Apocalipsis 12:3 - Dios Rimashca Shimicunami

³ Shinallataj cielopica mana ricushca shujtaj jatun mancharinami ricurirca: Puca nicuj jatun dragonmi canchis umacunayuj, chunga gachucunayuj ricurirca. Umacunapica, canchis coronacunata churashcami carca.

Mushuj Testamento Diospaj Shimi

³ Shujtaj señalpishmi jahua pachapica, cashna ricurirca: Canchis umayuj, chunga gachuyuj amsa puca jatun dragonmi ricurirca. Umacunapica, canchis coronata churashcami carca.

Apocalipsis 12:3 Iomraidhean Croise

ISAÍAS 27:1

Chai punllapica Mandaj Diosca paipaj sinchi, jatun alli espadahuanmi leviatán nishca yallitaj callpaj culebrata, leviatán nishca jatun culebrata llaquichinga. Mama cuchapi tiyaj dragontapishmi huañuchinga.

ISAÍAS 51:9

¡Rijchariyari, rijchariyari. Mandaj Diospaj rigra tucuita rurai tucuj canahuan churariyari! ¡Achca huatacuna ñaupaman shinallataj rijchariyari! Rahabta mirga mirgata rurajca quiquintajmari cangui. Dragonta chugrichijpish quiquintajmari cangui.

ISAÍAS 9:15

Uma nishpaca, ñahui ricuica allitajlla cunaj yuyajcuna nisha ninmi. Chupa nishpaca, llullashpa huillaj profetacuna nisha ninmi.

DANIEL 2:41

Chaquicunatapish, dedocunatapishmi ricurcangui. Chaitaca ashaca mangata rurajcuna lodomanta rurashpa cusashcahuan cajta, ashaca fierrohuan rurashca cajtami ricurcangui. Chaica mandana ishquipi chaupirina cashcatami ricuchin. Fierrohuan, lodomanta rurashpa cusashcahuan chagruta ricushca shinallataj chai chaupirishca mandanapica fierro shina ashalla fuerzayuj mandajpishmi tiyanga.

DANIEL 2:42

Chaqui dedocunapish ashaca fierro, ashaca lodomanta rurashpa cusashcahuan cashcamanta chai mandanaca ashaca sinchi, ashaca urmanalla cashcatami ricuchin.

DANIEL 7:20

Paipaj umapi tiyaj chunga gachucunapish, gachucunapaj chaupimanta shuj uchilla gachu huiñashcapish, chai gachupaj ñaupajmanta quimsa gachucunata anchuchishcapish imata nisha nishcatapishmi tapurcani. Chai gachuca gentepaj ñahui shinatami charirca. Yallitaj millaita rimaj shimiyujmi carca. Chai gachuca tucui caishuj gachucunata yalli jatunmi ricurirca.

DANIEL 7:24

Chunga gachucunaca, chai mandanamanta chunga jatun mandajcuna jatarinatami ricuchin. Paicunapaj q'uipaca, shujtaj jatun mandajmi jataringa. Paica ñaupaman mandacujcunamanta shujtaj shinami canga. Quimsa jatun mandajcunatami urmachinga.

Apocalipsis 12:1

Cielopica, mana ricushca shuj jatun mancharinami ricurirca: Intita churarishca shuj huarmimi, luna jahuapi shayacurca. Umapica chunga ishqui luzerocunamanta rurashca coronata churarishcami carca.

Apocalipsis 12:13

Dragonca paita allpa pachaman ña shitashca cashcata ricushpaca, c'ari huahuata huachaj huarmitami p'iñashpa catirca.

Apocalipsis 12:17

Chashna rurajpimi, dragonca chai huarmihuan ashtahuan p'iñarishpa chai huarmipaj saquirishca huahua huahuacunahuan jatunta macanacugrirca. Paicunaca, Dios mandashcata alli cazujcunami. Jesucristomanta huillashcatapish alli catijcunami.

Apocalipsis 12:4

Chai dragonca, quimsapi chaupishca shuj parte luzerocunatami, cielomanta allpa pachaman paipaj chupahuan aisashpa shitarca. Chai dragonca huachanachicuj huarmipaj ñaupajpimi, huahua huacharinca huahuata millpungapaj shayarirca.

Apocalipsis 12:7

Chai q'uipaca, cielopica jatun macanacuimi tiyarca: Miguelmi, paipaj angelcunandij, dragonhuan macanacucurca. Dragonpish, paipaj angelcunandijmi macanacucurca.

Apocalipsis 12:9

Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo, Satanás shutipishmi. Paica, allpa pachapi causajcunata umajmi. Paitami tucui paipaj millai angelcunandij allpa pachaman shitarca.

Apocalipsis 13:1

Mama cucha c'uchu t'iyu allpapica dragón shayacujtami ricurcani. Chai q'uipaca mama cucha chaupimantaca canchis umacunayuj, chunga gachucunayuj animal llujshicujtami ricurcani: Chai gachucunapica, chunga coronacunatami churashca carca. Chai canchis umacunapica Diosta c'amishpa rimashca shutitami quillcashca carca.

Apocalipsis 13:2

Ñuca ricushca animalca, leopardoman rijchajmi carca. Paipaj chaquicunaca, osopaj shinami carca. Paipaj shimica leonpaj shimi shinami carca. Dragonca chai animalmanca pai rurai tucunata, paipaj jatun tiyarinata, jatun mandaj canatapishmi curca.

Apocalipsis 13:4

Paicunaca, animalman mandanata cuj dragonta, chai animaltapishmi: “Cai animal shinaca, pi mana tiyanchu. Paihuanca ¿pitaj macanacui tucungari?” nishpami adorarcacuna.

Apocalipsis 15:1

Cielopica mana ricushca shujtaj jatun mancharinatami ricurcani: Chaipica, tucuri canchis llaquicunatami canchis angelcuna charicurcacuna. Chaicunahuanmi, Dios jatunta p'iñarishpa llaquichinaca tucurirca.

Apocalipsis 16:13

Chai q'uipaca, dragonpaj shimimanta, jatun animalpaj shimimanta, llullashpa huillajpaj shimimantapish, sapocunaman rijchaj quimsa millai espiritucuna llujshijtami ricurcani.

Apocalipsis 17:12

Can ricushca chunga gachucunaca, mandanata manaraj chasquij chunga jatun mandajcunami. Chashna cashpapish paicunaca jatun animaldijmi jatun mandajcuna shina mandaj canataca shuj horaspajlla chasquinga.

Apocalipsis 17:16

Can ricushca jatun animalpish, chunga gachucunapish, huainayashpa causaj huarmitaca shitashca lluchullatami saquingacuna. Paipaj aichataca micungacunami, ninapi rupachingacunapishmi.

Apocalipsis 17:7

Chaipimi ñucataca angelca: “¿Ima nishpataj mancharingui? Can ricushca huarmimantapish paita aparishca canchis umayuj, chunga gachuyuj jatun animalmantapish pi mana entendi tucushcataca cunanmi huillasha.

Apocalipsis 19:12

Paipaj ñahui luluncunapish lunyacuj nina shinami carca. Umapipish achca coronacunata churashca, pi mana yachashca pailla yachashca shutita quillcashcatapishmi charirca.

Apocalipsis 20:2

Chai angelmi dragón nishca ñaupa culebra, diablo, Satanastaca japishpa huaranga huatapaj huatarca.