcapi, sapiyashpa sinchi catichij. Alli huillaita huillajpi cancuna imata japina cashcataca uyarcanguichijmi. Chaimantaca ama anchurishpa chai yuyailla caichij. Chaitaca tucui cai pachapi causajcunamanmi huillashca. Ñucapish chaita huillachun churashca Pablomi cani.

2 Tesalonicenses 2:16

Jesucristo ñucanchijta Mandaj, Taita Dios ñucanchij Yayami mana c'uyaipajta c'uyashpa, ñucanchijmanca huiñaita cushicunata, pai yuyailla canatapish curca.

Hebreos 13:20

Sumaj causaita cuj Taita Diosmi, ñucanchijta Mandaj Jesucristotaca huañushcacunapaj chaupimanta causachirca. Ovejacunata jatun michijca, Dios cushami nishpa mushujta ari nishcatami paipaj yahuarta jichashpa huiñaipaj pajtachirca.

1 Pedro 1:25

Ashtahuanpish Jatun Diospaj shimipi nishcaca huiñaita pajtacungallami” ninmi. Chai Shimimantami alli huillaitaca cancunaman huillacun.

Apocalipsis 10:11

Chaipimi paica: “Cunanca achca pueblocunapish, achca llajtacunapish, achca ch'ican ch'icanta rimajcunapish, jatun mandajcunapish imalla tucuna cashcata Dios canman huillashcataca cutinmi huillana cangui” nirca.

Apocalipsis 10:7

Sujtapaj q'uipa ángel trompetapi tocana punllacunapi tocai callarijpimi, Diosca pi mana entendi tucuipaj pai rurasha nishcataca pajtachinga. Chaitaca paipajta ruraj profetacunaman pai huillachishca shinallatajmi pajtanga nircami.

Apocalipsis 13:7

Paitaca Diospajlla cajcunahuan jatun macanacuita rurashpa, pai mishachunpishmi saquirca. Shinallataj ch'ican ch'ican aillucunata, tucui pueblocunata, tucui laya rimajcunata, tucui llajtacunatapish tucuita mandanatami curca.

Apocalipsis 3:10

Mana p'iñarij alli shungu cai nishpa ñuca mandashcatami huaquichishcangui. Chaimantami ñucapish cai pacha tucui llajtacunapi causajcuna, ima shina cashcata ricungapaj jatunta llaquichicui punllacunamantaca cantapish huaquichisha.

Apocalipsis 5:9

Chai ancianocunaca shuj mushuj cantotami cashna cantarcacuna: “Canllamari librota japingapaj, sellashcacunata anchuchingapajtaj cangui. Canca huañurcanguimi. Tucui aillucunata, ch'ican ch'ican rimaicunata, pueblocunata, tucui llajtacunatapishmi cambaj yahuarhuan cutinllataj Diospajlla cachun randircangui.

Apocalipsis 8:13

Chai q'uipaca, chaupi cielota shuj ángel volacujtami ricurcani. Paica: “¡Trompetapi tocanalla caj quimsa angelcuna tocajpicarin aij, aij, aij allpa pachapi causacujcunalla!” nishpa, sinchita caparijtami uyarcani.