Apocalipsis 12:12 - Dios Rimashca Shimicunami

¹² Chaimanta cielopish, chaipi causajcunapish cushicuichij. Ashtahuanpish allpapi causajcuna, mama cuchapi causajcunaca ¡aij imachari tucunguichij! Diabloca pai munashcata rurana punllacuna ashalla cashcata yachashpami, jatunta p'iñarishpa cancunapajman uriyashca nijtami uyarcani” nircami.

Mushuj Testamento Diospaj Shimi

¹² Chaimanta jahua pachacunapish, chaicunapi causajcunapish cushicuichigari. Ashtahuanpish allpapi, mama cuchapi causacujcunaca, ¡imachari tucunguichij! Diabloca, ña ashalla punllacunata charishcata yachashpami, jatunta pʼiñarishpa, cancunapajman uriyamushca» nijtami uyarcani.

Apocalipsis 12:12 Iomraidhean Croise

ISAÍAS 44:23

Jahua pacha cushicushpa cantayari. Mandaj Diosmari cantaca rurarca. Cai pacha allpa ucujman cajcunapish cushicushpa caparichigari. Urcucunapish, sachacunapish tucui chaipi tiyaj imalla yuracunandij sinchita caparishpa alabaichigari. Mandaj Dios Jacobpaj huahuacunata quishpichishcamantaca, Mandaj Diosca Israelpimi jatunyachishca canga.

ISAÍAS 49:13

Mandaj Dios pai agllashcacunata cushichishcamanta, Diospaj huajchacunaca llaquishca cana cashcamanta jahua pacha alabashpa cantanacunata cantaichij. Cai pacha cushicui. Urcucuna caparirishpa alabaichigari.

Lucas 15:10

Cancunaman huillanimi: Chashnallatajmi shuj juchayuj runa Taita Diosman cutirijpica, Taita Diospaj angelcunapish cushicun” nircami.

Lucas 2:14

“¡Jahua pachapi caj Diostaca tucuicuna alli nishca cachun! ¡Cai pachapipish pai c'uyashpalla cushcata chasquijcunaca sumaj causaita charichun!” nircacunami.

Hebreos 10:37

“Chai shamuna cajca ñallami shamunga, mana uniyangachu.

2 Pedro 3:8

Shina cajpipish c'uyashcacuna, Jatun Diospajca shuj punllallami huaranga huatacuna shina. Huaranga huataca shuj punlla shinalla cashcataca ama mana yachajcuna shina caichijchu.

Apocalipsis 10:6

Chaipica jahua pachata, chaipi ima tiyajcunatapish, allpa pachata, chaipi ima tiyajcunatapish, mama cuchata, chaipi ima tiyajcunatapish ruraj, huiñai huiñaita causacuj Diospaj shutipimi cashna nirca. Cunantajca ña mana ashtahuan shuyagrinichu.

Apocalipsis 11:10

Paicunata huañuchishcata cai pachapi causajcuna ricushpaca achcatami cushicungacuna. Chai ishqui profetacunaca, cai pachapi causajcunapajca jatunta llaquichijcunami carca. Chaimanta cushicushpami caishuj chaishujman convidanacunata cachanacungacuna.

Apocalipsis 11:14

Puntapaj q'uipa aij nicushca llaquica ñami tucurin. Chashna cajpipish, ishquipaj q'uipa aij nina llaquica ñami shamugrin.

Apocalipsis 12:9

Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo, Satanás shutipishmi. Paica, allpa pachapi causajcunata umajmi. Paitami tucui paipaj millai angelcunandij allpa pachaman shitarca.

Apocalipsis 13:6

Chaimantami Diostapish, paipaj shutitapish, paipaj carpa huasitapish, cielopi causajcunatapish p'iñashpa c'amirca.

Apocalipsis 18:20

Chai pueblo chashna tucushcamantaca cielopi tucui tiyajcunapish, Diospajlla cajcunapish, apostolcunapish, profetacunapish cushicuichij. Cancunata llaquichishcamantaca Diosca paicuna ima shina rurashca shinallatajmi paicunatapish llaquichishca”.

Apocalipsis 8:13

Chai q'uipaca, chaupi cielota shuj ángel volacujtami ricurcani. Paica: “¡Trompetapi tocanalla caj quimsa angelcuna tocajpicarin aij, aij, aij allpa pachapi causacujcunalla!” nishpa, sinchita caparijtami uyarcani.

Apocalipsis 9:12

Punta aij nicushca llaquica ñami tucurin. Chashna cajpipish, chaipaj q'uipa ishqui aij nina llaquica shamungarajmi.