Apocalipsis 11:15 - Dios Rimashca Shimicunami

¹⁵ Sujtapaj q'uipa ángel trompetapi tocajpica, cielopica sinchita cashna caparishcami uyarirca: “Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga” nircami.

Mushuj Testamento Diospaj Shimi

¹⁵ Sujtapaj cati angelpish trompetapi tocajpica, jahua pachapimi cashna nishpa sinchita caparishca uyarirca: «Cunantajca, tucui allpa pacha llajtacunaca, ñami ñucanchijta Mandaj Diospajpish, Paipaj Cristopajpish tucushca. Cunanmantaca, Paimari huiñai huiñaita mandanga» nircacunami.

Apocalipsis 11:15 Iomraidhean Croise

SALMOS 110:4

Mandaj Diosca paipaj shimihuantajmi: “Melquisedec cura cashca shinallataj, quiquinca huiñaipaj curami cangui” nirca. Chaitaca mana p'aquingachu.

SALMOS 146:10

Mandaj Diosca huiñai huiñaitami mandanga. Sionlla, cambaj Diosca huahua huahuacunata mandangacungallami. ¡Mandaj Diosta alabaichigari!

SALMOS 2:2

Cai allpapi caj jatun mandajcunapish jataringami. Mandajcunapish tandanacushpa jatarishpami, Mandaj Diostapish, pai churashca mandajtapish:

SALMOS 72:11

Tucui jatun mandajcunami paipaj ñaupajpi cumuringacuna. Tucui llajtacunami paipajta rurangacuna.

SALMOS 82:8

Jatariyari, Taita Dioslla. Cai pachapi cajcuna paicuna ima shinalla rurashcata ricuchiyari. Tucui llajtacunallatajmari quiquinpaj.

SALMOS 86:9

Jatun Dios, quiquin rurashca tucui llajtacunami quiquinpaj ñaupajman shamushpa adorangacuna. Quiquinpaj shutitami sumajyachingacuna.

ÉXODO 15:18

Mandaj Diosca huiñai huiñaitami mandanga. Paica mandacungallami” nishpami cantarcacuna.

ISAÍAS 27:13

Chai punllapica cashnapishmi canga. Jatun trompetapi tocajpica Asiria llajtata urata janajta cachashcacunami shamungacuna. Llajtamanta Egiptoman llujshichishpa cachashcacunapish tandanacumungacunami. Paicunaca Diospajlla urcu Jerusalenpimi Mandaj Diosta adorangacuna.

ISAÍAS 44:23

Jahua pacha cushicushpa cantayari. Mandaj Diosmari cantaca rurarca. Cai pacha allpa ucujman cajcunapish cushicushpa caparichigari. Urcucunapish, sachacunapish tucui chaipi tiyaj imalla yuracunandij sinchita caparishpa alabaichigari. Mandaj Dios Jacobpaj huahuacunata quishpichishcamantaca, Mandaj Diosca Israelpimi jatunyachishca canga.

ISAÍAS 55:5

Riqui, can mana rijsishca gentecunatami cayangui. Canta mana rijsijcunami cambajman callpamungacuna. Mandaj cambaj Taita Diosmanta, israelcunapaj jucha illaj Diosmanta, canta alli nishcapi churaj Taita Diosmantami chashna shamungacuna.

ISAÍAS 9:7

Pai mandanaca ashtahuanmi mirashpa catinga. Pai mandacujpica sumaj causaimi tiyanga. Chai mandanaca mana tucuringachu. David mandashpa tiyanapimi tiyaringa. Pai mandanatami mandanga. Ima pandata mana rurashpa, cashcata rurashpami mandanga. Imatapish alli cachun churashpami mandanga. Pi mana cuyuchipajmi canga. Pai mandai callari punllamanta huiñaitami chashna canga. Tucuita Mandaj Diosca chaita rurana munailla cashcamanta pajtachingatajmi.

JEREMÍAS 16:19

Mandaj Dioslla, canmari ñucata pacajpish, ñucaman fuerzata cujpish cangui. Llaquihuan cajpipish, canmari huaquichihuangui. Tucui cai pacha llajtacunapi causajcuna cambajman shamushpamari, cashna ningacuna: “Ñucanchij yayacunaca imata mana rurai tucuj, yanga dioscunallatamari charishcacuna. Chaicunaca imata mana cui tucuncunachu.

EZEQUIEL 37:25

Ñucata servij Jacoboman cushca llajtapimi causangacuna. Chai llajtapimi cancunapaj ñaupa yayacunapish causarcacuna. Chai llajtallapitajmi paicunapish, paicunapaj huahuacunapaj huahuacunapish, chai huahuacunapaj huahua huahuacunapish huiñaita causangacuna. Ñucata servij Davidmi paicunapajca, huiñaita mandaj canga.

EZEQUIEL 47:5

Cutinllatajmi, 525 metro yacuta medirca. Jatun yacu cashcamantami, chai yacutaca ña mana pasai tucurcani. Yallitaj achca yacu cashcamantami, chaitaca ña mana chaquillahuan pasai tucurcani. Chaitaca huambushpallami, pasai tucuipaj carca.

DANIEL 7:14

Paimanca mandai tucunata, jatun nishca canata, mandanatami curca. Tucui gentecuna, llajtacuna, ch'ican ch'ican rimaita rimajcuna paipajta rurachunmi chashna rurarca. Pai mandaj canaca huiñaita mandaj canami. Manataj tucuringachu. Pai mandanallatami pi mana chingachishca canga.

DANIEL 7:18

Chaicunapaj q'uipaca, jahua pacha Taita Diospaj jucha illajcunami mandanata chasquingacuna. Mandanata paicuna japishpaca, huiñai huiñaitami mandangacuna nircami.

DANIEL 7:22

Shina cajpipish uni huatacunayuj Yuyaj shamushpami jahua pacha Diospaj jucha illajlla cajcunata mitsashpa paicunapaj allita rurarca. Jucha illajcunaca paicuna mandana punlla pajtajpimi, mandanata chasquirca.

DANIEL 7:27

Chashna rurashpaca mandanatapish, mandaj canatapish, achca llajtacuna tandanacushca mandanacunatapish, cai pachapi tucui cajcunataca jahua pacha Taita Diospaj jucha illajcunamanmi cunga. Chai mandanaca huiñaita mandanami canga. Chaipica tucui mandacujcunami pai mandashcallata ruracungacuna” nircami.

OSEAS 2:23

Israelcunataca ñucapaj cachunmi cai llajtapi tarpusha. Lo-ruhamataca llaquishami. Lo-ammitaca: Canca ñuca agllashcami cangui nishami. Paica: Ñuca Taita Diosmi cangui ningami” ninmi nircami.

ABDÍAS 1:21

Esaupaj urcupi causajcuna imalla rurashcata ricungapajmi, quishpichijcunaca Sión urcuman huichiyangacuna. Chai punlla mandanaca, Mandaj Diospajllami canga.

MIQUEAS 4:7

Chashnami patojoca, ñucapajlla saquiringa. Chingarishcacunata tandachishpami, jatun llajtata rurasha. Chai punllamantapacha Mandaj Diosmi paicunataca, Sión urcupi huiñaita mandacungalla.

ZACARÍAS 14:9

Mandaj Diosmi, tucui cai pachata jatun mandajca canga. Chai punllapica, shujlla Mandaj Diosmi tiyanga. Diospaj shutillami tiyanga.

ZACARÍAS 2:11

Chai punllapica, Mandaj Dios ñucapajmanca, achca llajtacunamantami tandanacumungacuna. Chaimantaca ñucapajllami tucungacuna, ñucapish paicunahuanmi causasha” ninmi. Chashna rurashcata ricushpami, tucuita Mandaj Diosllataj ñucata cancunapajman cachashcataca yachanguichij.

MALAQUÍAS 1:11

Ñucaca inti llujshinpi tiyaj llajtacunamantaca, inti huashicunpi tiyaj llajtacunapi causajcunacama rijsishcami cani. Chaimantami tucuipi ñucamanca inciensotapish, imalla cuna cashcatapish mapa illajllata cuncuna. Chaimanta ñucaca tucui llajtacunapi rijsishcami cani. Tucuita Mandaj Diostajmi chashna nini.

Mateo 24:31

Paipaj angelcunatami cachanga. Paicunami trompetapi sinchita tocashcahuan, cai pachapi tiyaj tucui llajtacunamantaca Runa Aichayujpaj agllashcacunataca uramanta janajmanta tucuicunata tandachingacuna.

Mateo 6:13

Ima mana allipi urmachun ama saquihuangui. Tucui millaimanta huaquichihuangui. Mandanapish, tucuita rurai tucuj canapish, jatun nishca canapish cambajmi. Chaica huiñai huiñaita chashna nishca cachun. Chashna cachun”.

Lucas 1:33

Paica Jacobpaj huahua huahuacunatami huiñaita mandanga. Paipaj mandanaca, manataj tucuringachu– nircami.

Lucas 15:10

Cancunaman huillanimi: Chashnallatajmi shuj juchayuj runa Taita Diosman cutirijpica, Taita Diospaj angelcunapish cushicun” nircami.

Lucas 15:6

Huasiman chayamushpaca paipaj alli rijsishcacunata, c'uchullapi causajcunatapish tandachishpami: “Ñamari chingarishca ovejataca japimuni, shamuichij ñucahuan cushicushunchij” ninmanmi.

Hechos 4:26

Cai pachata jatun mandajcunapish, llajtacunata mandajcunapish Jatun Diostapish, pai cachashca Cristotapish p'iñashpami shuj yuyailla tandanacun” nishcami.

Hebreos 1:8

Ashtahuanpish paipaj Churitaca, cashnami nirca: “Dioslla, can mandashpa tiyanaca, huiñai huiñaipajmi. Cambaj varaca cashcata rurashpa mandanami.

Apocalipsis 10:7

Sujtapaj q'uipa ángel trompetapi tocana punllacunapi tocai callarijpimi, Diosca pi mana entendi tucuipaj pai rurasha nishcataca pajtachinga. Chaitaca paipajta ruraj profetacunaman pai huillachishca shinallatajmi pajtanga nircami.

Apocalipsis 12:10

Chai q'uipaca cielopica, sinchita cashna caparijtami uyarcani: “Diospaj ñaupajpi ñucanchij huauquicunata punllapish tutapish juchachijtaca cielomanta ñami shitashca. Chaimanta cunanmari quishpirinapish ñucanchij Diospaj mandanapish, pailla tucuita rurai tucuj canapish, Cristo mandai tucunapish ña chayamushca.

Apocalipsis 15:4

Jatun Dioslla ¿pitaj cantaca mana manchangari? ¿Pitaj Cambaj shutitaca mana jatunyachingari? Canllamari jucha illaj cangui. Cantaca ima shina rurashca shinataj ricuchij cajtami ricushcacuna. Chaimantami tucui llajtacunamanta shamushpa adorangacuna” nircami.

Apocalipsis 16:17

Sujtapaj q'uipa ángel, copapi tiyacuj llaquita huairapimi tallijpica, cielopi caj Diospaj huasi ucupi tiyaj jatun tiyarinamantami: “¡Ñami tucuchishca!” nishpa, sinchita rimashca uyarirca.

Apocalipsis 17:14

Paicunaca Ovejahuanmi macanacunga. Ovejaca Mandajcunapajpish Mandaj, Jatun Mandajcunapajpish Jatun Mandaj cashcamantaca paimi mishanga. Paihuan cajcunapish Dios agllashpa cayashcacunami, paillapi shunguta churajcunami” nircami.

Apocalipsis 19:1

Chai q'uipaca cielopica achcacuna sinchita cashna nishpa rimanacucuj shinatami uyarcani: “Ñucanchijta Mandaj Taita Diosca Quishpichijmari, alli nishcamari, sumaj nishcamari, Tucuita Rurai Tucuj nishcamari. Chaimanta paitaca ¡Alabaichij!

Apocalipsis 19:6

Yallitaj achcacuna rimanacucuj shinaca, achca yacucuna huajiacuj shina, jatunta c'ulun nicuj shinapishmi sinchita cashna nicujta uyarcani: “Tucuita Rurai Tucuj ñucanchijta Mandaj Taita Diosmari mandacun. Chaimanta paitaca cushicushpa ¡Alabaichij!

Apocalipsis 20:4

Chaipica jatun tiyarinacunatami ricurcani. Chaicunapica, imalla rurashcacunata ricuchichun Dios churashcacunami tiyacurcacuna. Shinallataj ima shina cashcatataj Jesusmanta huillashcamanta, Diospaj shimita huillashcamanta, jatun animaltapish, chai animalman rijchajta rurashcatapish mana adorashcamanta, shinallataj jatun animalpaj sellota maquipi cashpa frentepi cashpa, mana churachishcamantapish cungata p'itishpa huañuchishcacunapaj almacunatapishmi ricurcani. Paicunaca causarishpami, huaranga huatacunata Cristohuan mandarcacuna.

Apocalipsis 8:12

Quimsapaj q'uipa ángel trompetapi tocajpica, quimsapi chaupishca shuj parte inti, quimsapi chaupishca shuj parte luna, quimsapi chaupishca shuj parte luzerocunatapishmi p'aquirca. Chaimantami tucui chaicunaca quimsapi chaupishca shuj parteca achijyachij illaj saquirirca. Chaimantami quimsapi chaupishca shuj parte punllapish, tutapish achijyachij illaj carca.

Apocalipsis 9:1

Chuscupaj q'uipa ángel trompetapi tocajpica, cielomanta shuj luzero allpa pachaman urmajtami ricurcani. Paimanca ucujta jutcupaj pungu llavetami curca.

Apocalipsis 9:13

Pichcapaj q'uipa ángel trompetapi tocajpica, Diospaj ñaupajpi tiyacuj curi altarpaj chuscu gachucuna chaupimantaca sinchita caparishpami,