Apocalipsis 11:5 - Dios Rimashca Shimicunami

⁵ Paicunata maijan llaquichisha nijpica, paicunapaj shimimanta nina llujshishpami, paicunata p'iñajcunataca rupachishpa chingachinga. Maijanpish llaquichisha nijca, chai shinallatajmi huañunga.

Mushuj Testamento Diospaj Shimi

⁵ Paicunata maijan imata rurasha nijpica, shimimanta ninata llujshichishpami, paicunata pʼiñajcunataca rupachishpa tucuchinga. Maijanpish paicunata imata rurasha nijca, chashnallatajmi huañuna can.

Apocalipsis 11:5 Iomraidhean Croise

SALMOS 18:8

Paipaj singamantaca cushnimi llujshirca. Paipaj shimimantaca tucuchij ninami llujshirca. Paica lunyacuj nina brazustami shitarca.

ISAÍAS 11:4

Ashtahuanpish paica piman mana tucushpami, huajchacunataca cashcata rurashpa allichinga. Llajtapi causaj mana mitsari tucucujcunataca piman mana tucushpami allichinga. Cai pachapi causajcunataca paipaj shimimanta llujshij caspihuanmi llaquichinga. Mandaj Diosta mana rijsijcunataca paipaj shimimanta llujshij espirituhuanmi huañuchinga.

JEREMÍAS 1:10

Riqui, cunantajmi cantaca llajtacunata jatun mandajcunatapish, llajtacunapi causajcunatapish sapimanta llujshichichun, urmachishpa chingachichun, cutin shayachichunpish, llajtacunata cutin tigrachichunpish cantaca churani” nircami.

JEREMÍAS 5:14

Chaimantami tucuita Mandaj Diosca cashna nin: “Paicuna chashna nishcamantaca, cunanca ñuca nishcata can huillashca shimicunataca ninatami rurani. Paicunataca yantatami rurani. Cai shimicunaca paicunataca, yantata shinatajmi tucuchinga” ninmi.

EZEQUIEL 43:3

Jerusalenta chingachinaman shamunata muscuipi ricushca shinallatatajmi, chaipipish ricurcani. Quebar jatun yacu c'uchupi cashpa muscuipi ricushcacunata shinallatajmi, chaipipish ricurirca. Chaita ricushpaca, pambaman tupajtami cumurircani.

OSEAS 6:5

Chaimantami ñuca cancunata tucuchinataca profetacunata huillachircani. Ñuca shimimanta llujshishca shimicunapi nishca shinallatajmi huañuchichircani. Ñuca cachashca llaquicunaca rayo shinami canga.

ZACARÍAS 1:6

Ashtahuanpish cancunapaj yayacunamanca ñuca shimicunatapish, ñuca mandashcacunatapish ñuca ima nishcata huillaj runacunatami huillachun mandarcani. Ñuca mandashcacunaca, paicunapajmanmi chayarca. Chaimantami ñucapajman cutirircacuna. Paicunaca cashnapishmi nircacuna: Mandaj Diosca, ñucanchijtaca mana alli ñancunapi puricushcamantapish, millaita rurashcamantapishmi, chashna llaquichinataca yuyarirca. Pai rurasha nishca shinallatajmari ñucanchijtaca llaquichin nircacunami nishpa huillai” nircami.

ZACARÍAS 2:8

Tucuita Mandaj Diosca cashnami nin: “Ñucataca jatunyachishca q'uipami, cancuna imalla charishcacunata quichujcunapaj llajtacunamanca cachanga. Maijanpish cancunata llaquichishpaca, paipaj ñahuita ricucujta tujsicuj shinami llaquichicun.

Apocalipsis 13:13

Jatun mancharinacunata rurashpami, cielomantaca allpa pachaman gentecuna ricucunpi ninata tamyachirca.

Apocalipsis 9:17

Ñucaca muscuipi shina ricushpaca, caballocunatapish chaipi tiyarishcacunatapishmi ricurcani. Caballocunapi tiyarishcacunaca pechota taparina fierro churanataca nina shina pucajlla, zafiro shina azul-lla, azufre shina quillujllata churarishcatami ricurcani. Caballocunapaj umacunaca leoncunapaj uma shinami carca. Paicunapaj shimimantaca ninapish, cushnipish, azufrepishmi llujshicurca.