Apocalipsis 13:10 - Dios Rimashca Shimicunami

¹⁰ “Maijanpish prezu apashca cana cajca, prezu apashcami canga. Maijanpish espadahuan huañuna cajca, espadahuan huañuchishcami canga”. Chaimantami jucha illajcunaca, mana p'iñarij alli shungu, crij caticunalla.

Mushuj Testamento Diospaj Shimi

¹⁰ Shujtajcunata preźu apajca, paipish preźumi ringa. Espadahuan huañuchijpish, espadallahuantajmi huañuchishca canga. ¡Chaipimi, Diospajlla cajcuna mana pʼiñarij alli shungu, alli crij cashcata ricuchina punllacuna canga!

Apocalipsis 13:10 Iomraidhean Croise

ISAÍAS 14:2

Shujtaj llajta gentecuna japishpami paicuna maipi cashcaman apangacuna. Mandaj Diospaj llajtapi paicunapajta ruraj cachunmi churangacuna. Israelcunaca paicunata prezu apajcunataca paicunapish prezu apangacunami. Paicunata llaquichishpa causajcunataca paicunami mandangacuna. Ñaupaman paicunata llaquichijcunataca, paicunami mandashpa charingacuna.

ISAÍAS 26:21

Riquichij, Mandaj Diosca cai pachapi causajcunataca paita p'iñachishpa millaita rurashcamanta llaquichingapajmari, pai causacunmanta llujshigrin. Allpapish huañuchishpa paipi jichashca yahuartaca, ricuchingami. Huañushcacuna paipi tiyacujtapish ña mana ashtahuan pacangachu.

ISAÍAS 33:1

¡Aij, pitapish quichuj runalla, cantaca nunca pi manaraj quichunchu! Aij, huashalla llaquichij runalla cantaca pi manaraj huashalla llaquichinchu. Shujtajcunata quichunata can ña tucui tucuchijpica, cantapish tucui quichushcami cangui. Huashalla llaquichishpa tucuchijpica canpish huashalla llaquichishcami cangui.

JEREMÍAS 15:2

¿Maimantaj rishunri? nijpica, cashna ningui: Mandaj Diosca cashnami nin: Ungüihuan huañuna tiyacujcunaca, ungüihuan huañugrichijlla. Espadapi huañuna tiyacujcunaca, espadapi huañugrichijlla. Yaricaihuan huañuna tiyacujcunaca, yaricaihuan huañugrichijlla. Prezu apana tiyacujcunaca, prezu richijlla ninmi ningui” nircami.

JEREMÍAS 43:11

Pai shamushpami cai llajtapi causajcunataca llaquichinga. Cai llajta runacunaca ungüihuan huañuna cajcunaca, ungüihuanmi huañungacuna. Prezu apana cajcunaca, prezumi ringacuna. Espadapi huañuna cajcunaca, espadapimi huañungacuna.

LAMENTACIONES 3:26

Mandaj Dios quishpichichun casijlla shuyanaca allimari.

HABACUC 2:3

Muscuipi shina ricushcacunaca asha huatacunata q'uipayashpapish, utcami tucuringa, mana llullangachu. Q'uipayajpipish chaparacuilla, shamungami mana uniyangachu, chaica pajtangami.

Mateo 26:52

Jesusca: –Cambaj espadata huaquichinapi huaquichi. Espadahuan macanacujcunataca, espadallahuantaj huañuchishcami canga.

Mateo 7:2

Ima shinami shujtajta juchachingui, chashnallatajmi juchachishca cangui. Imahuanmi shujtajta medingui, chai shinallatajmi medishca cangui.

Lucas 21:19

Chashna cajpipish mana p'iñarishpa ñucata catirajcunaca quishpiringuichijmi.

Colosenses 1:11

Tucuipi paipaj sumaj poderhuan sinchiyachijpi mana p'iñarij, sinchi cachunpishmi mañacunchijlla.

Hebreos 6:12

Chashna ruranataca ama q'uillanguichijchu. Chaipaj randica crishcamanta mana p'iñarishpalla Dios cusha nishcata japijcuna ima shina cashcata ricushpa allita ruraichij.

Apocalipsis 1:9

Ñucaca, cancuna shinallataj llaquita apacuj, cancunapaj huauqui Juanmi cani. Dios mandacunpipish cancunahuanmi cani. Jesucristo shinallatajmi alli shunguhuan llaquita apacuni. Diospaj shimita huillashcamanta, Jesucristota ima shina cashcatataj huillashcamantapishmi ñucaca cai jatun yacu chaupipi tiyaj Patmos llajtapi churashca cani.

Apocalipsis 11:18

Tucui llajtapi causajcunaca p'iñarishcami, can p'iñarishpa llaquichinapish ñamari chayamushca. Huañushcacuna imallata rurashcata ricuchinapish ñamari chayamushca. Chaipimi canca, cambajta ruraj profetacunamanpish, jucha illajcunamanpish, cambaj Shutita manchajcunamanpish, uchillacunamanpish, jatuncunamanpish paicuna japina cashcataca cungui. Cai pachata chingachijcunata chingachinapish ñamari chayamushca” nircacunami.

Apocalipsis 14:12

Chashna cana cashcamanta Diospajlla cajcunaca Dios mandashcata cazushpa, Jesusta crishpa catijcunaca mana p'iñarishpa caticunallami.

Apocalipsis 16:6

Chai llaquita apajcunaca jucha illajcunatapish, cambaj profetacunatapish yahuarta jichashpami huañuchircacuna. Chaimantami canpish paicuna chasquina cashca shinallataj yahuarta ubyachishcangui” nircami.

Apocalipsis 17:11

Ñaupaman tiyaj, cunanca ña illaj jatun animalhuanmi mandajcunaca pusaj tucunga. Canchis mandajcunahuan tandanacushca cashpapish jatun llaquipi chingarinamanmi ringa.

Apocalipsis 17:8

Can ricushca jatun animalca ñaupamanca tiyarcami, cunanca ña illanmi. Chai jatun animalca jatun llaquipi chingarinaman ringapajllami ucujta jutcumanta ñalla llujshimugrin. Ñaupaman tiyaj, cunanca illaj, shamunapaj caj jatun animal cutin shamujpica, allpa pachapi causajcuna ricushpaca achcatami mancharingacuna. Chaicunaca causanaman rinapaj libropi paicunapaj shuticunata allpa pachata rurashca pachamanta mana quillcashcacunami chashna mancharingacuna” nircami.

Apocalipsis 2:19

Ñucaca can imallata rurashcatapish, c'uyaj cashcatapish, crijtaj cashcatapish, allita ruraj cashcatapish, mana p'iñarij alli shungu cashcatapish yachanimi. Shinallataj can ruracushcacunaca callaritapish yalli ashtahuan alli cashcatapish yachanimi.

Apocalipsis 2:2

Ñucaca can imalla rurashcata, shaicuita trabajashcata, mana p'iñarij alli shungu cashcatapish yachanimi. Millaicunata can mana ricunachij cashcatapish yachanimi. Ñucanchijca apostolcunami canchij nijcunatapish paicuna imata rurashcata ricushpa llullacunalla cashcata ricushcatapish yachanimi.

Apocalipsis 3:10

Mana p'iñarij alli shungu cai nishpa ñuca mandashcatami huaquichishcangui. Chaimantami ñucapish cai pacha tucui llajtacunapi causajcuna, ima shina cashcata ricungapaj jatunta llaquichicui punllacunamantaca cantapish huaquichisha.

Apocalipsis 3:3

Can imalla yachashcata, uyashcataca yuyari. Cai nishcata cazushpa mana alli ruracushcata saquishpa cutiri. Mana chashna rurajpica, can mana yuyashcapimi shuhua shina cambajmanca shamusha.