Apocalipsis 11:3 - Dios Rimashca Shimicunami

³ Chaipimi ñucamanta imallata ricushcata huillachun ishqui huillajcunata cachasha. Paicunaca llaquilla cashcata ricuchingapajmi, cañamazuta churarishca 1.260 punllacunacama ñucamanta huillangacuna.

Mushuj Testamento Diospaj Shimi

³ Cutin ñucaca, ñucamanta huillaj ishqui runacunatami, chaipi huillachun cachasha. Paicunami, llaqui churanacunata churarishca, 1.260 punllacunacama ñucamanta huillangacuna.»

Apocalipsis 11:3 Iomraidhean Croise

GÉNESIS 37:34

Jacobca paipaj churanacunata lliquirishpa, cañamazuta churarishpami paipaj churimantaca achca punllacunata llaquilla carca.

2 SAMUEL 3:31

Davidca Joabtapish, tucui paihuan cajcunatapish: “Cancunapaj churanacunata lliquirichij, cañamazuta chumbillirishpa Abnerpaj ñaupajpi llaquilla cashcata ricuchichij” nircami. Chashna nishpaca, jatun mandajca Abnerta huandushcata catishpa rircallami.

1 REYES 21:27

Chashna nishcacunata Acab uyashpaca, pai churarishca churanataca lliquishpa cañamazuta churarishpa, ayunashpami, cañamazullapitaj dormishpa llaquilla purirca.

2 REYES 19:1

Chaita uyashpaca jatun mandaj Ezequiasca paipaj churanata lliquirishpa, cañamazuta churarishpami, Mandaj Diospaj huasiman yaicurca.

1 CRÓNICAS 21:16

David huichilla ricushpaca, huaquichinamanta espadata llujshichishpa Jerusalén puebloman espadata chutashpa, jahua pachahuan cai pachahuan chaupipi Mandaj Diospaj ángel shayacujtami ricurca. Chaimi Davidpish, cunaj yuyajcunapish cañamazuta churarishcacuna pambaman tupajta cumurishpa,

NEHEMÍAS 9:1

Chai quillapajllataj ishqui chunga chuscu punllapimi israelcunaca cañamazuta churarishca, umapipish ñutu allpahuan shitarishca ayunangapaj tandanacurcacuna.

JOB 16:15

Cañamazuta sirashpami, ñuca cara jahuata churarcani. Ñuca umatapish allpapimi pambarcani.

SALMOS 69:11

Cañamazu churanacunatapish churarircanimi. Chaimi ñucaca ch'imbapurashpa parlacunalla tucurcani.

ISAÍAS 22:12

Chaimi tucuita Mandaj Jatun Diosca cancunataca umata lluchuta ruturishpa, cañamazuta churarishpa chai punllapi jatunta llaquirishpa caparishpa huacachun cayarca.

JEREMÍAS 1:10

Riqui, cunantajmi cantaca llajtacunata jatun mandajcunatapish, llajtacunapi causajcunatapish sapimanta llujshichichun, urmachishpa chingachichun, cutin shayachichunpish, llajtacunata cutin tigrachichunpish cantaca churani” nircami.

LAMENTACIONES 2:10

Siónpi causajcunata cunaj yuyajcunapish pambapimi upajlla tiyarircacuna. Umacunapipish ushpatami tallircacuna, cañamazu churanatapishmi churarircacuna. Jerusalén pueblo solteracunapish umata pambapi churarcacunami.

EZEQUIEL 4:6

Ña chai punllacunata pajtachishca q'uipaca, alli ladomanmi siririna cangui. Chuscu chunga punllacunatami Judá runacunapaj juchataca apana cangui. Shuj huatamantaca, shuj punllata sirichunmi canmanca curcani.

DANIEL 12:7

Shina nijpica lino churanata churashca jatun yacu jahuapi shayacujca alli maquitapish, lluqui maquitapish jahua pachaman chutashpami, huiñaita causaj Taita Diospaj shutipi cashna nirca: “Quimsa huata chaupitami chashna llaqui tiyanga. Diospajlla cajcunata urata janajta cachashcacuna tucui tigrajpimi, chaicunaca pajtanga” nijtami uyarcani.

DANIEL 7:25

Jahua pacha Taita Diostapish p'iñashpami millai shimicunata rimanga. Jahua pacha Taita Diospaj jucha illajcunatapish llaquichingami. Huatacunatapish, mandashcacunatapish shujtajyachinatami yuyanga. Diospajlla cajcunaca quimsa huata chaupicamami paipaj maquipi churashca canga.

DANIEL 8:14

Shina nijpica: “2.300 chishicunacama, tutamantacunacamami chashna canga. Chai q'uipaca Diospajlla huasica mapa illajllata rurashcami canga” nircami.

JOEL 1:13

Curacuna, chumbillirishpa caparishpa huacaichigari. Mandaj Diosman altarpi cushpa rupachijcuna, huacaichigari. Ñuca Diospajta rurajcuna, cañamazuta churarishpa dormichigari. Cancunapaj Diospaj huasimantaca imalla cuna cashcatapish, tallina vinotapishmi anchuchishca.

JONÁS 3:5

Jonás chashna huillajpica, Nínive pueblopi causajcunaca tucuicunami Taita Diosta crircacuna. Chaimantaca yuyajcunamanta callarishpa, uchilla huahuacunacamami cañamazuta churarishpa mana micurcacuna.

JONÁS 3:8

Ashtahuanpish gentecunapish, animalcunapish cañamazuta churarishpa, sinchita Taita Diosta caparishpa mañanguichij. Tucuicunallataj ima laya millaita ruraj cashca cashpapish, chaita saquishpa cutirichij. Huañuchijcuna cashpapish, chaita saquinguichij.

NÚMEROS 11:26

Eldad shuti, Medad shuti ishqui runacunaca paicunapaj carpa huasicunallapitajmi saquirishca carca. Paicunapaj jahuapipish Diospaj Espirituca tiyarircami. Paicunapish canchis chungacunata agllashcapurami carca. Paicunaca Diospaj carpa huasiman mana shamushca cashpapish, carpa huasicunapimi Dios huillachishcata huillacurcacuna.

Mateo 11:21

“Aij Corazinpi causajcunalla, aij Betsaidapi causajcunalla. ¡Imachari tucunguichij! Cancunapajpi rurashca shina milagrocunata Tiropi, Sidonpi rurashca cajpica, paicunarajchari mana allita ruracushcata saquishcata ricuchingapaj cañamazuta churarishpa, ushpata shitarinman carcacuna.

Mateo 18:16

Ashtahuanpish can rimashcata mana uyajpica, shujta cashpa, ishquita cashpa pushashpa cutin paipajman ringui. Paicunami imallata uyashcata alli huillajcuna canga.

Lucas 10:13

Aij Corazinpi causajcunalla, aij Betsaidapi causajcunalla. ¡Imachari tucunguichij! Cancunapajpi rurashca shina milagrocunata Tiropi, Sidonpi rurashca cajpica, paicunarajchari Taita Diosman cutirishcata ricuchingapaj cañamazuta churarishpa, ushpapi tiyarinman carca.

Lucas 24:48

Chashna nishca shinallataj tucui imalla tucushcata ricushcataca cancunami huillana canguichij.

Juan 15:27

Ñuca rurana cashcata callari pachamantami ñucahuan carcanguichij. Chaimantami cancunapish ñucamantaca huillanataj canguichij.

Juan 3:27

Chaimi Juanca cashna nirca: –Jahua pachamanta mana cushca cajpica, runaca imata mana chasqui tucunchu.

Hechos 1:8

Shina cajpipish jucha illaj Espíritu cancunapaj jahuaman shamujpimi, imatapish rurai tucuj canguichij. Chashna cashpami ñucamantaca Jerusalenpi, tucui Judeapi, Samariapi, cai pachapi tiyaj tucui llajtacunapi huillanguichij– nircami.

Hechos 13:31

Paita causachijpica, paica Galileamanta Jerusalenman paihuan rijcunamanmi, tauca punllacunata ricurirca. Cunanca, paicunami tucuicunaman paita ricushcata huillacuncuna.

Hechos 2:32

Chai Jesustami Taita Diosca causachirca. Chaitami ñucanchijca tucui ricushcata huillajcuna canchij.

Hechos 3:15

Ashtahuanpish cancunaca Causaita Cujtarajmi huañuchircanguichij. Paitami Taita Diosca, huañushcacunapaj chaupimanta causachirca. Ñucanchijca chaita ricushcata huillajcunami canchij.

1 Corintios 12:28

Diosca, tandanacushca crijcunapica puntaca apostolcunata, chai q'uipaca profetacunata, ishquipaj q'uipaca yachachijcunata, chaipaj q'uipaca milagrocunata rurajcunata, chaipaj q'uipaca alliyachijcunata, ayudajcunata, mingashcata alli apajcunata, shujtaj rimaita rimai tucujcunatapishmi churarca.

2 Corintios 13:1

Cunan cai cutinhuanca, ña quimsa cutinmi cancunataca ricuj shamugrini. Ishqui cashpa, quimsa cashpa ricujcunahuanmi imatapish allichina canga.

Efesios 4:11

Paillatajmi shujcunataca apostolcuna, caishujcunataca profetacuna, chaishujcunataca alli huillaita huillajcuna, maijancunataca michijcuna yachachijcunapish cachun churarca.

DEUTERONOMIO 17:6

Chaicunataca ishqui cashpa, mana cashpa quimsa cashpa huillajcuna tiyajllapi huañuchinguichij. Shuj huillajlla tiyajpica ama huañuchinguichijchu.

DEUTERONOMIO 19:15

Yallitaj ima jatun llaquita, ima juchata rurajta ricushpa chaita huillajca shujlla tiyajpica ama imata ruranguichijchu. Ishqui cashpa, mana cashpaca quimsa cashpa ricushcata huillajcuna tiyajllapi imatapish ruranguichij.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.

Apocalipsis 11:2

Diospaj huasi canllataca saquilla, ama midingui. Chaitaca, mana judiocunaman cushcami. Paicunami jucha illaj pueblotaca, chuscu chunga ishqui quillacunata llaquichishpa sarungacuna.

Apocalipsis 11:6

Dios huillachishcata paicuna huillacui punllacunapi ama tamyachun, jahua pachata huichcai tucujcunami. Yacutapish yahuarta rurai tucujcunami. Cai pachatapish paicuna mashna cutin munashcata shujtaj shujtaj llaquicunahuan llaquichi tucujcunami.

Apocalipsis 12:6

Chai huarmica, shitashca pambapi Dios allichishcapi miticugrijpimi chaipica 1.260 punllacunacama Dios cuidashca carca.

Apocalipsis 13:5

Paimanca, jatun tucushpa c'amishpa rimanata, chuscu chunga ishqui quillacunata mandai tucunatapishmi curca.

Apocalipsis 19:10

Chaimi ñucaca chai angelta adorangapaj cumurircani. Ashtahuanpish paica ñucataca: “¡Riqui, ama chashna ruraichu! Ñucapish can shinallataj, cambaj huauquicuna shinallataj Diospajta rurajllami cani. ¡Diosta adorai!” nircami. (Jesús ima shina cashcata huillanaca profetacunaman espíritu huillachishca pajtashcami).

Apocalipsis 20:4

Chaipica jatun tiyarinacunatami ricurcani. Chaicunapica, imalla rurashcacunata ricuchichun Dios churashcacunami tiyacurcacuna. Shinallataj ima shina cashcatataj Jesusmanta huillashcamanta, Diospaj shimita huillashcamanta, jatun animaltapish, chai animalman rijchajta rurashcatapish mana adorashcamanta, shinallataj jatun animalpaj sellota maquipi cashpa frentepi cashpa, mana churachishcamantapish cungata p'itishpa huañuchishcacunapaj almacunatapishmi ricurcani. Paicunaca causarishpami, huaranga huatacunata Cristohuan mandarcacuna.