Apocalipsis 13:16 - Dios Rimashca Shimicunami

¹⁶ Shinallataj uchillacunata, jatuncunata, charijcunata, huajchacunata, amopajta rurajcunata, amopajta mana rurajcunatapish tucuicunata alli lado maquipi cashpa, frentepi cashpapish, ricuna sellota churachunmi mandarca.

Mushuj Testamento Diospaj Shimi

¹⁶ Chai animaltajllaca uchillacunata, jatuncunata, achcata charijcunata, huajchacunata, amota servijcunata, amota mana servijcunatapish alli lado maquipi cashpa, frentepi cashpapish, ricuna marcata churachunmi mandarca.

Apocalipsis 13:16 Iomraidhean Croise

2 CRÓNICAS 15:13

Israelcunata Mandaj Diosta mana catisha nijca c'ari cashpa, huarmi cashpa, uchilla cashpa, jatun cashpapish huañunami can nircacunami.

JOB 34:19

¿Pitapish mana ñahuita ricushpalla alli nijtacarin imatataj ninguiyari? Mana ashtahuan allicuna cashcata yuyanchu. Mana, charij runallata ashtahuan c'uyanchu. Ashtahuanpish mana charijtapish c'uyanmi. Tucuicuna paipaj maquihuan rurashcacunami.

SALMOS 115:13

Mandaj Diosta manchajcunataca alli ningamari. Uchillacunatapish, jatuncunatapish alli ningamari.

SALMOS 49:2

Yangallami nishcacunapish, alli nishcacunapish, charijcunapish, huajchacunapish tucuicuna uyaichij.

ÉXODO 13:9

Cai ruraicunaca Mandaj Dios tucuita rurai tucuj maquihuan Egiptomanta canta llujshichimushcataca cambaj maquipi, mana cashpaca ñahui patapi ricunapaj churashca shinami yuyachicungalla. Mandaj Dios mandashca cambaj shimipi cachunmi chashna canga.

EZEQUIEL 9:4

Mandaj Diosca chai runataca cashnami nirca: “Jerusalén puebloman rishpa, chai pueblopi causajcuna yallitaj millaita rurashcamanta huacashpa capariricujcunata frentepi señalta churagri” nircami.

ZACARÍAS 13:6

Shina nijpipish paitaca cashnami tapungacuna: ¿Ima nishpataj maquicunaca chugrirircangui? nijpica: Ñucahuan alli apanacujcunapaj huasipimi chashna chugrichircacuna ningami” ninmi.

Hechos 26:22

Chashna cajpipish Taita Dios ñucata huaquichijpimi, profetacunapish, Moisespish imalla tucuna cashcata huillashca pajtashcataca uchillacunamanpish, jatuncunamanpish cunancama chaitataj huillacunilla.

1 Corintios 12:13

Shuj cuerpolla canapajmi tucuicuna shuj Espiritullapi bautizashca carcanchij. Judiocuna cajpi, griegocuna cajpi, amopajta ruraj cajpi, amopajta mana ruraj cajpipish, tucuicunamanmi chai Espiritullamantataj ubyachirca.

Gálatas 3:28

Chaimanta judiopish, griegopish, esclavopish, mana esclavopish, c'aripish, huarmipish ña mana tiyanchu. Cancunaca tucuicunami Cristo Jesuspi shujlla canguichij.

Gálatas 6:17

Cunanmanta pacha ñucataca, pi ama p'iñachichun. Ñuca aichapica, Mandaj Jesusmanta chugrichishcacuna alliyashcatami charini.

Efesios 6:8

Amopajta ruraj cashpa, amopajta mana ruraj cashpapish, cada quiquin allita rurashcamanta, Mandaj Jesuspajta chasquina cashcataca yachanguichijmi.

DEUTERONOMIO 11:18

Chaimanta cai ñuca mandashca shimicunataca cancunapaj shungupi, cancunapaj yuyaipi huaquichichij. Cai mandashcacunataca ima ricunacunata shina cancunapaj maquipi, cancunapaj ñahui patapi huataringuichij.

DEUTERONOMIO 6:8

Cai mandashcacunataca ima ricunacunata shina cambaj maquipi, cambaj frentepi huataringui.

Colosenses 3:11

Chaimanta griegopish, judiopish, circunsicionta rurachishcapish, mana rurachishcapish, urcu runapish, shujtaj llajtamanta cajpish, amopajta rurajpish, amopajta mana rurajpish mana tiyanchu. Ashtahuanpish Cristoca tucuicunapajmi, tucui paipi crijcunapimi.

2 Timoteo 3:8

Janes, Jambres yumbucunapish Moisestaca mana cazurcacunachu. Chai shinallatajmi paicunapish mana llulla shimitaca mana cazuncuna. Paicunaca yuyai ismushca, mana crij cashcatami ricuchincuna.

Apocalipsis 11:18

Tucui llajtapi causajcunaca p'iñarishcami, can p'iñarishpa llaquichinapish ñamari chayamushca. Huañushcacuna imallata rurashcata ricuchinapish ñamari chayamushca. Chaipimi canca, cambajta ruraj profetacunamanpish, jucha illajcunamanpish, cambaj Shutita manchajcunamanpish, uchillacunamanpish, jatuncunamanpish paicuna japina cashcataca cungui. Cai pachata chingachijcunata chingachinapish ñamari chayamushca” nircacunami.

Apocalipsis 15:2

Shinallataj ninahuan chagrushca vidrio shina mama cucha yacutapishmi ricurcani. Jatun animaltapish, chai animalman rijchajta rurashcatapish, paipaj shutita ricuchij sellota, paipaj shutipaj numerotapish mana churachishpa mishajcunatapishmi ricurcani. Paicunaca vidrio shina mama cucha c'uchupimi, Dios cushca arpacunata apashca shayacurcacuna.

Apocalipsis 19:18

Jatun mandajcunapaj, soldadocunata mandajcunapaj, c'ari c'ari cajcunapaj, caballocunapaj, caballopi tiyarijcunapaj, amopajta rurajcunapaj, amopajta mana rurajcunapaj, uchillacunapaj, jatuncunapaj tucuicunapaj aichacunata micuj shamuichij” nircami.

Apocalipsis 19:20

Jatun animaltapish, llullashpa huillajtapish prezumi japirca. Chai llullashpa huillajca jatun animalpaj ñaupajpi pi mana rurai tucuipaj mancharinacunata rurashpami jatun animalpaj sellota churachijcunatapish, chai animalman rijchajta rurashcata adorajcunatapish umashpa crichirca. Jatun animaltapish llullashpa huillajtapish causajtami ishquindijtataj azufrehuan rupacuj nina cuchapi shitarca.

Apocalipsis 19:5

Jatun tiyarina chaimanta shuj rimashca uyarishpaca: “Ñucanchij Diospajta ruraj, paita manchajcunaca, uchilla cashpapish, jatun cashpapish allimari cangui nichij” nircami.

Apocalipsis 20:12

Huañushcacunataca jatuncunatapish uchillacunatapish Diospaj ñaupajpi shayacujtami ricurcani. Librocunapish pascashcami carca. Causanaman rinapaj shujtaj libropish pascashcami carca. Huañushcacunaca paicuna ima shina cashcata librocunapi quillcashca shinallatajmi ricuchishca carca.

Apocalipsis 20:4

Chaipica jatun tiyarinacunatami ricurcani. Chaicunapica, imalla rurashcacunata ricuchichun Dios churashcacunami tiyacurcacuna. Shinallataj ima shina cashcatataj Jesusmanta huillashcamanta, Diospaj shimita huillashcamanta, jatun animaltapish, chai animalman rijchajta rurashcatapish mana adorashcamanta, shinallataj jatun animalpaj sellota maquipi cashpa frentepi cashpa, mana churachishcamantapish cungata p'itishpa huañuchishcacunapaj almacunatapishmi ricurcani. Paicunaca causarishpami, huaranga huatacunata Cristohuan mandarcacuna.

Apocalipsis 6:15

Cai pachata jatun mandajcunapish, jatuncunapish, achcata charijcunapish, soldadocunata mandajcunapish, poderyujcunapish, randishcacunapish, mana randishcacunapish, tucuicunami urcucunapi caj jutcucunapi, rumi chaupicunapi pacatucurcacuna.

Apocalipsis 7:3

cashna nirca: “Ñucanchij Diospajta rurajcunata frentepi sellota churangacama, cai pachatapish, mama cucha yacutapish, yuracunatapish ama ima llaquita ruraichijchu” nircami.