Apocalipsis 14:13 - Dios Rimashca Shimicunami

¹³ Chai q'uipaca, cielomanta cashna nishcatami uyarcani: “Mandaj Jesuspi shujlla cashpa huañushcacunaca, cunanmantapacha cushijllacunami. Diospaj Espiritupish cashnami nin: Ari, paicuna imallata llaquita apashpa ruracushcamantaca samaringacunami. Paicunapaj rurashcacunaca paicunahuanmi ringa ninmi nishcacunata quillcai” nircami.

Mushuj Testamento Diospaj Shimi

¹³ Chai qʼuipaca, jahua pachamanta ñucata cashna nijtami uyarcani: «Cashna quillcai: “Apunchij Jesusta crij cashcamanta huañujcunaca, cunanmantapacha cushicunmi.”» Diospaj Espiritupish: «Ari, paicuna imata ruracushcamantaca samaringacunami. Paicuna imalla rurashcacunapish paicunahuanmi ringa» ninmi.

Apocalipsis 14:13 Iomraidhean Croise

SALMOS 19:11

Cambajta rurajca chai shimicunahuan cunashcapishmi cani. Chaicunata cazujpajca, sumaj japinami tiyan.

SALMOS 85:13

Cashcata ruranaca paita ñaupashpami ringa. Pai purishcaca ñanmi saquiringa.

ISAÍAS 35:10

Mandaj Dios quishpichishcacunaca Sionmanca cushicushpami tigrangacuna. Paicunapaj uma jahuapica manataj tucurij cushicuimi tiyanga. Paicuna cushicuihuan yallitaj cushicuihuan cajpica llaquipish, aij nicunapish miticushpami ringa.

DANIEL 12:13

Daniel canca, huañungacamami ima manchai illajlla causangui. Canca samaringuimi. Tucuri punllacuna pajtajpimi can japina cashcata chasquingapaj jataringui” nircami.

Mateo 3:17

Jahua pachamantaca: “Caimi ñuca c'uyashca Churi. Paipimi cushicuni” nishpa rimashcami uyarirca.

Lucas 16:25

Ashtahuanpish Abrahamca: “Huahua, yuyariyari, canca causaipirajmi cambaj charishcacunahuan sumajta cushicurcangui. Lazaroca causaipica llaquitami aparca. Paica cunanca caipimi cushicucun. Ashtahuanpish canca llaquitami apacungui.

Lucas 16:9

Ñucaca cancunataca cashnami nini: Cai pachallata yuyashpa charijyashcacunata shujtajcunaman cushpa paicunahuan alli apanacuj tucuichij. Chashna rurashca cajpimi cancuna illaj tucujpica jahua pachapi huiñaita causanapaj chasquinga.

Romanos 14:8

Causacushpapish, Mandaj Jesuspajmi causacunchij, huañushpapish Mandaj Jesuspajmi huañushun. Chaimanta causacushpapish, huañushpapish Mandaj Jesuspajllatajmi canchij.

1 Corintios 15:18

Shina cajpica Cristopi huañushcacunapish chingarishcacunallatajmi canman.

1 Corintios 15:20

Ashtahuanpish cunanca, huañushcacunapaj chaupimanta Cristoca causarishcami. Paica huañushcacuna causarinata ricuchishpa punta causarijmi.

1 Corintios 15:58

Chashna cajpica ñuca c'uyashca huauquicuna, Mandaj Jesuspajta ruranapi huiñashpa, sinchiyashpa, pi mana cuyuchipaj catiraichij. Cancuna Mandaj Jesuspi shujlla tucushpa paipajta trabajashca mana yanga cashcataca yachanguichijmi.

2 Corintios 5:8

Chaimantami chai yuyailla canchij, ashtahuancarin ñucanchijca cai aichahuanca ña mana ashtahuan cashpa, Mandaj Jesushuanmi cashun ninchij.

Filipenses 2:17

Cancuna crishcamantaca, ñuca sacrificacushca jahuapi, ñucata huañuchina cajpipish, tucui cancunahuanmi cushicuna shinataj cushicuni.

1 Tesalonicenses 4:14

Jesús huañushpa causarishcatami ñucanchijca crinchij. Chai shinallatajmi Jesusta crij huañushcacunatapish Taita Diosca causachinga.

1 Tesalonicenses 4:16

Mandaj Jesusllatajmi cazuchij caparishcahuan, angelcunata mandaj caparishcahuan, Taita Diospaj trompeta uyarishcahuanpish jahua pachamanta uriyamunga. Chaipica, Cristota crij huañushcacunarajmi causaringa.

1 Tesalonicenses 5:10

Causajcunapish, ña huañushcacunapish, paihuan tandalla causachunmi, paica ñucanchijmanta huañurca.

1 Timoteo 5:24

Maijancunapaj juchacunaca, pi manaraj tapujpimi ricurin. Ashtahuanpish shujtajcunapajca, q'uipatami yacharin.

1 Timoteo 5:25

Shinallatajmi allita rurashcacunapish ricurin. Shujtaj shina rurashcacunapish, mana pacalla saquiri tucunchu.

Apocalipsis 1:11

cashna uyarirca: “Ñucaca callari A, tucuri Z shinami, callarichijpish, tucurichijpish cani. Can imallata ricushcataca shuj libropi quillcashpa, Asiapi caj: Éfeso, Esmirna, Pérgamo, Tiatira, Sardis, Filadelfia, Laodicea canchis pueblocunapi tandanacushca crijcunaman cachai” nircami.

Apocalipsis 10:4

Chai canchis c'ulun nijcuna rimashca uyarishcatami ñucaca quillcasha nicurcani. Ña quillcasha nicujpica cielomanta shuj rimaica: “Chai canchis c'ulun nijcuna rimashcataca huaquichishpa saquilla, ama quillcaichu” nijtami uyarcani.

Apocalipsis 11:15

Sujtapaj q'uipa ángel trompetapi tocajpica, cielopica sinchita cashna caparishcami uyarirca: “Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga” nircami.

Apocalipsis 11:19

Chai q'uipaca, cielopica Diospaj huasimi pascarirca. Diospaj huasipica, ari ninacushca quillcata huaquichina cajonmi ricurirca. Shinallataj relampacuna, rimashcacuna, c'ulun nichijcuna, allpata chujchuchijcuna, jatun rundupishmi ricurirca.

Apocalipsis 16:17

Sujtapaj q'uipa ángel, copapi tiyacuj llaquita huairapimi tallijpica, cielopi caj Diospaj huasi ucupi tiyaj jatun tiyarinamantami: “¡Ñami tucuchishca!” nishpa, sinchita rimashca uyarirca.

Apocalipsis 19:9

Chai q'uipami angelca ñucataca: “Ovejapaj jatun micui bodaman cayashcacunaca, alli nishcacunami” chaita quillcai nirca. Cashnapishmi nirca: “Caicunaca, Dios rimashca mana llulla shimicunami” nircami.

Apocalipsis 2:1

Efesopi caj tandanacushca crijcunapaj angelman quillcai: “Canchis luzerocunata paipaj alli maquipi charicuj, canchis curi candelerocuna chaupipi puricujca, cashnami nin:

Apocalipsis 2:7

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, Diospaj paraíso chaupipi caj, causaita cuj yuramantami carasha nishpa quillcai” nircami.

Apocalipsis 20:6

Punta causarinapi causarijcunaca Diospajlla cajcunami. Paicunaca alli nishcacuna cachun. Q'uipa huañuica, paicunataca imata mana rurai tucunchu. Ashtahuanpish paicunaca Diospajpish Cristopajpish curacunami cangacuna. Paicunaca Cristohuanmi huaranga huatacunacama mandangacuna.

Apocalipsis 21:5

Chai q'uipaca jatun tiyarinapi tiyacujmi cashna nirca: “Riqui, ñucaca tucui ima tiyajtami mushujta rurani. Cashnapishmi nirca. Caicunaca ima shina cana cashca shinataj pajtana mana llulla shimicunami. Chaita quillcai” nircami.

Apocalipsis 22:17

Espiritupish, Ovejapaj huarmipish: “¡Shamui!” ninmi. Maijanpish caita uyajpish: “¡Shamui!” nichun. Maijanpish yacunachicujca ubyasha nishpaca imata mana cushpa causaita cuj yacuta ubyachunlla.

Apocalipsis 6:11

Chaipica paicunamanca yurajlla churanatami curca. Chaita cushpaca: –Ashacama samacuichijraj. Cristopajta cancuna shinallataj ruraj crijcunatapish cancunata huañuchishca shinallataj mashnacunata huañuchina cashca pajtangacama shuyaichijraj– nircami.