Apocalipsis 11:10 - Dios Rimashca Shimicunami

¹⁰ Paicunata huañuchishcata cai pachapi causajcuna ricushpaca achcatami cushicungacuna. Chai ishqui profetacunaca, cai pachapi causajcunapajca jatunta llaquichijcunami carca. Chaimanta cushicushpami caishuj chaishujman convidanacunata cachanacungacuna.

Mushuj Testamento Diospaj Shimi

¹⁰ Dios ima nishcata huillaj chai ishqui runacunaca cai pachapi causacujcunataca, jatun llaquicunahuanmi llaquichishca carca. Chaimantami paicunata huañuchishcata ricushpaca, cai pachapi causacujcunaca, jatunta cushicungacuna. Caishujman chaishujman imatapish carachun cachangacunami.

Apocalipsis 11:10 Iomraidhean Croise

1 REYES 18:17

Acabca Eliasta ricushpaca: –¿Canca israelcunata muspachij Eliastajchu cangui?– nircami.

1 REYES 21:20

Acabca Eliastaca: –Ñucata p'iñaj runamari ñucata caipi japinaman shamushcangui– nijpimi Eliasca: –C'aturij shina Mandaj Diospaj ñaupajpi millaita ruracujpimari canhuan tupaj shamuni.

1 REYES 22:18

Israelcunata jatun mandajca Josafattaca: –Chai runaca ñucapajca ima alli cana cashcataca mana huillangachu, ashtahuanpish llaqui cana cashcallatami huillanga nircanimi. ¿Manachu chashnallataj huillan?– nircami.

1 REYES 22:8

Josafat chashna nijpimi, israelcunata jatun mandajca: –Imlapaj churi Micaías profeta tiyanrajmi, paitapish Mandaj Dios imata nishcata tapuchinchijmanchari. Paica shuj cutinllapish ima allita manamari huillanchu, ashtahuanpish llaquillatamari huillan. Chaimantami paitaca p'iñani– nijpi Josafatca: –Jatun mandaj ama chashna rimaichu– nirca.

SALMOS 13:4

Ñuca lluchcarijpica, ñucata p'iñajca: “Mishanitajmari” ningamari. Chashna paicuna cushicuchun ama saquichu.

SALMOS 35:19

Ñuca manapish imata rurajpi ñucata p'iñajcunaca amataj cushicuchun. Yangamanta ñucata p'iñajcunaca ñahuita sipushpa ama chanzata rurachun.

SALMOS 89:42

Paita p'iñajcunapaj alli maquitamari sinchiyachishcangui. Tucui paita llaquichijcunatamari cushichishcangui.

PROVERBIOS 24:17

Canta p'iñaj runa ima llaquipi urmajpica, ama asinguichu. Paita llaqui japijpica shungullapipish ama cushicunguichu.

JEREMÍAS 38:4

Chashna huillajta uyashpami, mandajcunaca jatun mandajtaca cashna nircacuna: –Cai runaca cai pueblopi causajcunapaj alli causai tiyachunca mana munanchu, ashtahuanpish llaqui tucushca cachun yuyashpami, cai shimicunata huillan. Chashna huillajpimari saquirishca soldadocunapish, tucui cai pueblopi causajcunapish mana macanacushpa saquina yuyaita japincuna. Chaimanta cai runaca huañunami can– nircacunami.

JEREMÍAS 50:11

Cancunaca ñuca llajtata tucuchishpaca, jatuntami cushicurcanguichij. Llullu q'uihuaman huagra yaicushca shinami sajsarcanguichij. Caballocuna huacaricuj shinami caparirircanguichij.

ABDÍAS 1:12

Cambaj huauquita llaquichicui punllaca, mana ricucunallachu carcangui. Judá llajtapi causajcuna chingarijta ricushpapish, mana cushicunachu carcangui. Paicuna jatun llaquita apacui punllaca, cushicushpa mana asinachu carcangui.

MIQUEAS 7:8

Ñucata p'iñajlla, ñuca llaqui tucushcamantaca ama cushicuichu. Urmashpapish jatarishallami. Amsapi causacujpipish, Mandaj Diosmari nina shina ñucataca achijyachinga.

Mateo 10:22

Ñuca shutimantaca tucuicuna p'iñashcami canguichij. Ashtahuanpish tucuringacama catirajllami quishpiringa.

Juan 16:20

Cashnatajmi tucunga: Cancunaca huacanguichijmi, achcatami llaquiringuichij. Ashtahuanpish cai pachapaj cajcunaca cushicungacunami. Chashna llaquilla cajpipish, cancunapaj llaquica cushicuimanmi tigranga.

Juan 7:7

Cancunataca cai pachapaj cajcunaca mana p'iñanchu. Ashtahuanpish ñucataca, paicuna rurashcacuna mana allichu nishpa huillajpimi p'iñancuna.

Hechos 5:33

Shina nijta chai mandajcuna uyashpaca, yallitaj p'iñarishpami huañuchinata yuyarcacuna.

1 Corintios 13:6

Cashcata mana rurajpica mana cushicunchu, chaipaj randica imapish mana llulla cajpimi cushicun.

Apocalipsis 12:13

Dragonca paita allpa pachaman ña shitashca cashcata ricushpaca, c'ari huahuata huachaj huarmitami p'iñashpa catirca.

Apocalipsis 13:14

Punta animal jatun mancharinacunata rurai tucunata q'uipa animalman cujpimi, chaita rurashpa allpa pachapi causajcunataca umarca. Chaimantami q'uipa animalca allpa pachapi causajcunataca, espadahuan huañujta chugrichishca cashpapish causacuj animalman rijchajta ruraichij nirca.

Apocalipsis 13:8

Chai animaltaca cai pachata manaraj rurajpi paicunapaj shutita libropi mana quillcashca tucui cai pachapi causajcunami adorarcacuna. Chai libroca huañuchishca caj Ovejapaj libromi.

Apocalipsis 16:10

Chuscupaj q'uipa ángel, copapi tiyacuj llaquita jatun animalpaj jatun tiyarina jahuapimi tallijpica, jatun animal maipi mandacunmi tucui amsayarca. Chaipica tucuicunami nanaihuan, c'alluta canirircacuna.

Apocalipsis 3:10

Mana p'iñarij alli shungu cai nishpa ñuca mandashcatami huaquichishcangui. Chaimantami ñucapish cai pacha tucui llajtacunapi causajcuna, ima shina cashcata ricungapaj jatunta llaquichicui punllacunamantaca cantapish huaquichisha.