Apocalipsis 14:4 - Dios Rimashca Shimicunami

⁴ Chai cantajcunaca, huarmicunapi mana mapayashca chuyacunami. Paicunaca Oveja maita rishcata catijcunami. Paicunaca cai pachapi causajcunapaj chaupimanta randishpa quishpichishcacunami carca. Diospajpish, Ovejapajpish punta p'ucushca grano shinami.

Mushuj Testamento Diospaj Shimi

⁴ Paicunallami, huarmicunapi mana chayarishca, chuyacuna carca. Paicunaca, Malta Oveja maita rijpipish, Paihuanmi purincuna. Paicunaca, Taita Diospajpish, Malta Ovejapajpish cai pacha runacunamanta punta quishpichishcacunami.

Apocalipsis 14:4 Iomraidhean Croise

SALMOS 45:14

Bordashca churanacunata churachishpami jatun mandajpajman pushashca canga. C'arihuan manaraj chayarishca huarmicunami paita catishca ringacuna. Paihuan purij huarmicunatapish paihuanmi pushamungacuna.

SALMOS 74:2

Quiquinpaj cajcunataca yuyaripayari. Ñaupamanta quiquin munashcacunataca yuyaripayari. Quiquinpaj aillu cachunmari llaquimanta llujshichircangui. Quiquin causashca cai Sión urcutapish yuyariyari.

CANTARES 1:3

Mishquijllata ashnacujcunahuan churashca jahuapish, cambaj shutica mishquijllata ashnacuj jicharishca shinamari. Chaimantami solteracunaca canta c'uyan.

CANTARES 6:8

Sujta chunga jatun mandaj huarmicunami, pusaj chungaca caishuj huarmicunami, solteracunacarin mana yupai tucuipajmari.

JEREMÍAS 2:3

Israelcunaca ñucapajlla ch'icanchishcami carca. Chagrapi punta p'ucushca granocunata tandashca shinami carca. Maijanpish paicunata llaquichishpaca, quiquinllatajmi llaquipi yaicurcacuna. Ñucami mitsashpa llaquichij carcani ninmi Mandaj Diosca nigri” nircami.

AMÓS 6:1

Sión pueblopi cushicushpa causajcunapish, Samaria urcupi causajcunapish urcucunapi imata mana manchashpa causajcunami canguichij. ¡Aij imachari tucunguichij! Cancunaca llajtacunapipish alli nishca mandajcunami canguichij. Chaimantami tucui israelcuna cancunapajllaman shamuncuna.

Mateo 19:12

Maijancunaca mamapaj huijsamantatajmi capashca shina huacharincuna. Maijancunaca runacuna capashca cashcamantami mana cazarai tucuncuna. Maijancunaca jahua pachapi caj Diospajllata rurangapajmi chashna tucuncuna. Maijanpish chashna cai tucunata charishpaca chashna rurachunlla– nircami.

Mateo 25:1

Jahua pachamanta mandanaman shamujpica chunga solteracuna paicunapaj lamparacunata japishpa, cazaracuj noviota tupanaman llujshijcuna shinami canga.

Mateo 8:19

Chaimi mandashcata quillcaj c'uchuyashpaca: –Yachachij, maiman rijpipish canhuanmi risha– nijpimi,

Juan 10:27

Ñuca ovejacunaca ñuca rimaitaca rijsinmi. Ñucapish paicunataca rijsinimi. Paicunaca ñucata catinllacunami.

Juan 12:26

Pipish ñucapajta ruraj casha nishpaca ñucata catichun. Ñuca maipimi cani, ñucapajta rurajpish chaipimi canga. Ñucapajta rurajcunataca, ñuca Yayami alli ninga– nircami.

Juan 13:37

Chaimi Pedroca: –Mandaj Jesús ¿ima nishpataj cunanllatajca mana ri tucuni? ¡Ñucaca canmantaca huañuna cajpipish huañushallami!– nijpimi,

Juan 8:12

Jesús cutin yachachi callarishpaca: –Ñucaca cai pachapi causajcunapaj luzmi cani. Maijanpish ñucata catijca, mana amsapi puringachu. Ashtahuanpish causaita cuj luztami charinga– nijpimi,

Hechos 20:28

Mandaj Jesusca paipaj yahuarta jichashpami cancunataca randirca. Chaimanta cancunallatajpish alli cuidaringuichij. Cancunaman mingashca ovejacunatapish alli cuidanguichij. Cancunataca Taita Diospaj tandacushca crijcunata michij obispo cachunmi, jucha illaj Espirituca churarca.

1 Corintios 16:15

Huauquicuna, Acaya llajtapi Estefanaspaj familiacuna punta crijcuna cashcata, paicunaca jucha illajcunapajta ruranapaj curishca cashcatapish ña yachanguichijmi.

1 Corintios 6:20

Achca valijhuan randishcacunami canguichij. Chashna cashcamanta cancunapaj cuerpopi, cancunapaj espiritupi Diosta sumajyachichij, chaicunaca Diospajmari.

1 Corintios 7:28

Cazarashpapish mana juchallinguichu. Shinallataj soltera cazarashpapish, mana juchallinchu. Shina cajpipish cazarashcacunaca, paicunapaj causaipimi llaquita charingacuna. Ñucaca chai llaquicunata ama charichunmi chashnaca nini.

2 Corintios 11:2

Cancuna shujtajpaj ama tucuchun ninaca, Diosmantami shamun. Cancunataca shujlla cusahuan cazarachingapajmi ari nishcata charini, paica Cristomi. C'arihuan manaraj chayarinacushca chuyatami, paipajman chayachina cani.

Efesios 1:14

Tucuimanta quishpichishpa pushajpi ñucanchij japina cashcata japingacama ricuchij cachunmi, chai Espiritutaca churarca. Pai sumaj cashcata alabachunmi chashna rurarca.

Efesios 5:27

Tandanacushca crijcunaca sumaj, imapi mana mapayashca, llambuglla, ima chai shinacunatapish mana charij, jucha illajta, mana mapayashcata ricuchingapajmi chashna tucurca.

1 Timoteo 4:3

Paicunaca cazaranatapish jarcangacunami. Mana llullata crishpa caticujcunaca, Taita Dios cushca micunacunata Taita Diosta pagui nishpa micunalla cajpipish, chai yachachijcunaca mana micunachu nishpami jarcangacuna.

Hebreos 12:23

Diospaj punta churi Israelcuna tandanacushca crijcunapaj shuticuna jahua pacha libropi quillcashca tiyacunmanpishmi chayashcanguichij. Tucuicuna imalla rurashcata ricuchij Diospajman, cashcata rurajcunami nishpa alli nishca espiritucunapajmanpishmi chayashcanguichij.

Santiago 1:18

Pai munashcamantami mana llulla shimimanta pai rurashcacunapaj punta p'ucushca grano shina cachun, ñucanchijtaca mushujyachirca.

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.

Apocalipsis 17:14

Paicunaca Ovejahuanmi macanacunga. Ovejaca Mandajcunapajpish Mandaj, Jatun Mandajcunapajpish Jatun Mandaj cashcamantaca paimi mishanga. Paihuan cajcunapish Dios agllashpa cayashcacunami, paillapi shunguta churajcunami” nircami.

Apocalipsis 21:22

Chai pueblopica, Taita Diosta adorana huasitaca, maipi mana ricurcanichu. Tucuita Rurai Tucuj Mandaj Taita Dios, Ovejapishmi chai huasica.

Apocalipsis 21:23

Dios sumaj cashcahuan achijyachijpi, Ovejapish paillataj achijyachij luz cashcamantaca intitapish lunatapish chai puebloca ña mana minishtinchu.

Apocalipsis 3:4

Shina cajpipish Sardispica, paicunapaj churanacunata mana mapayachijcunaca ashacuna tiyanmi. Yurajllata churashcacunaca paicunapaj churanata mana mapayachishcamanta ñucahuanmi puringacuna.

Apocalipsis 5:9

Chai ancianocunaca shuj mushuj cantotami cashna cantarcacuna: “Canllamari librota japingapaj, sellashcacunata anchuchingapajtaj cangui. Canca huañurcanguimi. Tucui aillucunata, ch'ican ch'ican rimaicunata, pueblocunata, tucui llajtacunatapishmi cambaj yahuarhuan cutinllataj Diospajlla cachun randircangui.