Apocalipsis 11:19 - Dios Rimashca Shimicunami

¹⁹ Chai q'uipaca, cielopica Diospaj huasimi pascarirca. Diospaj huasipica, ari ninacushca quillcata huaquichina cajonmi ricurirca. Shinallataj relampacuna, rimashcacuna, c'ulun nichijcuna, allpata chujchuchijcuna, jatun rundupishmi ricurirca.

Mushuj Testamento Diospaj Shimi

¹⁹ Chai qʼuipami, jahua pachapica Diospaj huasi pascarirca. Chai ucupica, Dios-huan ari ninacushca quillcata huaquichishca Cajonmi ricurirca. Chai ricuricujpica, manchanayajtami relamparca, huajyarca, cʼulun nirca, allpapish chujchurca, jatun rundupishmi urmarca.

Apocalipsis 11:19 Iomraidhean Croise

SALMOS 105:32

Tamyapaj randica, rundutami cacharca. Tucui chai llajtamanca lunyacuj ninatami cacharca.

SALMOS 18:12

Paica achij nicujmi ricurirca. Paipaj ñaupajpi caj p'uyumantaca rundu, lunyacuj nina brazusmi llujshirca.

ISAÍAS 28:2

Riquichij, Mandaj Diosca imatapish rurai tucuj c'ari c'aritami ña charicun. Paica: Yallitaj llaquichij rundu shinami, ñutuchij jatun acapana shinami, yallitaj yacu jundashpa tapaj shinami. Paimi chai pueblotaca c'ari c'ari canahuan pambaman shitanga.

ISAÍAS 29:6

C'ulun nishcacunahuan, allpa chujchushpa t'imburishcacunahuan, jatunta c'ulun nishcacunahuan, jatun acapanahuan, huairandij tamyahuan, tucuchij nina lunyacujhuan tucuita Mandaj Dios ricuj shamujpimi chashna canga.

ISAÍAS 30:30

Mandaj Diosca tucuita rurai tucuj caparishcahuanmi uyaringa. Paipaj maquita uri chutashcatapishmi ricuchinga. Yallitaj p'iñarishca ñahuihuan tucuchij lunyacuj nina shinami ricuringa. Jatun acapana, huairandij tamya, rumi vali runduhuanmi ricuringa.

ISAÍAS 32:19

Urcucunata rundujpica, pueblopi causajcunaca tucuimi cumuringa.

EZEQUIEL 13:11

Chai patata lodohuan tapachijcunamanca: Chai pataca urmangami nishpa huillangui. Shinallataj manchanayaj tamyami shamunga. Chai patata urmachichunca, rumitajlla runducunatami cachasha. Jatun acapanapishmi chai patataca urmachinga.

EZEQUIEL 13:13

Chaimantami Mandaj Diosca cashna nini: Ñuca p'iñarishpami chai patata urmachichunca, jatun acapanata cachasha. Jatunta p'iñarishpami, manchanayaj tamyatapish cachasha. Shinallataj p'iñarishpa tucuchingapajmi, rumitajlla rundutapish cachasha.

EZEQUIEL 38:22

Paitaca jatun ungüihuan, yahuarhuanmi jatunta llaquichisha. Shinallataj paitapish, paipaj soldadocunatapish, paihuan caj achca runacunatapish manchanayaj tamyahuan, rumi vali runduhuan, nina rupacuj azufrehuanmi jatunta llaquichisha.

NÚMEROS 10:33

Israelcunaca Mandaj Diospaj urcumanta rishpaca, quimsa punllacunatami purircacuna. Maipi carpa huasicunata shayachinata mashcashpami, quimsa punllata purishpa Mandaj Dioshuan ari ninacushca quillcata huaquichina arcata israelcunapaj puntapi apashpa ñaupashpa purircacuna.

NÚMEROS 4:15

Israelcuna shujtajman rina tucujpica Diospajlla ch'icanchishca huasita, chai ucupi tucui imalla charinacunata Aarón, paipaj churicunandij ña tucui pilluchijpica, Coatpaj huahua huahuacuna chaicunata apanaman c'uchuyachun. Ashtahuanpish Diospajlla cajtaca imata ama tuparichun. Diospajlla cajta tuparishpaca huañungami. Dioshuan tupanacuna carpa huasipi imalla cajcunata Coatpaj huahua huahuacuna apanaca chaicunami.

NÚMEROS 4:5

Israelcuna causacushcamanta shujtaj ladoman rina tucujpica, Aaronhuan, paipaj churicunahuan shamushpa, Diospaj carpa huasita jarcachishca linsota pascashpa, chaihuanca Dioshuan ari ninacushca quillcata huaquichina arcata pilluchichun.

JOSUÉ 10:11

Israelcuna ama japichun miticushpa callpacuj amorreocunaca, Bet-horón pueblo ñan urita ricujpimi, Mandaj Diosca jahua pachamanta jatun runducunata paicunapaj jahuapi shitarca. Azeca pueblocamami shitarca. Chai runducunaca israelcuna espadahuan huañuchishcatapish yallitami huañuchirca.

Apocalipsis 11:13

Chai horasllatajmi allpa chujchushpa, pamba t'imburijpi chungapi chaupishca shuj parte puebloca tucui taparirca. Chaipica 7.000 gentecunami huañurcacuna. Chaipi mana huañujcunaca, jatunta mancharishpami jahua pacha Diostaca jatunyachircacuna.

Apocalipsis 11:15

Sujtapaj q'uipa ángel trompetapi tocajpica, cielopica sinchita cashna caparishcami uyarirca: “Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga” nircami.

Apocalipsis 12:1

Cielopica, mana ricushca shuj jatun mancharinami ricurirca: Intita churarishca shuj huarmimi, luna jahuapi shayacurca. Umapica chunga ishqui luzerocunamanta rurashca coronata churarishcami carca.

Apocalipsis 16:1

Chaipica, Diospaj huasimanta chai canchis angelcunataca: “Richij, Dios p'iñarishpa llaquichinahuan junda caj canchij copacunamanta llaquicunata allpa pachapi talligrichij” nishpa, sinchita caparijtami uyarcani.

Apocalipsis 16:18

Chai q'uipaca, relampacunapish, huajiashcacunapish, c'ulun nishcacunapish, yallitaj allpa chujchushpa t'imburipishmi tiyarca. Chashna yallitaj allpa t'imburica gentecuna allpa pachapi causai callarimantapacha manataj tiyarcachu.

Apocalipsis 16:21

Chashnallatajmi cielomantaca jatun rundupish, gentecunapaj jahuapi urmarca. Chai runduca, quimsa arroba shina llashajmi carca. Runduhuan achcata llaquichijpica, gentecunaca Diosta p'iñashpami c'amircacuna. Chaipica yallitaj jatun llaquimi carca.

Apocalipsis 19:11

Chai q'uipaca cielo pascashcatami ricurcani. Chaipica shuj yurajlla caballotami ricurcani. Chai caballopi tiyarishcaca imatapish cashcata ruraj, chaitataj pajtachij shutimi carca. Paica imatapish cashcatataj ricuchishpa macanacujmi.

Apocalipsis 4:1

Chai q'uipaca jahua pachapica shuj pungu pascashcatami ricurcani. Trompetapi tocashca shina uyarij rimaihuan ñaupaman rimajllatajmi ñucataca: “¡Caiman huichiyamui, cunan can ricushcacuna ña pajtashca q'uipaca, imalla tucuna cashcata canman ricuchisha!” nirca.

Apocalipsis 4:5

Chai Jatun tiyarinamantaca, relampa achij nishcami llujshirca. Shinallataj c'ulun nishcacuna, huajiashcacunapishmi uyarirca. Jatun tiyarina ñaupajpica, canchis lamparacunami japichishca carca. Chaicunaca, Diospaj canchis espiritucunami.

Apocalipsis 7:15

Chaimantami paicunaca jatun tiyarinapi tiyacuj Diospaj ñaupajpi punllapish, tutapish Diospaj huasipi paipajta ruran. Chai jatun tiyarinapi tiyacujmi, paicunata huaquichingapajca paipaj carpa huasita ashtahuan cacharinga.

Apocalipsis 8:5

Chai angelca, incienso churanata japishpami altarpi rupacuj ninata jundachishpa, allpa pachaman shitarca. Chaimi c'ulun nishcacuna, huajiashcacuna, relámpa achij nishcacuna, allpa chujchushpa t'imburipish tiyarca.

Apocalipsis 8:7

Punta ángel trompetapi tocajpica, rundupish, ninapish yahuarhuan chagrushcami carca. Chaita allpa pachaman shitajpica, quimsapi chaupishca shuj parte allpatami yuracunandij, tucui q'uihuacunandij rupachirca.