Apocalipsis 12:8 - Dios Rimashca Shimicunami

⁸ Macanacushpapish dragonca mana mishai tucurcachu. Chaimanta paicunaca cielopica, ña mana ashtahuan chayai tucurcachu.

Mushuj Testamento Diospaj Shimi

⁸ Chai macanacuipica, dragontami misharcacuna. Chaimantami paipish, paipaj angelcunapish, ña mana jahua pachapi cai tucurcacuna.

Apocalipsis 12:8 Iomraidhean Croise

JOB 20:9

Paita ricujcunapish cutinca mana ricungacunachu. Pai maipi cashcatapish cutinca mana rijsingachu.

JOB 7:10

Mana cutin paipaj huasiman tigrangachu. Pai maipi causashcatapish ña mana cutin ricungachu.

JOB 8:18

Pai maipi tiyacushcamanta p'itishpa shitajpica, pai maipi tiyacushca allpapish: Cantaca mana ricushcanillapishchu ningami.

SALMOS 129:2

Ñucataca chairaj cashcamantapachami yallitaj llaquichincuna. Shina cashpapish, ñucataca mana mishai tucurcacunachu.

SALMOS 13:4

Ñuca lluchcarijpica, ñucata p'iñajca: “Mishanitajmari” ningamari. Chashna paicuna cushicuchun ama saquichu.

SALMOS 37:10

Millaicunaca ñallami mana tiyanga. Paicuna tiyacushcapi ricujpica ña mana ricuringachu.

JEREMÍAS 1:19

Quiquinhuan macanacungapaj shayarishpapish, quiquintaca manataj mishangacunachu. Ñucami quiquinhuan casha, ñucami quiquintaca imamantapish quishpichisha” nircami Mandaj Diosca.

JEREMÍAS 5:22

Mandaj Diosca cashnami nin: Ñucataca manamari manchanguichijchu, manamari ñuca ñaupajpica chujchunguichijchu. Ñucamari mama cucha maicama canatapish churarcani. T'iyullatamari huiñaita yacu muyundijta tiyachun churarcani. Shina cajpipish, ñuca mandashcamantaca mana pasanchu. Jatun huairahuan yacu huajiashpa jatarishpapish, mana maitapish rinllachu. Mana chai t'iyumanta pasanchu.

Mateo 16:18

Ñucapish cantaca Pedromi cangui ninimi. Cai rumi jahuapimi, tandanacushca crijcunataca shayachisha. Hadespaj pungucunapish mana mishai tucungachu.

Hechos 1:25

Paica can imalla rurai nishcata ñucanchijhuan rurachun, apóstol canatapish japichun. Judasca millaita rurashpa urmashcamantami pai maiman rina cashcaman rin” nircacunami.

Judas 1:6

Angelcunapish mandaj cachun churashcallapi mana cashun nishpa, ashtahuanpish paicuna causacunmanta anchushpa rishcamantaca Diosca jatunta llaquichina punllacamami huiñaita mana llujshipaj amsapi prezu huaquichishca.

Apocalipsis 12:11

Chai huauquicunaca, Ovejapaj yahuarhuan, paipaj shimita huillashcahuanmi diablotaca misharcacuna. Quiquin causaita mana llaquishpami huañuchingacama huillarcacuna.

Apocalipsis 12:7

Chai q'uipaca, cielopica jatun macanacuimi tiyarca: Miguelmi, paipaj angelcunandij, dragonhuan macanacucurca. Dragonpish, paipaj angelcunandijmi macanacucurca.

Apocalipsis 12:9

Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo, Satanás shutipishmi. Paica, allpa pachapi causajcunata umajmi. Paitami tucui paipaj millai angelcunandij allpa pachaman shitarca.

Apocalipsis 20:11

Chaimantaca yurajlla jatun tiyarinatapish chai jahuapi tiyacujtapishmi ricurcani. Paipaj ñaupajmantaca allpa pachapish cielopish tucuimi chingarirca. Cutinca ña manataj ricurircachu.