Apocalipsis 12:14 - Dios Rimashca Shimicunami

¹⁴ Chaimantami chai huarmimanca, shitashca pambaman culebrapaj ñaupajmanta jatarishpa richun, jatun aguilapaj ishqui alasta curca. Chaipimi quimsa huata chaupicama Dios cuidashca carashca causarca.

Mushuj Testamento Diospaj Shimi

¹⁴ Chaimantami chai huarmimanca, jatun aguilapaj ishqui alasta curca. Chaihuanmi culebrapaj ñaupajmanta jatarishpa, pai tiyachun allichishca, shitashca pambaman rirca. Chaipimi, quimsa huata chaupicama carashpa charirca.

Apocalipsis 12:14 Iomraidhean Croise

SALMOS 55:6

Chaimi ñucaca: “¡Palomapaj alasta shina maijan ñucaman cujpica, jatarishpa rishpami maipi samarigriman!

ÉXODO 19:4

Egipciocunata ñuca imallata rurashcataca cancunallataj ricurcanguichijmi. Cancunataca águila alas jahuapi apamuj shinami ñucapajmanca apamurcani.

ISAÍAS 40:31

Ashtahuanpish Mandaj Diospi shunguta churajcunaca mushuj fuerzatami charingacuna. Aguilacuna shinami jataringacuna. Callpashpapish mana shaicungacunachu. Purishpapish mana urmaringacunachu.

DANIEL 12:7

Shina nijpica lino churanata churashca jatun yacu jahuapi shayacujca alli maquitapish, lluqui maquitapish jahua pachaman chutashpami, huiñaita causaj Taita Diospaj shutipi cashna nirca: “Quimsa huata chaupitami chashna llaqui tiyanga. Diospajlla cajcunata urata janajta cachashcacuna tucui tigrajpimi, chaicunaca pajtanga” nijtami uyarcani.

DANIEL 7:25

Jahua pacha Taita Diostapish p'iñashpami millai shimicunata rimanga. Jahua pacha Taita Diospaj jucha illajcunatapish llaquichingami. Huatacunatapish, mandashcacunatapish shujtajyachinatami yuyanga. Diospajlla cajcunaca quimsa huata chaupicamami paipaj maquipi churashca canga.

DANIEL 8:14

Shina nijpica: “2.300 chishicunacama, tutamantacunacamami chashna canga. Chai q'uipaca Diospajlla huasica mapa illajllata rurashcami canga” nircami.

Apocalipsis 12:6

Chai huarmica, shitashca pambapi Dios allichishcapi miticugrijpimi chaipica 1.260 punllacunacama Dios cuidashca carca.

Apocalipsis 17:3

Chai q'uipaca ñucaca tucuipimi Diospaj Espiritulla pushashca carcani. Paimi shitashca pambaman pusharca. Chaipica canchis umayuj, chunga gachuyuj, pucanicuj jatun animalpi tiyarishca shuj huarmitami ricurcani. Chai animalca Diosta c'amishpa rimashca shuticunahuan jundami carca.