Apocalipsis 13:8 - Dios Rimashca Shimicunami

⁸ Chai animaltaca cai pachata manaraj rurajpi paicunapaj shutita libropi mana quillcashca tucui cai pachapi causajcunami adorarcacuna. Chai libroca huañuchishca caj Ovejapaj libromi.

Mushuj Testamento Diospaj Shimi

⁸ Chai animaltaca, cai pachapi causajcunaca, causanaman rinapaj pillushca carapi paicunapaj shuticunata mana quillcashcacunami tucuicuna adorarca. Chai pillushca caraca, cai pachata rurashca punllamanta huañuchishca Malta Ovejapaj maquipimi.

Apocalipsis 13:8 Iomraidhean Croise

GÉNESIS 22:7

Chai q'uipami Isaacca paipaj yaya Abrahamtaca: –Ñuca yayito– nijpi, Abrahamca: –Ñuca huahualla ¿imatataj ningui? caipimi cani– nijpi Isaacca: –Yantatapish, ninatapish charinchijmi. Ashtahuanpish Taita Diosman cushpa tucuita rupachina ovejaca ¿maipitagari?– nirca.

SALMOS 69:28

¡Causajcunapaj libromantaca p'ichashca cachun. Cashcata rurajcunahuanca ama quillcashca cachun!

ÉXODO 32:32

Cunanca paicunapaj juchacunata perdonapai. Paicunata mana perdonashpaca ñuca shutitapish cambaj libromanta p'ichahuai– nircami.

ISAÍAS 4:3

Sionpi puchurishcacunapish, Jerusalenpi causaihuan saquirishcacunapish, jucha illajmi nishcacunami canga. Tucui Jerusalenpi causaiyujcunapaj shuticunata quillcashcacuna,

DANIEL 12:1

Chai punllacunapica, cambaj israelcunata cuidaj jatun mandaj Miguel shuti angelmi jataringa. Chai punllacunapica jatun llaquimi tiyanga. Gentecuna cai pachapi tiyai callari pachamanta chai punllacama, manataj tiyashca jatun llaquimi tiyanga. Shina cajpipish chai punllacunapica, cambaj israelcunaca quishpichishcami canga. Libropi paicunapaj shuti quillcashcacunaca tucuicunami quishpirishca canga.

Mateo 25:34

Chaipimi jatun Mandajca, paipaj alli ladoman cajcunataca cashna ninga: “Ñuca Yaya alli nishcacuna, cancuna mandana cashcata shamuichij japinguichij. Chashna mandanataca cai pacha callarimanta pachami ña allichishca.

Lucas 10:20

Cancunaca supaicunata cazuchishpallaca ama cushicuichijchu. Ashtahuanpish cancunapaj shuticuna jahua pacha libropi quillcashca cashcamanta cushicuichij– nircami.

Juan 1:29

Chai cayandij punllami Juanca, Jesús paipajman shamucujta ricushpa cashna nirca: –¡Caimari cai pachapi causajcunapaj juchata anchuchij Taita Diospaj malta Ovejaca!

Efesios 1:4

Cai pachata manaraj rurashpami, Cristohuan shujlla tucushpa, paipaj ñaupajpi jucha illaj, mapa illajcuna cachun ñucanchijtaca ña agllarca.

Filipenses 4:3

Shinallatajmi ñucahuan tandalla pajtachij, cantapish rogani. Chai panicunata ayudangui. Paicunaca Clementendij, shujtaj huauquicunandij alli huillaita ñucahuan tandalla macanacuj shina huillajcunami. Paicunapaj shuticunaca, causaipaj libropimi.

Tito 1:2

Ñucanchijca huiñai causaiyuj cashca yuyaillami canchij. Mana llullaj Diosca, chai causaitaca manaraj cai pachapi ima tiyajpimi cusha nirca.

Apocalipsis 12:15

Chaipimi culebraca, chai huarmita yacu apachun, paipaj shimimanta jatun yacu shinata shitarca.

Apocalipsis 13:12

Paica, punta animal shinallataj mandaj cashcataca chai animalpaj ñaupajpimi mandashpa ricuchirca. Chaimi allpa pachatapish, chaipi causajcunatapish huañunalla chugrihuan cashpa alliyaj punta animalta adorachirca.

Apocalipsis 17:8

Can ricushca jatun animalca ñaupamanca tiyarcami, cunanca ña illanmi. Chai jatun animalca jatun llaquipi chingarinaman ringapajllami ucujta jutcumanta ñalla llujshimugrin. Ñaupaman tiyaj, cunanca illaj, shamunapaj caj jatun animal cutin shamujpica, allpa pachapi causajcuna ricushpaca achcatami mancharingacuna. Chaicunaca causanaman rinapaj libropi paicunapaj shuticunata allpa pachata rurashca pachamanta mana quillcashcacunami chashna mancharingacuna” nircami.

Apocalipsis 21:27

Chaimanca ima mapa, millanayajta rurajcunapish, llullacunapish manataj yaicungacunachu. Ashtahuanpish causanaman rinata ricuchij Ovejapaj libropi shutita quillcashcacunallami chaimanca yaicungacuna.

Apocalipsis 3:10

Mana p'iñarij alli shungu cai nishpa ñuca mandashcatami huaquichishcangui. Chaimantami ñucapish cai pacha tucui llajtacunapi causajcuna, ima shina cashcata ricungapaj jatunta llaquichicui punllacunamantaca cantapish huaquichisha.

Apocalipsis 3:20

Riqui ñucaca pungupimi huasiyuj nishpa shayacuni. Maijanpish ñuca rimashcata uyashpa, punguta pascajpica, paipajman yaicushami, paihuan micushami, paipish ñucahuan micungami.

Apocalipsis 3:5

Tucuita mishajca, yuraj churanata churachishcami canga. Paipaj shutitapish huiñaita causanapaj libromantaca mana p'ichashachu. Ñuca Yayapaj ñaupajpi, paipaj angelcunapaj ñaupajpimi paicunaca ñucapajmi nishpa huillasha.

Apocalipsis 5:12

cashna nishpa shinchita caparircacuna: “Tucuita rurai tucuj nishca canata, tucuita charij nishca canata, yachaisapa nishca canata, imatapish rurai tucujmi nishca canata, alli nishca canata, jatunyachishca canata, alabashca canatapish chai huañuchishca caj Ovejallami japipajca can” nishpami caparircacuna.

Apocalipsis 5:13

“Jatun tiyarinapi tiyacujtapish, Ovejatapish, huiñai huiñaita alabashca cachun, alli nishca cachun, jatunyachishca cachun, Tucuita rurai tucujmi nishca cachun” nicujtami uyarcani. Dios rurashca tucuicunami, jahua pachapi cajcunapish, cai pachapi cajcunapish, allpa ucupi cajcunapish, mama cuchapi cajcunapish, tucuicuna chashna nishpa alabarcacuna.

Apocalipsis 6:1

Canchis sellashcacunamanta shujtaca Oveja pascajtami ricurcani. Chaita pascajpica, causaiyuj chuscucunamanta shujca, c'ulun nij shina uyarishpami: “¡Shamui ricungui”! nirca.