Apocalipsis 11:13 - Dios Rimashca Shimicunami

¹³ Chai horasllatajmi allpa chujchushpa, pamba t'imburijpi chungapi chaupishca shuj parte puebloca tucui taparirca. Chaipica 7.000 gentecunami huañurcacuna. Chaipi mana huañujcunaca, jatunta mancharishpami jahua pacha Diostaca jatunyachircacuna.

Mushuj Testamento Diospaj Shimi

¹³ Chai horasllatajmi, jatun allpa chujchui jatarijpi, chai pueblo huasicunaca, chungapi chaupishca shuj parte huasicuna urmarca. Chaimantami 7.000 huañurca. Chaipi mana huañujcunaca, manchaihuan chujchushpami, jahua pacha Taita Diostaca sumajyachircacuna.

Apocalipsis 11:13 Iomraidhean Croise

GÉNESIS 6:4

Taita Diospaj churicuna runacunapaj ushushicunahuan chayarinacujpi chai huachashca huahuacunami, chai punllacunapipish, q'uipa punllacunapipish yallitaj jatun c'ari c'ari runacuna tiyarca. Paicunaca alli macanacuj millai runacunami carca.

ISAÍAS 29:6

C'ulun nishcacunahuan, allpa chujchushpa t'imburishcacunahuan, jatunta c'ulun nishcacunahuan, jatun acapanahuan, huairandij tamyahuan, tucuchij nina lunyacujhuan tucuita Mandaj Dios ricuj shamujpimi chashna canga.

JEREMÍAS 13:16

Cancunata Mandaj Diosca punllata amsayachigrinca, jatun urcucunahuanmari tsagmarigrinchij. Achijman llujshichichunmi cancunaca shuyacurcanguichij. Chaita ruranapaj randica, huañuna jatun amsa llaquipimari churanga. Amaraj chashna rurajpi, paitaca jatunyachichigari.

MALAQUÍAS 2:2

Tucuita Mandaj Diosca cashnami nin: “Ñuca mandashcata mana uyajpi, tucui shunguhuan ñucata jatunyachinguichij nishcata mana cazujpica, cancunataca llaquichishatajmi. Ñucata mana cazushcamantaca, cancunaman cushca ima allicunatapish quichushami. Cancunallataj imatapish mana tucui shunguhuan ñucapajta rurashcamantami, saruncunamanpish llaquichircani.

Juan 9:24

Shina nijpimi mana ricuj cashca runata cutin cayashpaca: –¡Taita Dios ricucunmi ama llullashpa ñucanchijman huillai! Ñucanchijca chai runataca juchayuj cashcatami yachanchij– nircacuna.

Hechos 1:15

(Chaipi tandanacushpa mañajcunaca, patsaj ishqui chunga shinami carca). Chai punllacunapimi Pedroca, paicunapaj chaupipi shayarishpa cashna nirca:

JOSUÉ 7:19

Chaipimi Josueca Acán runataca: –Ñuca huahualla, israelcunata Mandaj Diostaca sumajmari cangui, allimari cangui nishpa, can imallata mana allita rurashcataca ama pacashpa huillai– nirca.

Apocalipsis 11:11

Chashna cajpipish quimsa punlla chaupi q'uipaca, causaita cuj espirituta Dios cachajpi paicunapi yaicujpimi jatarishpa shayarircacuna. Chaita ricujcunataca, tucuicunatami jatun manchai japirca.

Apocalipsis 11:19

Chai q'uipaca, cielopica Diospaj huasimi pascarirca. Diospaj huasipica, ari ninacushca quillcata huaquichina cajonmi ricurirca. Shinallataj relampacuna, rimashcacuna, c'ulun nichijcuna, allpata chujchuchijcuna, jatun rundupishmi ricurirca.

Apocalipsis 14:7

Chai angelca: “¡Diosta manchaichij, paitaca jatunmari cangui nichij. Imalla rurashcata Dios ricuchishpa llaquichinaca, ñamari chayamushca. Chaimanta cielota, allpa pachata, mama cucha yacuta, llujshicuj yacucunatapish rurajta adoraichij!” nishpami, sinchita caparirca.

Apocalipsis 15:4

Jatun Dioslla ¿pitaj cantaca mana manchangari? ¿Pitaj Cambaj shutitaca mana jatunyachingari? Canllamari jucha illaj cangui. Cantaca ima shina rurashca shinataj ricuchij cajtami ricushcacuna. Chaimantami tucui llajtacunamanta shamushpa adorangacuna” nircami.

Apocalipsis 19:7

Ovejapaj boda ña chayamushcamanta, paipaj huarmipish ña allichirishcamanta, cushijlla cushicushpa, paitaca jatunyachishunchij.

Apocalipsis 3:4

Shina cajpipish Sardispica, paicunapaj churanacunata mana mapayachijcunaca ashacuna tiyanmi. Yurajllata churashcacunaca paicunapaj churanata mana mapayachishcamanta ñucahuanmi puringacuna.

Apocalipsis 6:12

Pichcapaj q'uipa sellashcata Oveja pascajpi ñuca ricujpica, cai pachapica jatunta allpa chujchushpami t'imburirca. Intipish llaquihuan cashpa churarina yanajlla churanata churarishca shinami tucurca. Shinallataj lunapish tucuimi, yahuar shina tucurca.

Apocalipsis 8:5

Chai angelca, incienso churanata japishpami altarpi rupacuj ninata jundachishpa, allpa pachaman shitarca. Chaimi c'ulun nishcacuna, huajiashcacuna, relámpa achij nishcacuna, allpa chujchushpa t'imburipish tiyarca.

1 SAMUEL 6:5

Cancunata llaquichicuj chupucunaman rijchajta, cancunapaj llajtacunapi llaquichicuj ucuchacunaman rijchajta rurashpa israelcunapaj Taita Diosta alli nichij. Cancunatapish, cancunapaj dioscunatapish, cancunapaj allpacunatapish llaquichinata ashallatapish saquingapishchari.