Apocalipsis 12:2 - Dios Rimashca Shimicunami

² Chai huarmica chichu cashpa huachana ña pajtashcamantami, huachana nanaihuan achca llaquita apashpa capariricurca.

Mushuj Testamento Diospaj Shimi

² Chai huarmica, chichu cashpa ña huachagrishpami, huachana nanaihuan jatunta caparicurca.

Apocalipsis 12:2 Iomraidhean Croise

ISAÍAS 26:17

Chichu huarmica huachana pajtamujpi nanaihuan cashpami paipaj nanaicunahuan aij nin, caparin. Ñucanchijpish Mandaj Diospaj ñaupajpica chashnallatajmi tucushcanchij.

ISAÍAS 53:11

Paipaj alma llaquita apashcamanta p'ucushca granota ricushpaca cushicushpami saquiringa. Paicuna mana allita rurashcataca pai aparishpami, cashcata ruraj ñucapajta rurajca pai yachaj cashcahuan achcacunata justificanga.

ISAÍAS 54:1

¡Mana chichuj, mana huachaj huarmi, cushicuiyari! ¡Manataj huachaj huarmi, jatun cushicuihuan caparishpa cantayari! “Cusa shitashca cashpapish, canmari cusayuj huarmitapish yalli huahuacunayuj tucungui” ninmi Mandaj Diosca.

ISAÍAS 66:6

¡Jerusalenpica, caparishcacunami uyaricun. Diospaj huasipica bullashcamari uyaricun. Mandaj Dios paita p'iñajcunata paicuna ima shinalla rurashca shinataj llaquichicushcami uyaricun!

MIQUEAS 4:9

¿Ima nishpataj cunanca huachana nanaihuan capariricuj huarmi shina capariricunguichigari? ¿Manachu jatun mandajta charinguichij? ¿Cancunata cunajcunachu huañurca imatagari?

MIQUEAS 5:3

Ashtahuanpish shuj huarmi chichushpa huachangacamallami paicunallata saquinga. Shinallataj saquirij paipaj huauquicunaca ñaupa yaya Israelpaj churicunahuanmi tigrangacuna.

Mateo 24:8

Cai tucui llaquicunaca, nanai callaricuj shinallami canga.

Juan 16:21

Shuj huarmica huachana pajtajpi huachacushpaca achcatami nanachin. Huahuata huachashca q'uipaca chai nanaita ña mana yuyarinchu, cai pachapi huahuayuj tucushcamanta achcatami cushicun.

Gálatas 4:19

Ñuca huahuacunalla, cancuna Cristo shina tucungacamami, cancunamantaca huachana nanaicunahuan shina cutin llaquita apacuni.

Gálatas 4:27

Cashnami quillcashca tiyacun: “¡Cushicui, mana chichuj, mana huachaj. Canca huachana nanaita mana charishcamanta jatunta cushicushpa capari! Shitashca huarmipajca, cusayuj huarmipajta yalli achca huahuacunami” ninmi.

Apocalipsis 12:4

Chai dragonca, quimsapi chaupishca shuj parte luzerocunatami, cielomanta allpa pachaman paipaj chupahuan aisashpa shitarca. Chai dragonca huachanachicuj huarmipaj ñaupajpimi, huahua huacharinca huahuata millpungapaj shayarirca.