Apocalipsis 14:2 - Dios Rimashca Shimicunami

² Cielomantaca jatun yacucuna huajiashca shinata, jatunta c'ulun nicuj shina shuj rimashcatapishmi uyarcani. Chai rimashcaca, arpapi tocajcuna tocajpi paicunapaj arpacuna uyarij shinatami uyarcani.

Mushuj Testamento Diospaj Shimi

² Jahua pachapica, shuj rimashcatami, tauca jatun yacucuna huajyacuj shinatapish, jatunta cʼulun nij shinatapish uyarcani. Ñuca uyajta rimajca, arpapi taucapura tocacuj shinami uyarirca.

Apocalipsis 14:2 Iomraidhean Croise

2 SAMUEL 6:5

Davidpish tucui israelcunapish Mandaj Diospaj ñaupajpimi tushushpa rircacuna. Paicunaca haya caspimanta rurashca tucui laya tocanacunapi arpacunapi, salteriocunapi, panderocunapi, flautacunapi, cimbalocunapimi tocashpa ricurcacuna.

2 CRÓNICAS 20:28

Jerusalenpica salteriocunahuan, arpacunahuan, trompetacunahuanmi Mandaj Diospaj huasiman shamurcacuna.

SALMOS 147:7

Mandaj Diostaca cantashpa alabaichigari. Ñucanchij Diostaca arpahuan cantaichigari.

SALMOS 149:3

Paipaj shutitaca tushushpa alabaichigari. Panderopi, arpapi tocashpa cantaichigari.

SALMOS 33:2

Mandaj Diostaca, arpahuan alabaichij. Salteriohuan, chunga cuerdayuj tocanahuan Mandaj Diosta cantaichij.

SALMOS 43:4

Taita Diospaj altarmanmi c'uchuyasha. Ñuca llaquita anchuchij, ñucata cushichij Taita Diospajmanmi c'uchuyasha. Taita Dioslla, ñuca Dioslla arpapi tocashpami quiquintaca alabasha.

SALMOS 57:8

¡Ñuca almalla rijchariyari! ¡Salterio rijchariyari. Arpa rijchariyari! Tutamantaca utcatami jatarisha.

SALMOS 92:3

Chunga cuerdayuj tocanapi, salteriopi, tocashpa cantanaca allimari. Arpapi sumajta tocashpa cantanapish allimari.

SALMOS 93:4

Mandaj Diosca jahua pachapica, jatun yacucuna huajiashcatapish yalli tucuita rurai tucujmari. Mana cucha jahuajta jatarishcatapish maihuan yallimari.

SALMOS 98:5

Mandaj Diostaca, arpacunahuan salmocunata cantaichigari. Cuerdayujcuna tononchishcahuan sumajta cantaichigari.

ÉXODO 19:16

Quimsa punllapaj pacarimujpica culun nishpa, achij nishpa amsa p'uyu chai urcuta tapajpica, cornetapi sinchita tocashcami uyarirca. Chaita uyashpaca carpa huasicunapi caj tucui israelcunami chujchushpa mancharircacuna.

ÉXODO 20:18

Tucui israelcunami culun nicujtapish, achij nicujtapish, bocinapi tocashcatapish, chai urcu cushnicujtapish imalla tucujta alli ricuracurcacuna. Chaita ricushpa manchaihuan cashpami israelcunaca carullamanta chaparacurcacuna.

ISAÍAS 17:13

Pueblocunaca caparinacungami. Achca yacucuna huajiaj shinami caparinacunga. Ashtahuanpish Dios paicunata sinchita rimajpica, carutami miticushpa ringacuna. Urcumanta t'amuta huaira ñaupachishpa rij shinami ringa. Acapana ñutu allpata apashca shinami ringa.

EZEQUIEL 43:2

Chaipica inti llujshin ladomanta Diospaj achij nicuj shamucujtami ricurcani. Chai achij nicujca, achca yacucuna huajiashpa shamuj shinami shamurca. Mandaj Diospaj achij nicujmi, cai llajtataca achij nicujta rurarca.

ZACARÍAS 9:14

Mandaj Diosmi, paicunataca ñaupashpa ringa. Paipaj puntajlla caspipish, relámpago shinami llujshinga. Mandaj Jatun Diosmi trompetapi tocanga. Paica, jatun acapana chaupitami puringa.

1 Corintios 13:1

Gentecunapaj rimaicunapi, angelcunapaj rimaicunapi ñuca rimashpapish, c'uyaita mana charishpaca, fierro chilin nishca shina, platillo t'alaj nishca shinallami uyarini.

Apocalipsis 1:10

Mandaj Jesuspaj punllapimi ñucataca tucuipi Diospaj Espiritulla pushacurca. Chaipimi, ñuca huashanijpica trompetapi tocaj shina sinchita rimashca,

Apocalipsis 1:15

Paipaj chaquicunapish, hornopi bronceta rupachishpa llambujllata rurashca shina achij nicujmi carca. Pai rimashcapish, achca yacu huajiacuj shinami carca.

Apocalipsis 11:12

Chai huillajcunaca: “¡Caiman huichiyaichij!” nishpa, cielomanta sinchita caparishcata uyashpami cieloman p'uyupi huichiyarcacuna. Paicuna huichiyajtaca paicunata p'iñajcunapish ricurcacunami.

Apocalipsis 11:15

Sujtapaj q'uipa ángel trompetapi tocajpica, cielopica sinchita cashna caparishcami uyarirca: “Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga” nircami.

Apocalipsis 15:2

Shinallataj ninahuan chagrushca vidrio shina mama cucha yacutapishmi ricurcani. Jatun animaltapish, chai animalman rijchajta rurashcatapish, paipaj shutita ricuchij sellota, paipaj shutipaj numerotapish mana churachishpa mishajcunatapishmi ricurcani. Paicunaca vidrio shina mama cucha c'uchupimi, Dios cushca arpacunata apashca shayacurcacuna.

Apocalipsis 18:22

Canpica arpapi tocashcacuna, flautapi tocashcacuna, trompetapi tocashcacunapish ña manataj ashtahuanca uyaringachu. Shinallataj tucui ima charinacunata rurajcunapish ña mana ashtahuan tiyangachu. Molinopi cutashcapish ña manataj uyaringachu.

Apocalipsis 5:8

Librota ña japijpica, causaiyuj chuscucuna, ishqui chunga chuscu ancianocunapishmi, Ovejapaj ñaupajpi cungurircacuna. Chai ancianocunaca tucuicunami arpacunata, inciensohuan junda curi copacunatapish charicurcacuna. Chai inciensoca jucha illajcuna Diosta mañashcacunami.

Apocalipsis 6:1

Canchis sellashcacunamanta shujtaca Oveja pascajtami ricurcani. Chaita pascajpica, causaiyuj chuscucunamanta shujca, c'ulun nij shina uyarishpami: “¡Shamui ricungui”! nirca.

Apocalipsis 8:7

Punta ángel trompetapi tocajpica, rundupish, ninapish yahuarhuan chagrushcami carca. Chaita allpa pachaman shitajpica, quimsapi chaupishca shuj parte allpatami yuracunandij, tucui q'uihuacunandij rupachirca.