Apocalipsis 13:18 - Dios Rimashca Shimicunami

¹⁸ Cancuna yachaj cashpaca, caita yachai tucunguichijmi. Maijanpish alli entendij cashpaca, animalpaj numerota yupachun. Chai numeroca, 666mi. Chai numeroca shuj runapaj shutimi.

Mushuj Testamento Diospaj Shimi

¹⁸ Caitaca, alli yachaillahuanmi yachai tucun. Chai animalpaj numerota yupashpa, ima cashcata yachaj chayachun. Chai numeroca, runapaj numeromi. Chai numeroca, 666mi.

Apocalipsis 13:18 Iomraidhean Croise

SALMOS 107:43

Maijanpish yachaisapa cashpa chaicunata huaquichijca, Mandaj Dios llaquij cashcatami entendinga.

DANIEL 12:10

Tucui chaicunahuanca achcacunami yurajllata, mapa illajllata rurashpa chuyajllata rurashca cangacuna. Diosta mana rijsijcunaca, Diosta mana rijsij shinallatajmi rurangacuna. Diosta mana rijsijcunaca, pi mana entendingacunachu. Ashtahuanpish entendijcunallami, caicunataca entendingacuna.

OSEAS 14:9

Caita entendingapajca ¿pitaj yachaisapari? Caicunata yachangapajca ¿pitaj alli yuyaiyugri? Mandaj Diospaj ñancunaca mana huishtuchu. Chai ñancunataca cashcata rurajcunallami puringa. Ashtahuanpish paita c'ariyajcunaca chai ñanllapitajmi ñitcarishpa urmangacuna.

Marcos 13:14

(Maijanpish caita rezajca entendichun) Profeta Daniel nishca shinaca, millanana chingachij runa ricurishpami manapish pai tiyarinapi tiyaringa. Chaita ricushpaca, Judeapi cajcunaca urcucunapi miticugrichun.

Romanos 3:5

(Maijan rimarij shinallami rimagrini.) Ñucanchij cashcata mana rurashcallatajmi, Taita Diosca cashcata ruraj cashcataca ricuchin. Chashna cajpica ¿imatataj nishun? Taita Diosca cashcata mana ruraj cashpachu ¿llaquichinga?

DEUTERONOMIO 3:11

Yallitaj jatun runacunapuramantaca Basán llajtata jatun mandaj Og runallami saquirirca. Paipaj camaca fierromanta rurashcami carca. ¿Manachu Amón llajtapi caj Rabá pueblopi chaica tiyacun? Chai camaca sunimanca chuscu metro pichca centímetro, anchomanca shuj metro pusaj chunga centimetromi. Shuj runapaj codo medidapi medishcami carca.

Apocalipsis 1:3

Chai huillashca pajtana punllacunaca ñallami chayamucun. Imalla tucuna cashcata quillcashcata rezajpish, uyajcunapish chaipi imalla nishcata cazujcunapish cushichishcami canga.

Apocalipsis 15:2

Shinallataj ninahuan chagrushca vidrio shina mama cucha yacutapishmi ricurcani. Jatun animaltapish, chai animalman rijchajta rurashcatapish, paipaj shutita ricuchij sellota, paipaj shutipaj numerotapish mana churachishpa mishajcunatapishmi ricurcani. Paicunaca vidrio shina mama cucha c'uchupimi, Dios cushca arpacunata apashca shayacurcacuna.

Apocalipsis 17:9

“Caica alli entendij yachaisapallami entendi tucunapajmi: Chai canchis umacunaca, canchis urcucunami. Chai urcu jahuapimi, huarmica tiyacun.

Apocalipsis 21:17

Pueblo muyundij pircatapish midijpica sujta chunga metromi carca. Angelca allpa pachapi mashna cashcata midijcuna midij shinallatajmi midirca.