Apocalipsis 11:11 - Dios Rimashca Shimicunami

¹¹ Chashna cajpipish quimsa punlla chaupi q'uipaca, causaita cuj espirituta Dios cachajpi paicunapi yaicujpimi jatarishpa shayarircacuna. Chaita ricujcunataca, tucuicunatami jatun manchai japirca.

Mushuj Testamento Diospaj Shimi

¹¹ Chashna cajpipish, quimsa punlla chaupi punlla qʼuipaca, Taita Diosmi causaita cuj espirituta cacharca. Chai espíritu paicunapi yaicujpimi, causarishpa shayarircacuna. Chaita ricujcunataca, tucuicunatami jatun manchai japirca.

Apocalipsis 11:11 Iomraidhean Croise

GÉNESIS 2:7

Mandaj Taita Diosca runataca ñutu allpamanta rurashpa, paipaj singapi causaita cuj samaita p'ucujpimi, runaca causaiyuj tucurca.

JEREMÍAS 33:9

Ñucapajca jatunta cushicunami cangacuna. Tucui cai pacha llajtacunaca, paicunamantami ñucataca jatun nishpa, sumaj nishpa alabangacuna. Israelcunapaj ñuca imalla allita rurashcata tucuicuna uyashpami manchangacuna, chujchungacuna. Paicuna mancharina allicunata rurashpami, sumaj causaita cusha. Chaita ricushpami, ñucata manchangacuna” ninmi.

OSEAS 3:5

Chai q'uipami israelcunaca Mandaj paicunapaj Taita Diosta, paicunata jatun mandaj Davidta mashcangacuna. Tucuri punllacunapica Mandaj Diostami manchangacuna. Pai cushcacunatami chasquingacuna.

Hechos 5:11

Chashna tucushcata tucui uyajcunapajca tandanacushca crijcunapajpish, shujtajcunapajpish yallitaj manchaimi shamurca.

Hechos 5:5

Pedro chashna nijta uyashcahuan Ananiasca pambaman urmashpa huañurcallami. Chashna tucushcata uyajcunapish tucuicunami achcata mancharircacuna.

Romanos 8:11

Huañushcacunapaj chaupimanta Jesusta causachij Diospaj Espiritumi cancunapi causacun. Cristo Jesusta huañushcacunapaj chaupimanta causachij Diosllatajmi, cancunapi caj paipaj Espirituhuan, cancunapaj huañushca cuerpocunatapish causachinga.

Romanos 8:2

Cristo Jesuspi causaita cuj Espíritu mandashcami, ñucataca juchapajta rurachijmanta, huañuimantapish cacharichirca.

JOSUÉ 2:9

–Ñucaca cai llajtataca, cancunata Mandaj Dios cancunaman cushca canatami crini. Cancunata uyashpaca, tucui ñucanchijmi achca manchaihuan canchij. Cancunata manchashcamantaca, tucui cai llajtapi causajcunamari jatun manchaihuan huañucuncuna.

Apocalipsis 11:13

Chai horasllatajmi allpa chujchushpa, pamba t'imburijpi chungapi chaupishca shuj parte puebloca tucui taparirca. Chaipica 7.000 gentecunami huañurcacuna. Chaipi mana huañujcunaca, jatunta mancharishpami jahua pacha Diostaca jatunyachircacuna.

Apocalipsis 11:9

Tucui pueblopi causaj gentecuna, tucuimanta aillucuna, ch'ican ch'ican rimaita rimajcuna, tucui llajtacunapi causajcunapishmi, paicuna huañushca aichataca quimsa punlla chaupicama ricungacuna. Pambachunpish manataj saquingacunachu.