Apocalipsis 14:11 - Dios Rimashca Shimicunami

¹¹ Paicuna llaquita apacunmantaca, huiñai huiñaitami cushnica llujshicungalla. Animalta, paiman rijchajta rurashca animalta adorajcunapish, chai animalpaj shutita ricuchij sellota churachijcunapish tutapish, punllapish mana samashpami llaquitaca apacungalla” nircami.

Mushuj Testamento Diospaj Shimi

¹¹ Paicuna rupacun ninamantaca, cushnica huiñaita llujshicungallami. Manchanana animaltapish, chaiman rijchajta rurashcatapish adorajcunapaj, chai animalpaj shutita ricuchij marcata churachijcunapajca, tutapish punllapish manataj samarina tiyangachu. Llaquitaca apacungallacunami.

Apocalipsis 14:11 Iomraidhean Croise

GÉNESIS 19:28

Sodoma, Gomorra pueblocunata, tucui chai pambacunata asomashpa ricunapajca, chai pambamantaca hornomanta llujshicuj cushni shina achca cushni llujshicujtami ricurca.

SALMOS 10:16

Mandaj Diosca huiñaimanta huiñai huiñaita Jatun Mandajmi. Mandaj Diosta mana manchaj llajtacunaca Diospaj allpamantaca chingaringami.

SALMOS 145:1

Jatun Mandaj ñuca Dioslla, quiquintami jatunyachisha. Quiquinpaj shutitaca huiñai huiñaitami alli nisha.

ÉXODO 15:18

Mandaj Diosca huiñai huiñaitami mandanga. Paica mandacungallami” nishpami cantarcacuna.

ISAÍAS 33:14

Juchayujcunami Sionpica mancharircacuna. Mishqui shimi jayaj shungucunataca manchaimi japirca. Chaimi paicunaca: ¿“Ñucanchijpuramanta maijantaj tucuchij ninapica causai tucungari? ¿Ñucanchijpuramanta maijantaj huiñaita mana huañuj ninapica causai tucungari?” nincunami.

ISAÍAS 34:10

Tutapish punllapish mana huañungachu. Cushnipish llujshicungallami. Huahua huahuacunacama shitashcami saquiringa. Chaitaca manataj nunca ñanpi puringachu.

ISAÍAS 34:8

Sión urcupi causajcunata llaquichishcamantaca Mandaj Diosca paicunatapish llaquichina punllapimi llaquichinga. Mandaj Diosca paicunatapish tigra llaquichina huata chayamujpimi llaquichinga.

ISAÍAS 57:20

Ashtahuanpish Diosta mana rijsijcunaca huairandij tamyahuan mama cucha mana casilla cai tucushpa, mapacunata, lodota yacu uriman shitacuj shinami.

DANIEL 3:6

Maijanpish cungurishpa mana adorajtaca, chai ratollatajmi nina lunyacuj hornopi shitashca canga” nircami.

JOEL 2:30

Jahua pachapipish, cai pachapipish jatun mancharinacunatami ricuchisha. Yahuarta, ninata, achca cushnitapishmi ricuchisha.

Mateo 11:28

Tucui imalla ruranacunahuan shaicushcacuna, aparishcacuna tucuicuna ñucapajman shamuichij. Ñucami cancunataca samachisha.

Mateo 25:41

Chai q'uipaca, lluqui ladoman cajcunatapish: “Ñuca ñaupajmanta anchuichij llaquiman rinapaj cajcuna. Cancunaca, diablopaj paipaj angelcunapajpish allichishca huiñaita rupacuj ninaman richij.

Mateo 25:46

Chashnacunaca, huiñaipaj llaquimanmi ringacuna. Shinallataj cashcata rurajcunaca, huiñai causaimanmi ringacuna– nircami.

DEUTERONOMIO 28:65

Chai llajtacunapi causacushpaca mana samari tucunguichijchu, cancunapaj chaquillatapish mana samachi tucunguichijchu. Chaipica Mandaj Diosca cancunamanca manchacuj shungu canata, llaquijlla ñahui canata, llaquijlla alma canatami cunga.

Hebreos 1:8

Ashtahuanpish paipaj Churitaca, cashnami nirca: “Dioslla, can mandashpa tiyanaca, huiñai huiñaipajmi. Cambaj varaca cashcata rurashpa mandanami.

Apocalipsis 11:15

Sujtapaj q'uipa ángel trompetapi tocajpica, cielopica sinchita cashna caparishcami uyarirca: “Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga” nircami.

Apocalipsis 13:12

Paica, punta animal shinallataj mandaj cashcataca chai animalpaj ñaupajpimi mandashpa ricuchirca. Chaimi allpa pachatapish, chaipi causajcunatapish huañunalla chugrihuan cashpa alliyaj punta animalta adorachirca.

Apocalipsis 13:15

Q'uipata ricurij animalmanca punta ricuj animalman rijchajta rurashcalla animalman causaita cuchunmi Diosca saquirca. Chai rurashcalla animalca ña rimashpaca paita tucui mana adorajcunataca huañuchichunmi mandarca.

Apocalipsis 13:17

Chaimanta animalta ricuchij sellota cashpa, paipaj shutita cashpa, animalpaj shutipaj numerota cashpapish mana charijca, pi mana c'atui tucurcachu. Imata mana randi tucurcachu.

Apocalipsis 14:9

Shinallataj ishquipaj q'uipa angelpish cashna nishpami sinchita huillarca: “Animaltapish, chai animalman rijchajta rurashcatapish adoraj, sellota maquipi cashpa, frentepi cashpa chasquijca,

Apocalipsis 18:18

chai jatun pueblo rupacuj cushnita ricushpaca: “Ima shujtaj pueblotaj chai jatun pueblo shinaca tiyarcari” nishpami caparircacuna.

Apocalipsis 18:9

Chai huarmihuan huainayashpa achcata cushicushpa causaj allpa pachapi jatun mandajcunapish, paita rupachishca cushni llujshicujta ricushpaca, jatunta llaquirishpami huacangacuna.

Apocalipsis 19:3

Cutinmi cashna nirca: “Chai huarmi rupashca cushnica huiñai huiñaita llujshicungallami. Chaimanta ñucanchij Diostaca ¡Alabaichij!” nircacunami.

Apocalipsis 20:10

Jatun animaltapish, llullashpa huillajtapish azufrehuan rupacuj nina cuchapimi shitarca. Chaillapitajmi umaj diablotapish shitarca. Chaipimi paicunaca punllapish, tutapish huiñai huiñaita jatunta llaquichishca cangacuna.

Apocalipsis 22:5

Chaipica, tutaca mana tiyangachu. Mandaj Taita Dios paicunata achijyachishcamanta achijyachij lamparatapish, intitapish ña mana minishtingacunachu. Paihuanmi huiñai huiñaita mandangacuna.

Apocalipsis 7:12

cashna nircacuna: “¡Chashna cachun nishca canapish! Allimari cangui nishca canapish, sumajmari cangui nishca canapish, yachajmari cangui nishca canapish, pagui nishca canapish, alli nishca canapish, tucui imatapish jahualla rurai tucuj nishca canapish ñucanchij Diospajca huiñai huiñaita cachun. ¡Chashna cachun!” nircacunami.