Apocalipsis 11:7 - Dios Rimashca Shimicunami

⁷ Paicuna huillanata tucuchijpica, manchanana jatun animalmi ucujta jutcumanta llujshishpa paicunahuan jatunta macanacushpa, mishashpa huañuchinga.

Mushuj Testamento Diospaj Shimi

⁷ Huillanata paicuna ña tucuchijpica, manchanana jatun animalmi jatun jutcumanta llujshimushpa, paicunahuan macanacunga. Pai mishashpami, chai ishqui huillajcunataca huañuchinga.

Apocalipsis 11:7 Iomraidhean Croise

DANIEL 7:25

Jahua pacha Taita Diostapish p'iñashpami millai shimicunata rimanga. Jahua pacha Taita Diospaj jucha illajcunatapish llaquichingami. Huatacunatapish, mandashcacunatapish shujtajyachinatami yuyanga. Diospajlla cajcunaca quimsa huata chaupicamami paipaj maquipi churashca canga.

Lucas 13:32

Jesusca: –Richij, chai zorramanca cashna nigrichij: “Cunanhuan, cayahuan supaicunata llujshichishpa, ungushcacunata alliyachishpaca, quimsa punlla q'uipaca ñuca rurana cashcataca tucuchishallami”.

Lucas 8:31

Chai supaicunaca ucujta jutcumanca ama cachahuaichu nishpami rogarircacuna.

Juan 17:4

Ñucaca cai pachapica tucui quiquin ima nishcata rurashpami quiquintaca jatunyachini.

Juan 19:30

Jesusca vinagreta ubyashpaca: –¡Ña tucuchishcami!– nishpaca, umata huarcushpa paipaj espirituta Taita Diosman mingashpa huañurcallami.

Hechos 20:24

Ashtahuanpish chaicunataca mana manchanichu. Ñuca causaitapish mana c'uyanichu. Chaipaj randica Taita Diosca mana c'uyaipajta c'uyaj cashca alli huillaita huillashpa, Mandaj Jesuspajta rurangapaj chasquishcata cushicushpa pajtachina yuyaillami cani.

2 Timoteo 4:7

Macanacuipica allimi mishashcani, callpashpa mishanacuitapish tucuchishcanimi, crishcatapish allimi cuidashcani.

Apocalipsis 11:3

Chaipimi ñucamanta imallata ricushcata huillachun ishqui huillajcunata cachasha. Paicunaca llaquilla cashcata ricuchingapajmi, cañamazuta churarishca 1.260 punllacunacama ñucamanta huillangacuna.

Apocalipsis 12:17

Chashna rurajpimi, dragonca chai huarmihuan ashtahuan p'iñarishpa chai huarmipaj saquirishca huahua huahuacunahuan jatunta macanacugrirca. Paicunaca, Dios mandashcata alli cazujcunami. Jesucristomanta huillashcatapish alli catijcunami.

Apocalipsis 13:11

Chai q'uipaca, shujtaj animal allpamanta llujshicujtami ricurcani. Chaica, ovejapaj gachucunaman rijchaj ishqui gachutami charirca. Shina cashpapish dragón shinami rimarca.

Apocalipsis 13:7

Paitaca Diospajlla cajcunahuan jatun macanacuita rurashpa, pai mishachunpishmi saquirca. Shinallataj ch'ican ch'ican aillucunata, tucui pueblocunata, tucui laya rimajcunata, tucui llajtacunatapish tucuita mandanatami curca.