Apocalipsis 12:9 - Dios Rimashca Shimicunami

⁹ Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo, Satanás shutipishmi. Paica, allpa pachapi causajcunata umajmi. Paitami tucui paipaj millai angelcunandij allpa pachaman shitarca.

Mushuj Testamento Diospaj Shimi

⁹ Chai jatun dragontaca, jahua pachamantaca ña shitarcami. Paica, ñaupa rucu culebrami, Diablo shutipish, Satanás shutipishmi. Paimi, tucui cai pachapi causacujcunata umashpa tiyan. Paitami tucui paipaj millai angelcunandijta, allpa pachaman shitarca.

Apocalipsis 12:9 Iomraidhean Croise

GÉNESIS 3:1

Mandaj Taita Dios rurashca tucui animalcunamanta yalli yachajca culebrami carca. Paimi huarmitaca: –¿Cancunataca Taita Diostajchu, cai huertapi tiyaj yuracunamantaca ama micunguichij nirca?– nishpa tapurca.

GÉNESIS 3:13

Chaimi Mandaj Taita Diosca Evataca: –¿Imatataj rurashcanguichu imamí?– nijpi Evaca: –Culebra umajpimari micurcani– nirca.

1 CRÓNICAS 21:1

Satanasca israelcunata p'iñashpa jatarishpami, Davidmanca israelcuna mashna cashcata yupana yuyaita curca.

2 CRÓNICAS 18:21

Shina nijpi chai espirituca: Ñuca rishpaca, tucui profetacunatami llullachishpa huillachigrini nijpimi Mandaj Diosca: Can nishca shinallataj rurashpa umagrilla. Paitaca umai tucunguimi nirca.

SALMOS 109:6

Paipaj jahuapica Diosta mana rijsij runata churahuai. Paipaj alli maqui ladomanca Satanás cashca cachun.

ISAÍAS 14:12

Achij nicuj pacari luzerolla, ¿ima nishpataj jahua pachamantaca urmarcanguiyari? Allpa pachaman shitashcami carcangui. Llajtacunata huajllichijmi carcangui.

ISAÍAS 27:1

Chai punllapica Mandaj Diosca paipaj sinchi, jatun alli espadahuanmi leviatán nishca yallitaj callpaj culebrata, leviatán nishca jatun culebrata llaquichinga. Mama cuchapi tiyaj dragontapishmi huañuchinga.

ISAÍAS 65:25

Atujtaca, malta ovejahuan tandallatami michinga. Leonpish, huagra shinami ujshata micunga. Culebrapaj micunaca ñutu allpami canga. Ñucapajlla ch'icanchishca urcupica, pi mana ima llaquita ruraj tiyangachu” ninmi Mandaj Diosca.

EZEQUIEL 28:16

Shina cashpapish c'atuna yuyaillahuan, randina yuyaillahuan junda cashpami juchata rurarcangui. Cuidaj querubinlla, chaimantami cantaca ñucapajlla urcumantapish, nina lunyacuj rumicuna jahuamantapish pambaman shitarcani.

Mateo 13:39

Cizañata tarpujca p'iñaj diablomi. Tandanaca cai shina causai punllacuna tucurinami, tandajcunaca angelcunami.

Mateo 24:24

Chai punllacunaca: “Ñucami Cristo cani” nishpa llullajcunapish, profetami canchij nishpa llullajcunapish tiyangami. Chai llullajcunaca jatun ricuchinacunata, milagrocunata rurashpami, umangacuna. Dios agllashcacunatapish crichi tucushpaca crichingacunami.

Mateo 25:41

Chai q'uipaca, lluqui ladoman cajcunatapish: “Ñuca ñaupajmanta anchuichij llaquiman rinapaj cajcuna. Cancunaca, diablopaj paipaj angelcunapajpish allichishca huiñaita rupacuj ninaman richij.

Mateo 4:1

Chai q'uipami Jesustaca, diablo pandachisha nichun Taita Diospaj Espirituca, shitashca pambaman pusharca.

Mateo 4:10

Shina nijpi Jesusca: –Anchui, Satanás. Quillcachishcapica: “Mandaj cambaj Jatun Diosllata adorangui, paipajllata rurangui” ninmi– nijpimi,

Mateo 4:5

Chaimi diabloca, Taita Diospajlla puebloman pushashpa Jesustaca Taita Diospaj huasi jahua puntapi churashpa,

Mateo 4:8

Cutinllatajmi Diabloca, tucuimanta yalli jatun urcu jahuaman Jesusta pushashpa, tucui cai pachapi mandanacunata, sumajcunata ricuchishpaca,

Lucas 10:18

Chaimi Jesusca cashna nirca: –Satanastaca, jahua pachamanta rayo shina urmajtami ñucaca ricurcani.

Lucas 13:16

Cai huarmica, Abrahampaj huahua huahuamari. Paitaca, chunga pusaj huatacunatami Satanasca huatashcata charicushca. Samana punlla cajpipish, chai huatashcamantaca cacharichinami cani– nirca.

Lucas 22:3

Paicuna chashna yuyacujpica Judas Iscariotepaj shungupimi, Satanasca yaicurca. Paica Jesuspaj chunga ishqui yachacujcunapuramantami carca.

Lucas 22:31

Mandaj Jesusca caitapishmi nirca: –Simón, Simón, cancunataca trigota shina shushungapajmi Satanasca mañarca.

Lucas 8:12

Lluchu ñan shinaca huillashca Shimita uyajcunami. Paicuna uyashca shimita ama crishpa, ama quishpirichunmi diablo shamushpa paicunapaj shungumanta anchuchin.

Juan 12:31

Cunanca cai pachapi causajcunaman, paicuna imalla rurashcata ricuchina punllami, cunanca cai pachapaj mandajta llujchichishpa shitana punllami.

Juan 14:30

Cai pachata mandajca ñamari shamucun. Cancunahuanca ña mana ashtahuan rimashachu. Pai shamushpapish ñucataca mana mishangachu.

Juan 16:11

Ima shina cashcata ricuchinaca, cai pachata mandajtaca jatun llaquiman rinapaj ña churashcami nisha ninmi.

Juan 8:44

Cancunapaj yayaca diablomari. Paipaj munaillatami rurashun ninguichij. Paica callarimanta huañuchijmi, yallitaj jatun llullami. Tucui pai nishcacunaca llullami. Llullashpaca pai ima shina cashca shinallatajmi llullan. Llullata callarichij cashcamanta llullapaj yayami.

Hechos 26:18

Can huillashpa ñahuita pascajpimi, paicunaca amsamanta luzman cutirishpa Satanaspajta ruracushcata saquishpa Taita Diospajta rurangacuna. Ñucata crishpami juchacunamantapish quishpichishcacuna canga. Chashna cashpami Taita Diospajlla cajcunahuan herenciata japingacuna” nircami.

Hechos 5:3

Chaimi Pedroca: –Ananías, ¿ima nishpataj cambaj shungupi Satanás jundachun saquircangui? ¿ima nishpataj allpata c'atushca cullquitaca mana tucui apamushpa, jucha illaj Espirituman llullarcangui?

Romanos 16:18

Chashnacunaca, ñucanchijta Mandaj Jesucristopajtaca mana rurancunachu, ashtahuanpish quiquin huijsapajllami yuyarishpa causancuna. Paicunaca, sumaj uyanalla shimicunata rimaj tucushpami, manaraj alli yachajcunapaj shunguta umancuna.

Romanos 16:20

Sumaj causaita cuj Taita Diosca, Satanastaca cancunapaj chaqui ucupimi saruchun ñalla churanga. Ñucanchijta Mandaj Jesucristopaj mana c'uyaipajta c'uyaj canaca, cancunahuan cashca cachun.

2 Corintios 11:14

Chaicunataca, imata mana manchachinchu. Satanasllatajpish, achij nicuj ángel shina tucunllami.

2 Corintios 11:3

Chashna cajpipish culebra achca yachaj cashpa Evata umashca shinallataj, cancunatapish tucui shunguhuan mana nij tucushpalla Cristota c'uyacushca yuyaicunata ima shinapish umashpa cungachinatami manchacuni.

2 Corintios 12:7

Dios ricuchishcacunahuan ama jatun tucuchunca Satanás cachashcamari. Garrochahuan tujsij shina ñuca aichapi jatun nanaita curca. Chaimi ñuca ama yalli jatun tucuchun, ñucataca huajtashpa llaquichicunlla.

2 Corintios 2:11

Satanasca, ñucanchijmanta imata ama cushicuchunmi perdonarcani. Paica ima shinapish millaita ruranata yachaj cashcataca yachanchijmi.

2 Corintios 4:4

Cristopaj sumaj alli huillai luz ama achijyachichunmi, cai pachapaj diosca mana crijcunapaj yuyaicunataca tapashca. Cristoca, Dios ima shina cajta ricuchijmi.

Efesios 4:14

Chashna cashpami, caita chaita apaj huaira shina panda yachachinataca, huahuacuna shina mana crishun. Chaicunaca, umangapaj alli yachajcuna cashpami, ima shinapish panda yachachinata allichincuna.

2 Tesalonicenses 2:3

¡Cancunataca ima shinapish pi ama umachun! Pai shamunapajca crishcata saquijcuna, chingarinaman rinapaj caj juchasapa runarajmi ricuringa.

1 Timoteo 2:14

Shinallataj mana Adantachu umashca carca. Ashtahuanpish huarmimi umashca tucushpa, mandashcata p'aquirca.

2 Timoteo 3:13

Ashtahuanpish millaicuna, umajcunaca, ashtahuan ashtahuan millai tucushpami, umajcuna umashcacunapish tucushpa catingacuna.

Hebreos 2:14

Gentecunaca aichayuj, yahuaryujmi, chai shinallatajmi Jesuspish aichayuj yahuaryuj tucurca. Huañuiman apacujta pai huañushpa chingachingapajmi chashna aichayuj tucurca. Chai apacujca diablomi.

1 Pedro 5:8

Cancunata p'iñaj diabloca, león huacaricuj shinami, maijanta millpungapaj muyundijta mashcashpa puricun. Chaimanta yachajcuna caichij, chaparacuichij.

1 Juan 5:19

Ñucanchijca Diospaj huahuacuna cashcatami yachanchij. Cai pachapi millaita rurajcunaca diablopaj ucupimi.

Judas 1:9

Angelcunata jatun mandaj Miguelpish, Moisespaj aichata quichunacushpa rimanacucushpapish, diablotaca llaquichishpa ima millaita mana rimashcachu. Ashtahuanpish: “Jatun Diosmi cantaca llaquichinga” nishcallami.

Apocalipsis 12:12

Chaimanta cielopish, chaipi causajcunapish cushicuichij. Ashtahuanpish allpapi causajcuna, mama cuchapi causajcunaca ¡aij imachari tucunguichij! Diabloca pai munashcata rurana punllacuna ashalla cashcata yachashpami, jatunta p'iñarishpa cancunapajman uriyashca nijtami uyarcani” nircami.

Apocalipsis 12:3

Shinallataj cielopica mana ricushca shujtaj jatun mancharinami ricurirca: Puca nicuj jatun dragonmi canchis umacunayuj, chunga gachucunayuj ricurirca. Umacunapica, canchis coronacunata churashcami carca.

Apocalipsis 12:7

Chai q'uipaca, cielopica jatun macanacuimi tiyarca: Miguelmi, paipaj angelcunandij, dragonhuan macanacucurca. Dragonpish, paipaj angelcunandijmi macanacucurca.

Apocalipsis 12:8

Macanacushpapish dragonca mana mishai tucurcachu. Chaimanta paicunaca cielopica, ña mana ashtahuan chayai tucurcachu.

Apocalipsis 13:14

Punta animal jatun mancharinacunata rurai tucunata q'uipa animalman cujpimi, chaita rurashpa allpa pachapi causajcunataca umarca. Chaimantami q'uipa animalca allpa pachapi causajcunataca, espadahuan huañujta chugrichishca cashpapish causacuj animalman rijchajta ruraichij nirca.

Apocalipsis 16:14

Chaicunaca pi mana ruraipajta rurashpa ricuchij supaicunapaj millai espiritucunami. Paicunaca Tucuita Rurai Tucuj Diospaj jatun punllapaj tucui allpa pachapi mandajcuna macanacunaman richun tandachingapajmi chashnaca llujshircacuna.

Apocalipsis 18:2

Paica sinchita caparishpami, cashna nirca: “¡Babilonia jatun puebloca urmashcamari, urmashcamari! Supaicuna causanamari tucushca. Mapayachij tucui espiritucuna causana jutcumari tucushca. Millanayaj pajarocuna causana tazinmari tucushca.

Apocalipsis 18:23

Canpica achijyachij lamparacunapish ña manataj tiyangachu. Novio, novia cushicushpa cantashcapish canpica ña manataj uyaringachu. Randishpa c'atushpa canpi causajcunaca, ñaupaca tucui llajtacunamanta yalli jatun tucushcacunami carca. Tucui llajtacunatami cambaj brujianahuan umarcangui.

Apocalipsis 19:20

Jatun animaltapish, llullashpa huillajtapish prezumi japirca. Chai llullashpa huillajca jatun animalpaj ñaupajpi pi mana rurai tucuipaj mancharinacunata rurashpami jatun animalpaj sellota churachijcunatapish, chai animalman rijchajta rurashcata adorajcunatapish umashpa crichirca. Jatun animaltapish llullashpa huillajtapish causajtami ishquindijtataj azufrehuan rupacuj nina cuchapi shitarca.

Apocalipsis 2:13

Ñucaca cambaj rurashcacunata, maipi causacujtapish yachanimi: Satanás maipi mandacunpi causacushpapish, ñuca shutitaca allimari huillacungui. Satanás maipi causacunpi ñucamanta huillaj, alli caticuj Antipasta huañuchi punllacunapipish ñucata crishcataca ña mana catishun mana nircanguichijchu.

Apocalipsis 2:24

Tiatirapi caj maijancunaca chai mana alli yachanataca mana chasquishcanguichijchu. Satanaspaj tucuimanta yalli jatun yachanami nishcatapish cancunaca mana yachagrishcanguichijchu. Chaimanta cancunamanca: Ima shujtaj mana rurai tucuipajtaca mana mandanichu.

Apocalipsis 2:9

Ñucaca can imalla rurashcata, llaquicunata apacushcata, ima illajlla cashcatapish yachanimi. Chashna cashpapish achcata charijmi cangui. Judiocunami canchij nijcuna canta c'amishcatapish yachanimi. Paicunaca mana judiocunatajchu. Ashtahuanpish Satanás tandanacuna sinagogallamari.

Apocalipsis 20:10

Jatun animaltapish, llullashpa huillajtapish azufrehuan rupacuj nina cuchapimi shitarca. Chaillapitajmi umaj diablotapish shitarca. Chaipimi paicunaca punllapish, tutapish huiñai huiñaita jatunta llaquichishca cangacuna.

Apocalipsis 20:8

Ña cacharishca cashpaca, allpa pachapi causajcunataca tucui llajtacunatami umangapaj llujshinga. Paica Gog nishcapaj, Magog nishcapaj soldadocunatami macanacungapaj tandachinga. Chaicunaca mama cucha t'iyu allpa shina yallitaj achcacunami carca.

Apocalipsis 3:9

Maijancunaca manapish judiocuna cashpa, judiocunami canchij nishpa llullashpami Satanaspaj sinagoga tucuncuna. Paicunataca ñuca canta c'uyashcata yachachunmi cambaj ñaupajpi cungurichisha.

Apocalipsis 9:1

Chuscupaj q'uipa ángel trompetapi tocajpica, cielomanta shuj luzero allpa pachaman urmajtami ricurcani. Paimanca ucujta jutcupaj pungu llavetami curca.

Apocalipsis 9:20

Cai tucui llaquicunata apacushpapish mana huañujcunaca, paicuna millaita ruracushcata saquishpa Diosman mana cutirircacunachu. Ashtahuanpish supaicunata, curimanta, cullquimanta, broncemanta, rumimanta, caspimanta rurashcalla dioscunata adoranatapish mana saquircacunachu. Chaicunaca mana ricui tucunchu, mana uyai tucunchu, mana puri tucunchu.