Apocalipsis 14:5 - Dios Rimashca Shimicunami

⁵ Paicunapica ima llullata mana japircachu. Diospaj jatun tiyarina ñaupajpica, paicunaca ima mapa illajcunami carca.

Mushuj Testamento Diospaj Shimi

⁵ Paicunapaj shimipica, ima llulla mana japi tucurcachu. Taita Diospaj jatun tiyarina ñaupajpica, chashna ima mapa illajcunami.

Apocalipsis 14:5 Iomraidhean Croise

SALMOS 32:2

Maijanpish ima umana yuyaita mana charijpica, paipica ima mana alli tiyashcata Mandaj Dios mana japishpaca paitaca cushichishcami canga.

SALMOS 34:13

Millaita rimaj c'allu canamanta huaquichiringui. Umaj shimi canamanta huaquichiringui.

SALMOS 55:11

Millaita ruranami paicunapaj chaupipica tiyan. Umana, shujtajcunata llaquichinaca paicunapaj plazacunapica mana illanchu.

PROVERBIOS 8:8

Ñuca shimihuan yachachishca yuyaicunapica ima millai, ima panda mana tiyanchu.

CANTARES 4:7

Ñuca c'uyashca huarmilla, canca chaqui puntamantaca umacamami sumaj cangui. Canpica ima mana alli mana tiyanchu.

ISAÍAS 53:9

Paica Diosta mana rijsijcunahuanmi pambanalla tucurca. Ashtahuanpish achcata charijcunahuanmi pambarca. Paica ima millaita mana ruraj cajpipish, paipaj shimihuanca mana umaj cajpipish,

DANIEL 6:4

Chaimi chai ishqui mandajcunapish, satrapacunapish Danielta ima shinapish juchachingapaj pai ima shina mandajta chaparacurcacuna. Ashtahuanpish paicunaca ima juchachinata, ima mana allita mana japircacunachu. Danielca tucui imatapish cashcata ruraj cajpimi, paipica ima mana allitapish, ima juchachinatapish mana japircacuna.

OSEAS 10:2

Paicunapaj yuyaica caiman chaiman tucucujmi. Chaimanta cunanmi paicuna ima shina cashcataca ricuchigrin. Mandaj Diosca paicunapaj altarcunatami ñutunga. Rurashcalla dioscunatami chingachinga.

SOFONÍAS 3:13

Chai saquirishca israelcunaca pita mana llaquichingachu, mana llullangacunachu. Paicunapaj c'alluca pita mana umangachu. Paicunataca allimi michinga. Paicuna dormicujpipish, pi mana manchachingachu” ninmi.

MALAQUÍAS 2:6

Levitacunaca mana llullashpallami, ñuca mandashcataca yachachircacuna. Paicunaca, ima millai shimicunatapish mana rimarcacunachu. Ñucahuan cashpaca sumajta causashpa, cashcata rurashpami purircacuna. Millai ruranamantapish achcacunatami anchuchircacuna.

Mateo 12:34

¡Culebrapaj huahua huahuacuna! Cancunallataj millai cashpaca ¿ima shinataj allitaca rimai tucunguichigari? Shungupi junda tiyashcatami shimica riman.

Lucas 23:4

Chaimi curacunata pushajcunaman, chaipi cajcunamanpish Pilatoca: –Cai runapica, imamanta jatunta llaquichinata mana japinichu– nirca.

Juan 1:47

Jesusca paipajman Natanael shamucujta ricushpaca: –¡Caitajca israeltajmari, paipica ima umana mana tiyanchu!– nijpimi,

Efesios 5:27

Tandanacushca crijcunaca sumaj, imapi mana mapayashca, llambuglla, ima chai shinacunatapish mana charij, jucha illajta, mana mapayashcata ricuchingapajmi chashna tucurca.

Colosenses 1:22

Diosca, Cristo paipaj aichayuj cuerpopi, jatun llaquita apashpa huañushcamanta, pi mana juchachipaj, mapa illajta, jucha illajcunata paipaj ñaupajpi ricuchingapajmi chashna rurarca.

Hebreos 9:14

Chashna cajpica, Cristopaj yahuarcarin ashtahuan rurai tucujmi. Paica huiñaipaj Espirituhuan cashpami, ima mapa illajlla paillataj Diosman curirca. Cancuna causaj Diospajta ruraj cachunmi, huañunaman apaj millaita rurana yuyaicunataca paipaj yahuarhuan cancunamantaca p'ichan.

1 Pedro 1:19

Ashtahuanpish ima mapa illajlla, chuya malta oveja shina, Cristopaj sumaj yahuarhuanmi llujshichishcacuna canguichij.

1 Pedro 2:22

Cristoca ima juchata mana rurarcachu, paipica umaj canaca manataj tiyarcachu.

1 Pedro 3:10

Dios Quillcachishcapica: “Maijanpish causaita c'uyashpa, alli punllacunata charisha nishpaca, mana allita rimanamanta paipaj c'alluta jarcarichun. Ama umaj cachun.

Judas 1:24

Tucuita rurai tucujca paipaj achij nicuj ñaupajpi jatunta cushicushpa ricuchingapajmi, mana urmashca ima mapa illajllata huaquichicun.